فرصة تاريخية لنوال حقوق الأقباط كاملة

[yaweeka]

Aswan
رسالتك تنم عن مدى أدبك الجم ، بس تعالى نشوف

هل انا كنت عايز ابقى ضابط؟
لأ ، كنت عايز ابقى طيار ، بس بعد كدة لاقيت مجال تانى احسن ومناسب لى اكتر ، ومش باذل حد ، بالعكس افضل ان اكون انا المجهول ويظهر آخرون فى الصورة

تعالى نناقش رسالتك

انتوا ليه فى المنتدى دة فاهمين المسيحيه غلط

بجد؟ ازاى يعنى؟

واحد يقولى اثانسيوس وقف ضد العالم وهو مش فاهم انه وقف ضد شهوات العالم

اثناسيوس وقف ضد العالم وضد من يتلاعب بايمان اجداده ويريد ان يفرض فهما مغلوطا يقول ان المسيح ليس الله تمام زى الاسلام يعنى ، لو عمل زى ناس "فاهمين المسيحية غلط" كان مشى جنب الحيط وقال "الرب يدافع عنكم وانتم تصمتون"

وسيادتك تقولى نحتفل بميلاد المسيح

جملة ليس لها محل من الاعراب ، عايز تقول ايه ؟

يا سيدى اللواء متقاعد

انا مش لواء ومش متقاعد
لعلك تقصد نبيل لوقا بباوى

ميلاد المسيح فى قلوبنا ميلاد السلام

طيب ما تتفضل تطالب بالسلام لامهات الفتيات المخطوفات ، ولمن ليس لديه كنيسة يصلى فيها ، ولمن فقد عزيز لديه فى الكشح وابى قرقاص وديروط و..... ولا دول نحرمهم من السلام ده؟

ميلاد المحبه

طيب مش تمارس هذه المحبة ولا هو كلام فى الهوا ؟ فين المحبة اللى بتتكلم عليها وانت داخل ادانة فى اللى حواليك لمجرد انهم طالبوا بحق المضطهدين؟

ميلاد كل حاجه جميله

زى الحق ، والعدل ومقاومة الظلم والوقوف بجانب المضطهد ..... وتقول للطاغية : لا يحق لك ولا دى مش من ضمن الحاجات الجميلة؟ ولا امن الدولة قال انها من الحاجات الوحشة الضارة للمسيحيين؟

ارحمونا يا من تركتم صليبكم وهربتم الى العالم اللى انتوا عايزينا نقف قصادة

ما اعتقدش فيه واحد مسيحى ينطق بالوقاحة بتاعتك دى ، احنا طلبنا ممن يريد حياة كريمة ان يطالب بحقه ، اما من يريد ان يأخذ على خده اليمين والشمال و ...ما حدش قال له يعمل حاجة ، خليه يكمل مسيرة الخنوع والذل ويتلذذ بالاضطهاد ولو عايز كمان يديهم قفاه هو حر