إلى جيمع الأخوة المسلمين القدامى منهم والجدد

المشاركة الأصلية بواسطة ehabamira2010

كلامكم جميل ويظهر فيه الاحتراموانا سعيد بكم كثيرا لأن يوجد مسلمين بهذه الدرجة من الاحترام
لكن لي تعليق صغير اوي ممكن انك تقول كلام جميل ولكن عند الفعل الذي تراه هو شيى واحد
ان هذا المسيحي في نظرك وفى نظر دينك الاسلام هو كافر واعتقد انك لا تفكر بهذا الاسلوب المحترم الذي تتكلم به صدقني هذه هي الحقيقة في داخل اي شخص مسلم والدليل كتير كتير
احكيلك عن عدم بناء كنائس الا بتصريحة من امن الدولة والريس شخصيا احكيلك عن الكشح واللي حصل فيها احكيلك عن معاكسات للفتيات القبطيات احكيلك عن الموظفين وعدم ترقيتهم وانهم احق لكونهم مسيحين الوزارة بها كم منصب وزير لم تزد في اي فترة من فترات الحكم عن اثنين مسيحين والباقي مسلمين ودائما بغرقوا مصر كلها مسيحيين ومسلمين احكيلك عن ايه ولا ايه
ارجو من الاخوة المسيحيين الا ينخدعوا بهذا الكلام المعسول الذي يقولونه لأن الفعل شيى والكلام شيى آخر وشكرا

الأخ العزيز ehabamira2010 و سامى

يا أخى كلامك معظمه كويس وبعدين تيجى فى النص و تقول قرئت فى الف ليلة و ليلة وبعدين جزء من القرأن - يعنى عايز المسلمين يصدقوك ازاى ؟ اقولك رد سؤالك - لو صدق الفعل و القول فالأمل اقرب مما تتصور
حنتذاكى على بعض - مفيش فايدة - مفيش حد اليومين دول عبيط

ولا فاكر ان ربنا كمان قصر الذكاء على دين معين - اذا كان كده تبقى مصيبة لكم ولنا !

زى بالظبط ما كاتب موضوعك المثبت - الى جميع الاخوة المسلمين .....كونك توجهه فقط للمسلمين - فيه ظلم - لأن اكتر من يشتم هو بعض الأقباط - و لما بعد المرة الألف نرد يا بتوقفونا يا بتطردونا - عارف العملية زى ايه
ده اخويا ابن الله1 زعلان منكم قوى - ههه

زى امريكا - هى اللى اخترعت القنبلة الذرية - وهى الوحيدة اللى استعملتها - وهى برضه الوحيدة اللى بتجبر الأخرين على عدم استخدامها - و طبعا ده مش سببه احساسها بالذنب طبعا - و دلوقتى ال ايه بتدافع عن الحريات - مسكوا القط مفتاح الكرار

الحق و العدل و صدق النوايا و الأعمال هو السبيل الوحيد - لا الحداقة ولا الاستذكاء

يا أخى العزيز انا عندى اخوة مسيحيين اعرفهم - اقدرهم و احبهم اكتر من معظم المسيحيين فى رأئ الشخصى - مش مهم قوى دينك ايه - المهم ار فيك ايجابيا ازاى – صدق او لا تصدق – انتا حر

زى ما بارد عليكم ببساطة و فطرة حارد على اخوانى المسلمين و بالعقل برضه

1 مين اللى قال كده - بالعقل - الدين الأسلامى اللى كرم سيدنا المسيح و قال عن السيدة مريم سيدة نساء العالمين - فى وقت لم يكن فيه الدين المسيحى بالقوة التى يخشى منها فى الجزيرة العربية- معقول يرجع و يقول انتم كفرة ؟

كل اية ولها موضع معين و سبب و اناس معيينين او احداث معينه و ليس كل حاجة فى المطلق كده – وبرضه اذا كان المطلق اقرب للمبادئ النبيلة من الأيات المحددة لأهداف و اوقات معينة – حاختار المطلق منها

الكافرين من المسيحيين فى رأى هم من يكتمون كلمة المسيح الحقة كما ارادها الله - او من يحرفون فى كلامه - او من يفسرونه يشكل غير الذى قصده الله - اقول لك انا برئ من كل المسلمين الذين يكفرون المسيحيين الحق - او بدون وجه حق - و ساعتها اقول لهؤلاء المتعصبيين - لأ انتم الكافرين مش المسيحيين.

اما الأية التى ذكرتها فخد اللقاح بتاعها :

( وإذا حييتم بتحية فحيوا بأحسن منها أو ردوها إن الله كان على كل شىء حسيبا )
التفسير :
86 - وإذا حياكم أحد - أيًّا كان - بتحية من سلام أو دعاه أو تكريم أو غيره، فردوا عليه بأحسن منها أو بمثلها، فإن اللَّه محاسب على كل شىء كبيرًا كان أو صغيرًا.

2 اما بناء الكنائس - فما حدث فى اعتقادى هو محاولة من بعض رجال الدين المشهورين بحبهم للسياسة - لى ذراع النظام او برضه الأستذكاء عليه - قولى انت بأه وانت قى بلاد الحرية المزعومة - كام جامع ممكن يتبنى و بأى تصاريح فى أى دولة غربية مسيحية او فى عاصمة الحرية - امريكا ؟

3 اما باقى الأحداث من الكشخ وخلافه و الترقيلت و العمل - فانتم تقومون بهذا ايضا – او فل نقل مثلها مثل الطلاق – الاثنين غلطانيين بشكل ما – مش غلطة طرف واحد ابدا – زى ما بيقولوا – لو المتكلم مجنون – المستمع عاقل.

4 الهدف كله كام وزير زيادة ؟ - ده موظف حكومى اساسا يعنى رجل اعمال قوى بيبقى اهم منه - و بعدين كام وزير مسيحى كان حيودوا البلد فى داهية خصوصا قبل الثورة - و دلوقتى فيه الأخ بطرس غالى من فترة كبيرة و مغرق اهم قطاعات الدولة والظاهر مش قادرين يمشوه لأنه مدعوم من امريكا

مفيش داعى نغوط فى الموضوع ده لأنه حيودينا فى اتجاه الانتصار للرأى الشخصى و انت عارف اساسا ان معظم وزراء مصر قديما و حديثا مجرد طراطير

اكتر من كده - انت اللى حتودينى امن الدولة

سلامى اليكم