هل انت قبطى حقيقى

[saker_america]

سلام المسيح معكم


.


كتير اوى على الشات او فى المنتديات ناس بتسالنا لغتك ايه وانت منين

طبعا بتقول مصرى وبتكلم عربى ومفكرتش ولا مره تقول انك قبطى ولغتك
هى القبطيه

ليه السلبيه اليى احنا فيها دى

اليى خلانى اكتب الموضوع ده ان حصل معايا موقفين خلونى
اكتب الموضوع وافكر فى حلول ليه

الموقف الاول مع مجموعه من اصحابى
وباختصار انى كنت بتكلم معهم بالانجليزى فى بعض الامور
فواحد منهم قالى ياعم عيش عيشه اهلك ومتتفزلكش علينا وكلمنا عربى
فقولتله عيش عيشه اهلك انت انت ليه بتتكلم عربى اصلا المفروض نتكلم قبطى
عرفت انى ولا انا ولا انت عايشين عيشه اهلنا
واشتد الكلام واكتشفت انهم ميعرفوش ان لغاتنا الاصليه هى القبطيه
وفاكرين انها لغه بتتقال فى القداس بس وميعرفوش ان اللغه العربيه هى
لغه دخيله علينا بالاكراه

الموقف التانى هو
كان فى الشات ولما قولت انى قبطى وكانوا المتكلمين معى اجانب
معرفوش يعنى ايه قبطى وطلبوا منى معلومات عشان كده فكرت فى الحل ده

اولا اى حد يسالك ايه لغتك تجاوب انها اللغه القبطيه مع مقدرتك على استعمال الغه
العربيه واللغات الاخرى اليى انت عارفها

ثانيا التوقيع فى المنتديات تحطوا فى المواقع اليى انا كاتبها تحت

طبعا فى ناس كتيره فى البلاد التانيه مش عارفه الاقباط

عشان كده انا جمعت أهم المواقع اليى بتتكلم عننا
وعن عددنا واصلنا ولغتنا وفين احنا عايشن وتاريخنا وكلوا

اول موقع بتكلم عن تاريخنا والنتيجه القبطيه وعددنا فى مصر وبرا مصر

http://en.wikipedia.org/wiki/Copt

تانى موقع بيتكلم عن الكنيسة القبطية الارثوذكسية وتاريخها ومعلومات كتيره عنها

http://en.wikipedia.org/wiki/Coptic_Church

تالت موقع الموسوعه القبطيه

http://www.coptic.net/EncyclopediaCoptica

رابع موقع هو اتحاد اقباط الولايا المتحده

http://copts.com/english1




وبكده اى واحد اجنبى ميعرفش حاجه عن الاقباط بالاربع مواقع دول

يعرف تاريخهم وكل حاجه عنهم

ومتنسوش انتوا كده مش بتعرفوا الناس بالاقباط بس لا بالمسيح كمان

ســــــــــــلام