عدالة السماء بعد احداث الاسكندرية

[COPTIC KNIGHT]

مش أخلاق المسيحيين الشماتة
لا تنسوا كلمات السيد المسيح علي الصليب " يا أبتاه أغفر لهم"
البيت كان فيه مسيحيين منهم واحد من كنيستنا و العناية الألهية لم تسمح بحاجة و حشهة لهم
و بصراحة محصلهمش حاجة لأن كان لهم مكان يقيموا فيه بعد تنكيس البلدية للعمارة
أما الضحايا و لأنهم فقراء أو لأنهم لم يجدوا مكان لأستضافتهم بعد قرار التنكيس فلذلك كانوا الضحية
أما حكاية عدالة السماء فلا أظن أن اللـه ينتقم ممن تحرشوا بالكنايس و المسيحيين في محرم بك عن طريق سقوط عمارة علي رجل مشلول و زوجته اللي بتجري علي أسرتها للصرف عليهم عشان يعيشوا حياة بؤس و مرض و يموتوا بفاجعة
مش إلهنا اللي ينتقم في أطفال أبرياء
محدش فينا ربنا وكله عشان يعرف الناس مشيئته في الكوارث
مش لازم تخلي من نفسنا متحدثين عن ربنا زي زغلول الفشار اللي بنضحك علي تحليلاته لتسونامي
ما أبعد أحكامك عن الفحص و طرقك عن الأستقصاء
مش ده كلام الأنجيل برده
الله يحب جميع الناس
الله ينظر و يطالب
أنا صعبان علي الرجل المشلول و أسرته
كل دول ناس غلابة بتجري علي أكل عيشها ملمش و لا في الطور و لا في الطحين
ربنا يرحمهم و يرحمنا
عاش فقير و مريض و مات في كارثة