الجديد

[iwcab]

كان فيه موضوع إمبارح دورت عليه هنا مالقتوش ( يمكن أكون قريته فى موقع تانى ) ، عن ظهور السيد المسيح لأطفال كانوا محبوسين فى مقبرة ، وجابوا الموضوع ده فى التليقزيون وناس شافوه ، وبعدين أنكروه رغم إن أبونا مكارى قال إن فيه 8 كانوا حاضرين العظة بتاعته وشافوا البرنامج ، الغريب فى الموضوع الإنكار الرسمى ، وحتى الكنيسة ماقالتش مايشفى الغليل ، والمطلوب إن وطنى تعلن أنها هتتلقى رسائل من الناس عن الموضوع ده ، وكل واحد شاف البرنامج يقول ماشاهده وفى أى قناة وفى أى برنامج ، وتتكتب الشهادات دى فى الجرنال ، لأنه مش معقول عشرات ومئات والوف من الناش يتفقوا على الكذب الجماعى ، ومش معقول التليفزيون والأجهزة الرسمية تكذب علنى وعينى عينك ، وحتى الكنيسة تقول كلام بين البينين
------------------------
وجدت فى موقع الفكر العربى إن الحوار الدينى شغال عندهم ( رغم إنه شبه توقف عندنا ) ، فمش عارف المسيحيين أخدوا حقهم هنا ورايحين يأخدوا حقهم هناك ، وألا الناس مش عايزين يجيئوا هنا لما يواجهونه من هجوم عنيف ، وحتى المسلمين المؤدبين بيتعرضوا لهجوم عنيف ( تستخدم فيه جميع أساليب الكلام ) ، أعتقد إن أى واحد بيتكلم بأدب لازم الرد عليه بنفس الأسلوب ، ويتم منع الهجوم الجارح الشخصى