مصر ياأمه يابهية ياأم طرحة وجلابية

[iwcab]

الشيخ إمام هو رجل كفيف وكان مقرىء وبعدين إتجه للموسيقى وتقايل مع نجم ( الشاعر ) بعد النكسة وعملوا أغانى سياسية فيها ذم للثورة والأحوال اللى كانت موجودة ، فقبضوا عليهم وقعدوا يدخلوا السجن ويخرجوا منه ، واغانيهم لم ولا تذاع فى الإذاعة أو فى أى مكان لكن الناس مسجلينها وموجودة حالياً على النت
http://www.sawari.com/emam_main.shtml

دول الرفض كانت بتذيع أغانيهم لما السادات عمل الصلح لكن لما إتصلحت العلاقات بطلوا يذيعوا ، وكانوا بيعملوا جولات فى البلاد العربية ، وكانوا بيغنوا فى الجامعات والنقابات ( فى مصر )

أما نجم فهو كان من قرية وكان بيشتغل ( نفر ) يعنى عامل زراعى بالأجرة وبعدين راح إشتغل فى الكامب الإنجليزى وبعدين المصريين عملوا إضراب وإنسحبوا من الكامب بوعد حكومى بتعيينهم فى الحكومة ، فعينوا شوية ولم يعينوا الباقى ، ونجم لم يتعين وبعدين راح إشتغل كمسارى فى الأتوبيسات وبعدين زور ورق فدخل السجن ، وفى السجن كتب شعر ، وكان فيه مسابقة شعرية فظابط فى السجن ( وكان مسيحى ) أعجبه شعره وأخذ الشعر منه وطبعه على الآلة الكاتبة وقدمه فكسب المسابقة ولما خرج وعن طريق القائمين على المسابقة إتعين فى لجنة التضامن الأسيوى الأفريقى وسكن مع نجم فى حوش آدم فى الجمالية ، وعاملين أغنية على هذه الحارة ، الأغنية مدينها الصبغة الدينية لقرب حوش آدم من منطقة الحسين .. لكنها مميزة
http://www.sawari.com/mp3/haretna.mp3
وحصل إنهم سافروا باريس ويظهر جابوا مبلغ كويس فإختلفوا وإنفصلوا عن بعض
وبعد كده البيت فى حوش آدم إتهد فى الزلزال ومش عارف بعد كده الشيخ إمام راح فين وبعدين إتوفى

ونجم عامل مذكرات مشهورة لحيوية أحداثها وتنوعها

صفحة نجم
http://elfagome.itgo.com/