[yaweeka]

اول مواجهة لى مع امن دولة الاسلام كانت فى طلب ضابط شرطة منى ان "ازيل" صليب فى كنيسة كان تبرع بأرضها احد اقربائى وكنت حينها ابلغ من العمر تقريبا 15 سنة
طبعا حاولنا ان نحصل على قرار جمهورى من مبارك ، لكن موت يا حمار
مازال الطلب رهن موافقة سعادته الى الآن
بعدها لم يجد الاقباط بدا سوى بناء الكنيسة فى السر ثم فوجئ الجميع بافتتاحها ووضع الصليب عليها
فى نفس يوم افتتاحها جاءت جحافل امن دولة الاسلام معززة بمصفحات من قوات الأمن لتحيط بالكنيسة
قلنا هو فيه ايه؟
قالوا : الكنيسة دى لازم تتقفل
قلنا يا عم دى المنطقة اغلبها مسيحيين وتعدادهم فوق ال 20 الف وما فيش كنايس ليهم هنا فما المانع فى وجود كنيسة؟
بس دى عالم وقحة اساسا ولا تؤمن بحرية عقيدة وحرية عبادة
امر الضابط احد الاقباط بأن يصعد الى القبة لانزال الصليب فرفض وقال : تُقطع يمينى قبل ان تمتد الى مثل هذا العمل
قعد ضابط امن دولة الاسلام يدور على حد ينزل الصليب وكانت خطتهم ان ينزله قبطى حتى لا يتسبب صعود احد الضباط او اى من المسلمين الى قبة الكنيسة فى معركة دامية خاصة ان المنطقة بصعيد مصر وانت عارف طبعا طبع الصعايدة الحامى اللى ما يقبلش اهانة زى دى.
التفت الضابط الى بعد ان وجد الرفض من الجميع وقال : انت يلا ، اطلع فوق القبة وشيل الصليب
قلت له : اشيل الصليب ليه؟ ان شاء الله ربنا ها يشيلك انت واللى فوقيك كمان ( زكى بدر).

طبعا لم يستطع ان يقترب منى لان سنى كان صغيرا وكان الجميع سيلومونه ان فعل شئ خاصة ان بعض افراد عيلتى كانوا موجودين وكان بعضهم مدجج بالسلاح

المهم ، انتهت المسرحية الاسلامية بأن قام عضو مجلس الشعب ب (الضحك على ابونا ) بالتعهد شخصيا وامام الجميع ان يتم تحاشى اثارة مشاعر المسلمين وذلك بالسماح بانزال الصليب لمدة 24 ساعة فقط يتعهد بعدها بالحصول على ترخيص للكنيسة من رئاسة الجمهورية

ومن وقتها ونحن منتظرين سعادة رئيس الجمهورية انه يتكرم ويتعطف ويهز ... ويوافق على تصريح بناء كنيسة ولكن هيهات
عارفين امن دولة الاسلام عمل ايه بعد ان "شمعوا الكنيسة"؟
بعدها بأسبوع كانت اساسات مسجد تبنى مقابل الكنيسة تماما على قطعة الارض الوحيدة التى يمتلكها مسلم فى المنطقة !
هى دى امن دولة الاسلام ولا بلاش

طيب يا مبارك افندى اديك ربيت التعبان فى بيتك ، وجزاءك انه بدأ فى نهش لحمك انت اول واحد
اشبع بأة بيه