بعد الاحداث المحيطه . . . ان الاوان لوجود وطن خاص للأقباط

[RAAFATLUNA]

اسمحوا لى اقول راي فى كلمتين
1- انا مش ممكن اصدق انى اعيش فى مصر ( رغم كم العيوب اللى فيها دلوقتى ) من غير الاسكندرية كنيسة مارمرقس واثناسيوس ودير مارمينا وابونا بيشوى كامل ..... الخ
2- مش ممكن اعيش من غير القاهرة رغم اللى اتعمل فيها علشان يغيروها كنايس مصر القديمة والمعلقة ...... صعب جدا .
3- مش ممكن ماروحش اسيوط ( المحرق - درنكة - ولاحتى جبل الطير ) ولاممكن اعيش من غير ماروح سوهاج الانبا شنودة وابونا يس وبلد اجدادى وكنيسة ابو فام و تشوف الاسقف الجميل الانبا فام ازاى.
ازاى اتحرم من ابونا عبد المسيح وكل اديرة الصعيد . ازاى اتحرم من الانبا انطونيوس والانبا بولا ماينفعش .
ازاى ماروحش كنيسة مارمرقس اللى فى رشيد ( اة هى كنيسة واحدة فى البلد بس ماينفعش )
اقول اية ولا اية انا عارف ان البلد حالها زفت بس دة مش زنبها دة زنب الاوباش اللى ماسكنها .
افتكرت دلوقتى الممثل الجميل حسين فهمى فى مافيا لما قال ممكن تكون امى مش اجمل ست فى العالم بس انا بحبها علشان امى احنا بنحب مصر علشان هى بلدنا وداخل مصر امنا الحقيقية كنيستنا .
صدقونى حاولنا وماينفعش رغم اللى بنشوفة ودة كتيييييييييييييييير .