تظبيط لنكات الموقع بعد الرفع

ياجماعة انا عملت موقع بالفرونت بيج و بعد كده رفعته على الفرى سبيس المشكلة ان لنكاته كلها متلخبطة لانها اختلفت طبعا لما اتنقل من الهارد ديسك للسيرفر
سؤالى : ازاى اعيد تظبيط اللنكات دى ؟؟

[New_ManII]

مفروض انك تعمل اللنكات نسبية مش مطلقة
يعني تكتب اللنك انها تشاور علي ملف xyz.html مش تشاور علي c:\xyz\xyz.html
و بكدة لما ترفعه علي النت, علي عنوان مثلا
www.xyz.com و ضعت علي اللنك هايروح للملف www.xyz.com\xyz.html

فاهم حاجة؟ العربي في المسائل دي صعب جدا :)))
تحياتي

كلام جميل يانيومان ياحبيبى بس ازاى اشاور على xyz.html بدل c:\xyz\xyz.html

[Mirage Guardian]

مش عارف تفهمه؟ طيب سيبهولى..
شوف يا سيدى..
مفروض انك تعمل اللنكات نسبية مش مطلقة
يعني تكتب اللنك انها تشاور علي ملف xyz.html مش تشاور علي c:\xyz\xyz.html
و بكدة لما ترفعه علي النت, علي عنوان مثلا
www.xyz.com و ضعت علي اللنك هايروح للملف www.xyz.com\xyz.html

فاهم حاجة؟ العربي في المسائل دي صعب جدا :)))







خلاص خلاص..

باختصار يا عزيزى..وأنا مش هاضيف جديد على كلام نيوتو
لو صممت موقعك على الهارد ديسك فى مجلد اسمه folder
وكان المجلد ده جوه بيت جحا على الهارد ديسك اللى اسمه D
هايكون مسار (path) أى ملف عندك هو:

اسم الملف\folder\بيت جحا\:D

امسح كل الكلام اللى قبل اسم الملف ( \folder\بيت جحا\:D )


ملحوظة..
لو فى ملفات انت حاططها جوه مجلد فرعى من folder ولنفترض اسمه subfolder
اسماء الملفات دى هاتبقى كدا:

اسم الملف\folder\subfolder\بيت جحا\:D

مش هاتمسح كل المسار.. هاتمسح من أول المجلد الكبير بس ( \folder\بيت جحا\:D )

بحيث المتبقى يكون ( اسم الملف\subfolder )

يعنى فى كل الأحوال هاتمسح من أول اسم المجلد الكبير واللى على شماله وتسيب اللى على اليمين

فاهم حاجة؟ العربي أو الانجليزى في المسائل دي صعب جدا :)))

[New_ManII]

اضحكتني يا حارس :]
مية مية يا مان وعلي الله تكون المشكلة اتحلت

جزاك الله خيرا و جعل ضحكاتي في ميزان حسناتك الدجيتال

ياجماعة افهموا سؤالى : انا بقوول ازاى يعنى..ايه الاوبشن اللى فى الفرونت بيج اللى يخلينى اعمل الحاجات دى

يعنى مثلا انا برفع صورة على الجيوستز بتاعة الياهو حلوووووووو فين المكان اللى اكتب فيه المسار اللى بتتكلموا عنه هو ده اللى اقصده

[net_man]

قريبا باذن الله اضع شرح وافى لتصميم المواقع بالفرنت بيج ..ادعيلى افضى بس