استفتاء لطرد غلباوى من المنتدى

[Mrs 2ana 7or]

المشاركة الأصلية بواسطة elmafdy

عزيزتى مدام أنا حر

بداية كل سنه و انتى و استاذ أنا حر و العائله الكريمه بخير و طيبين و المسيح يحفظكم دائما . . . و بعد


سلام المسيح معاك يا المفدى ومع كل عائلتك والاولاد يا رب

أنتى على حق تماما , أنا بأقول بالروح بالدم نفديك يا غلاباوى , و كان ممكن تقولى المفدى على طول من غير ما تتحرجى ,


اخى الاكبر المفدى
بعد وجودى معاكم هنا المده دى كلها اظن انك من اعلم الناس انى مش بنحرج لو بقل الحق وبقوله واللى يحصل يحصل (معلش طبع حامى زى كل الصعايده)

اولا الكلام لم يكن موجه شخصيا لاى حد بل بوجه عام وكان نوع من الدعابه (معلش دمى تقيل شويتين) بس الظاهر ان لا الجد نافع ولا الهزار نافع
غالبا حتكلم بالشفرة بعد كده واريح روحى واريحكم


المهم أنى عاوز اقول لك انى فعلا بأفكر انه لو اتطرد غلاباوى من المنتديات احتمال كبير انى اخرج من المنتديات بغير رجعه انا كمان , مش علشان مبدأ بالروح بدم نفديك يا غلاباوى , و لكنى أرى انى كبير فى السن بصوره تجعلنى لازم احترم نفسى , و احترامى لنفسى يجعلنى ارفض أمور كثيره اذكر منها :

1) أرفض أن أعامل كأنسان قاصر تفرض على وصايه و تحدد ما هو يفعل و ما لا يفعل بدون حتى أن اعرف و اصبح كما قلت سابقا كالاطرش فى الزفه .

2) أرفض أن اشارك فى دور المحلل بأن تلهب حماستى بكلمات مثل انه بيهدننا و خطر و الكلام ده اقوم مصوت بالموافقه و أبقى واحد من المحللين اللى ادوا القرار صفة الشرعيه و الاغلبيه من غير ما اكون فاهم حاجه .

3) أرفض أن أتشبه ببعض المسلمين الذين ننتقدهم و نعترض عليهم طول الوقت , و لا اتقبل الاخر ولا الرأى الاخر و لا افكر فيه و لا حتى اسمع رده او دفاعه عن نفسه .

4) أرفض أن أكون من هذه النوعيه التى ترى ان كل مختلف معها خائن وعميل و يجب قتله .

5) أرفض أن اكون من الفئه التى لا تستطيع الانتصار بالحجه و المنطق و حوار العقل للعقل و انما تنتصر بأخراس اى اصوات مختلفه معها .

6) أرفض أن اطرد انسان لما أجد منه الاحوارات ناضجه عاقله و يحظى بأحترامى و تقديرى , خاصة و ان احدا لم يجرؤ للأن ان يواجهه او يحدد ما هو خطأه بالظبط , هذا اذا كان هناك خطأ من الاساس .

أننى حينما ارفض طرد غلاباوى و ادافع عنه فأننى ادافع عن ادميتى و احترامى لنفسى و لمسيحيتى و احافظ على ورقة توت تستر عورات مخجله من ان تسقط كما سقط قبلها الكثير و الكثير فى المنتديات هنا .
أرجو أن اجد من يكون قد فهم كلامى , و ان كن أشك

و الرب قادر ان يعلمنا و يفهمنا و يعرفنا كيف نحب الجميع

المفدى

معاك فى حقك انك تفهم وانا كنت كده لحد ملقيت اللى فهمنى وقتها بالى ارتاح وهديت وخدت قرارى باقتناع تام
وبالتالى كلامك يوجه للى فى ايده هذا الامر لانى على علم به وكان احساسى شخصيا...
الاهم يا المفدى لو سمحت اسالك سؤال صغير .... هل لان تجربتك مع (س) من الناس جيده ونفس الوقت كثيرون يقولون مع تاكيدهم بما ليس به شك ان هذا ال (س) وجوده قد يمثل شيئ من الضرر عليهم هل تحكم على الوضه بوجه خاص وهو تجربتك الشخصيه ام تنظر بوجه عام لمصلحه العديدين من اخوتك هنا؟؟؟؟
لا ترد يكفى ردك بينك وبين نفسك....
انا شخصيا لم احسم قرارى نهائيا الا بعد تاكيد (وطنى مخلص) عن بعض المشاكل التى قد تواجه كثيرين فى مصر عن طريق الانترنت وسرده لبعض الحقائق...

شيئ اهم هل تظن ان حدث ان الاغلبيه صوتت ضد غلاباوى فهل تظن انه سيترك المنتدى حقا !!!!!!!!!!!!!!!!!!!!!!

لن يحث ولكن كما قال احد الاخوة هنا ان الاستفتاء نوع من التنبيه للكل ان ياخذ بالحذر اذا كان يخاف من شيئ ما....
انا حر... قال يكفى جبناء ونفس الوقت كان متعاطف مع البعض هنا وعنده هم اهم من غلاباوى او اى مسلم حتى انه يوما طلب ان يمنح الجولد يوزر لغلاباوى وانا اول من عارضت تلك الفكرة .... لكن كما اوضحت سلفا ان هناك اولويات...
وهل لو الان اثبت احدهم لك بما لا يدع مجال للشك ان (س) من الناس اضر او يخطط للاضرار باحد ما هل ستظل على قناعاتك ام تعترف بخطئك؟؟؟
واتمنى وهو الاهم من كل هذا كما انا تمنيت سابقا على البرايفت وهنا ان الاستفتاء لا يفتح اى مجال بيننا كاقباط للاختلاف لان لا شيئ يستاهل بالفعل ..
فنحن الاهم وعلاقاتنا الطيبه اهمم من المخابرات العامه كلها فى مصر
انت مع وانا ضد لا يعنى اننا اعداء او نقف فى الجانب العدائى لبعض بالعكس لنحترم بعضنا كى يحترمنا غلاباوى واى مسلم بيننا

ولنتاكد كل التاكد ان هناك ماهو اهم الف مرة امامنا كاقباط نفعله من التناحر بسبب اى مسلم ايا كان....
وارجوك لا تاخذ كلامى اكنه انت وحدك المقصود لا ....
فالله يعلم ان كلامى بشكل عام وللكل وانا اولكم
اخر شيئ اتاكد ان هنا الكل يفهم ما تقول فلسنا عديمى العقل صدقنى



بس ايه رايك بكتب فصحى كويس انا طلع عينى اجمع الكلمتين دول الصراحه اكنى بتكلم يابانى

وربنا يحافظ على الجميع يا رب



مع احترامى