أعلان تلفزيونى : ليس بالخبز وحدة يحيا الأنسان و لكن ...؟؟؟

[Remon16]

فيوم أزرق فى رمضان كنت بتفرج على الأعلانات الى بتيجى فى التلفزيون بعد الأفطار ومرة وحدة طلع أعلان غريب بصوت نسائى بيقول
" ليس بالخبز وحدة يحيا الأنسان و لكن بالشيكي دودو " !!!!!!!!!!
سمعت اول جزء من الأعلان وانا بتذكر كلام السيد المسيح
" ليس بالخبز وحده يحيا الإنسان بل بكل كلمة من الله " وأول ماسمعت الجزء بتاع " الشيكي دودو "
اترفع حاجبى الشمال مع صدمة وأندهاش " حركة عادل أمام الشهيرة " و أولت هيا حصلت شيكى دودو كمان
و للناس الى معندهاش خلفية "الشيكى دودو" دة هو نوع من انواع لنشون الفراخ يعنى أعلان غزائى اختار لنفسة أسلوب قذر للترويج و هو السخرية من ايات الكتاب المقدس
قامت الكثير من الأسر القبطية الغيورة فى مصر بالأتصال بهذة الشركة و وضحوا لهم خطورة الموضوع دة و ابدوا أعتراضهم على هذا الأعلان و اللجوء للقضاء فى حالة أستمرارة
قامت الشركة برفع الأعلان من التلفزيون مع تقديم أعتذار فى جريدة الأهرام مما أراح نفسية الأقباط الى حد ما
ولكن السؤال هنا أذاى وافقت الرقابة على المصنفات الفنية على هذا الأعلان وأعتطة ترخيص
والسؤال التانى ما الأجراء الذى كان سيتخذ فى حالة نزول أعلان مضمونة بيقول مثلا
وجعلنا من الكوكاكولا كل شىْ حى
و منجلكوش فى شيكي دودو