[iwcab]

كان ميلاد حنا بيقولوا عمل كتاب يقول فيه إن مصر 7 طبقات .. طبقة فرعونية وطبقة يونانية وطبقة قبطية وطبقية إسلامية إلخ ، والكلام ده صحيح تاريخياً وممكن تكون الطبقات دى موجودة فى الثقافة الشعبية ، بعنى لما يكون واحد شعبى ويدبح خروف يجيب الدم ويحطه على الباب وعلى الحيطان تقليداً لما عمله اليهود فى ضربة الأبكار والكلام ده توارثه الناس عبر الأجيال ، لكن لو واحد متعلم بالتعليم الحكومى مش بيعمل كده لأنهم قطعوه عن الثقافة الشعبية وعرفوه أن كل ما هو موجود فى البيئة الشعبية هو خرافات ، فالتعليم الحكومى يعتمد أساساً على مصدرين مصدر أوروبى مادى ومصدر عربى وإسلامى ، والتعليم الحكومى بيعمل زى حوصلة تمنع المتعلم من التأثر بالبيئة الشعبية وبالتالى السبع طبقات مش موجودين عند المتعلمين حكومياً لكن موجود عندهم طبقة واحدة وهى الثقافة الحكومية الميتة
الثقافة الشعبية لم تخضع لعملية غربلة قسرية زى الحال فى التعليم والثقافة الحكومية ، وبالتالى ممكن الثقافة الشعبية تبقى لها جذور فى السبع طبقات ، لكن الثقافة الشعبية ( ومثلها الثقافة القبطية والمسيحية ) ليست تحت رعاية الحكومة وبالتالى فهى تتقلص وأشرفت على الفناء تحت وطأة التوسع السرطانى للثقافة الحكومية