|
هوه الموضوع .. إحنا مين ؟ وعاوزين إيه ؟
هل إحنا لا دينيين وعاوزين حرية الإنسان الجسدانية ( الإنحلال ) وحريته العقلية ( الإلحاد ) وندعو إلى حكم البشر وفكر البشر ونؤمن أن خير المجتمع فى ما تتفق عليه الغالبية ؟
أم إننا مسيحيين وعاوزين حرية مجد اولاد الله وعاوزين نحيا به ونتحرك لمجد إسمه ؟
مع العلم إن ما يسمى بالحرية الإنسانية هو عبودية الفساد ، لأن الإنسان لا يمكن يعيش حر .. فهو أما عبد البر فى المسيح ياإما عبد الخطية فى الشيطان
فزى ما طرد اللادينيين المسيحية من النظام السياسى فى الغرب ، فعاوزين نطرد الإسلام من النظام السياسى فى الشرق والناس يحكموا نفسهم بنفسهم ، وبالتالى يتحرر المجتمع من عبودية الإسلام
لكن فيه فرق هائل بين المسيحية والإسلام بحيث أن ما نجح فيه الملحدين فى الغرب ( طرد الدين ) سيفشل فيه دعاة اللادينية فى الشرق ( لإختلاف طبيعة الديانتين )
فإحنا كمسيحيين عاوزين حرية الإنسان ( من الخطيئة والشيطان والموت والهلاك ) عن طريق طاعة الله وعبادته والعبودية له ، وعاوزين خير المجتمع بالتمسك بالقيم المسيحية الإلهية وليس بفكر البشر
وبعدين .. إحنا عاوزين مملكة الأرض أو مملكة السماء ؟ عاوزين الناس تحيا فى سعادة بالديمقراطية ؟ أو نريد أن يعيش الناس فى سعادة ويرثوا الحياة الأبدية بالمسيح ؟
|
08-10-2003
النمط المتطور