قنبلتين تستهدف كنيسه العذراء فى الزيتون

[HOOK]

نشكر ربنا على سلامة الكنيسة واولاده
وحسب كلام الناس مفيش اصابات من المسيحيين على الرغم من الشائعات عن وجود سيارات اسعاف كثيرة وقت الحادث الا انى اعتقد ان الموضوع مرتبط بالانفجار مش بالاصابات وعموما صباحا الامور تعود الى مجاريها ما عدا القوات التى تحاوط الكنيسة ولكن الشارع المرور عاد به تانى والاوضاع طبيعية .
الانفجار الاول كان تقريبا التاسعه او بعده بشوية والانفجار التانى بعد منتصف الليل والغريب على حد قول بعض الاصدقاء اللى اتصلت بهم وساكنين هناك ان الناس نزلت بعد الانفجار التانى من بيوتها علشان تطمن على الكنيسة مع ان الانفجار التانى كان شديد وذى ما سمعت من القصص اللى السكان بيحكوها انها ذى الى كانوا بيسمعوا عنها فى الاخبار !
ولما سألتهم : ما كنتوش خيفين ؟
اجابوا : هو حد يطول يموت موته ذى دى ؟
ربنا يحافظ على كنيسته وبيته
ويشوف الناس اللى بيقولوا مفيش ارهاب واضطهاد على عينك يا تاجر بس الغريب هو الموضوع هل موعد الانفجارهل هو مرتبط بزيارة رئيس وزراء اسرائيل لمصر ولا علشان موضوع الخنازير ولا مجرد ارهاب للارهاب فقط ؟!!!
وليه فيه تعتيم اعلام كبير على الموضوع ده يعنى الاخبار عندنا ولا حس ولا خبر وقناة الجزيرة يا دوبك فى الشريط الاخبارى بتعها كام كلمة مصدر امنى صرح بانفجار عبوة ناسفة او سيارة مفخخة بجوار كنيسة والمضحك تصريح عن تفكيك عبوة اخرى .
اما قناة العربية ولا حس ولا خبر ذى قناة النيل العظيمة بتاعتنا .