العزيز غلباوى،
الحديث مع المسلمين أمثالك زى الموسيقى على ودانى، يا ريت الكل يكون زيك و أنا مش بقول جدة مجاملة.
إقتباس:
|
المشاركة الأصلية بواسطة غلاباوي
انا طبعا مش بشكك في كلامك وفعلا كلامك صح وانا موافقك علية .... ولازم يكون فية مساواه .. يمكن مش مساواه كاملة ( وانا بقول يمكن ) عشان فرق النسبة بين المسلمين والمسيحين لا تتعدي حتى الربع ...
|
لازم نكون أصحاب مبدأ يا عزيزى المساواة التامة يعنى تامة و كل شئ بالكفاءة مش بالعدد و من مصلحتنا كلنا إننا نحط أكفأ إنسان فى كل منصب و بعدين إذا كنا بندفع نفس الضرايب و نخدم نفس المدة فى الجيش و علينا نفس الواجبات إذاى تبقى حقوقنا مختلفة؟
إقتباس:
|
المشاركة الأصلية بواسطة غلاباوي
وتعالي شوف ... السعودية مثلا .. المفروض لو على كلامكم يبقي مصر اسلامية زي السعودية .............. يعنى مهما كان برضة يا عزيزي حالنا احسن من غيرنا ... ولا اية ؟
|
لا أظن التشبية دة ينفع من أساسة للأسباب إللى الأخوة ردوا عليها فأنا مش هعيد و أزيد فى النقطة دى.
لكن برضة أكرر إن الأفضل نكون أصحاب مبدأ يعنى مفيش حاجة إسمها أحسن من غيرنا، إنت كأنك بتقوللى أبقى 80% بنى آدم أحسن ما أبقى 60% بنى آدم و دة كلام ما ينفعش.
إقتباس:
|
المشاركة الأصلية بواسطة غلاباوي
لكن محدش ينكر ان حتى لو كنتم مليون بس والمسلمين 69 مليون ان ليكم حقوق لازم تحترم وانا مسلم وبنادي فعلا بالحقوق دي معاكم ... لكن يا عزيزي .. على رأي المثل .. ( اخذ الحق فن )
ازاي عايز تاخد حقك وازاي تطااب بيه هو دة الفن الصح ..
على الاقل لو مش هتكسبوا صديق وحليف .. ما تكسبوش برضة عدو جديد ...
يعنى لو اي واحد مسلم دخل ووجد احترام متبادل ومنادة بالحقوق بشكل متحضر وبأسلوب اقل ما يقال عنه انهمهدب هتفرض علية احترامك وانه يحاول يساعدك ...
|
فى دى إنت معاك حق الف فى المية.
إقتباس:
|
المشاركة الأصلية بواسطة غلاباوي
وبعدين في وسط كلامك بتقول
إذا كان أخوك عايز ياكل عليك ميراثك فهل حرام تشتكية للبوليس؟
يا اخي المثل بيقول انا واخويا على ابن عمي وانا وابن عمي عالغريب ....
يعنى افهم من كدة لو الامر تطور هتقف مع جيش امريكا اللى يجي مصر وتضرب في اخوك المصري المسلم ؟؟!!!!!!!!! متهيألي الموضوع محتاج توضيح اكتر منك ...
|
أولا إحنا بنرفع صوتنا و نشكى أحوالنا للعالم على أمل إن ضغط الرأى العام العالمى يساعدنا بالضغط على الحكومة المصرية، إحنا لا نطالب و لا نريد بل نعترض على أى تدخل عسكرى.
أنا الوم المسلمين المعتدلين أمثالك على لجوءنا للرأى العام العالمى لأننا فضلنا نعانى و نصرخ داخل مصر و لا من مغيث فلا تلومنا و إحنا معندناش إختيار تانى.
إقتباس:
|
المشاركة الأصلية بواسطة غلاباوي
وللمرة المليون عشان ملاقيش واحد داخل يشتم ويجري كالعادة وهو عارف نفسة ... انا مش بنكر ان ليكم حقوق .. لكن في نفس الوقت اكسبوا موئيدين ليكم مش تكسبوا كل يومن اعداء اكتر واكتر ...
|
كلامك مظبوط و أرجوا إنك تعمل بضميرك ولا تستغل إساءة البعض حجة أن تسكت على الظلم و سيب ربنا يحاسب كل واحد على حسب أعمالة.
لكن أنا بقولك إحنا مش ضعاف و هنفضل ننادى بالمساواة و العدل طول ما فية إضطهاد و ظلم و لن نسكت إلى أن ننال حقوفنا، و إنت إلى هتحدد مسار الرحلة دى لأن لو أمثالك صححوا الخطأ بكرة أنا أوعدك إنى مش هفتح بقى بكلمة و تعيش مصر فى تبات و نبات لكن لو وقفتوا تتفرجوا و تركتوا الساحة للإخوان فإحنا ما قدمناش أى إختيارات و هنعمل إللى بقدرتنا علشان نحمى بلدنا و أهلنا.
03-05-2005
مواضيع مشابهة
النمط المتطور