موقف و اثار انتباهي

شوف يا عم زوم
لو باع الاتنين سوا مفيش مشاكل ، لأن زي ما انت قلت ان التجارة ملهاش دعوة بالدين
المشكلة انه يخفي هويته خوفا من الآخرين
والخوف في حد ذاته انكار
يعني واحد ماسك سيف ووقف واحد مسيحي في الشارع ، وسأله : انت مسيحي؟؟؟ ، لو المسيحي خاف وقال لأ يبقى أنكر المسيح ، حتى ولو رفض الاجابة فقد أنكر المسيح
وبعدين الجريدة ليست دينية فقط ، بل وسياسية رياضية شبابية ثقافية ، فيها كل حاجة
وبيكتب فيها مراسلين وصحفيين مسلمين
ومش هنسى ان مرة جبت عدد من الاعداد ولاحظت في قسم بريد القراء رسالة من شيخ مسلم ، بيقول انه بيعتز بجريدة وطني ويحرص على قرائتها دايما
وتجار الذهب المسيحيين لا يخفون الصلبان الذهب من الفترينة في رمضان يعني
وزي ما مدام أنا حر قالت ، طالما هنخفي جريدة وطني يبقى كمان نخبي الصليب في رمضان لعدم ايذاء مشاعر المسلمين الرقيقة المرهفة !!!!
المشكلة مش في المسلمين
المشكلة فينا اذا خفنا ، ساعتها هنظلم المسلمين ليه؟
أنا قريت لأحد الاعضاء هنا حاجة كتبها عن أبونا بيشوي كامل الله ينيح نفسه ، لما كان بيبني سور الكنيسة ، مكنش فيه تصريح ، لبس زي العمال ونزل يعمل السور بنفسه ، وقال : لو المحافظ يقدر يبقى ييجي يوقفني .
أهي دي الشجاعة اللي احنا عايزنها ، مش نستخبى !!
المسلمين هيتعودوا اذا ما خفناش، وهيتقبلوا النظام الجديد
انا في رمضان بمشي في الشارع آكل ، واللي عايز يبص يبص ، واللي يكلمني أقول له رمضان فرض على المسلمين وليس غير المسلمين ، واذا كنت شايف اني هفطرك ما تبصليش أحسنلك