عزيزى جو، على فكرة أنا بكتب عربى بإستخدام الصفحة الآتية:
http://www.zeitun-eg.org/keyb.htm
بالنسبة لسؤالك الوجية، إسمحلى أضيف رأيى. عجبتنى نظرتك العملية لقضية الأقباط علشان كدة هحاول أرد عليك بنفس الطريقة.
شوف يا جو لكل فعل رد فعل مساوى فى القوة و مضاد فى الإتجاة، دى حاجة بتنطبق مش فى الفزياء و بس لكن حتى فى العلوم الإجتماعية. من ساعة ما دخل العرب مصر و هم بيضغطوا على المصريين إنهم يغيروا دينهم للإسلام سواء بالجزية أو بغيرة من أساليب التعسف و كان رد فعل الأقباط هو الإنغلاق على نفسهم للمحافظة على ما يمكن من قبطيتهم و الخضوع لمطالب المسلمين فما النتيجة؟ إن مصر أصبحت 90% منها مسلمين!
فى برضة حقائق تانية لازم تعرفها. الجزية فضلت مفروضة على الأقباط لحد أيام محمد على أى إن إلغائها شئ حديث نسبيا. إن حتى أثناء حكم الملوك كان فية إضطهاد للأقباط بالذات اللى حالهم المالى متواضع. اللى حصل فى محرم بية مش حادث منفرد لكن حلقة فى سلسلة فيها الكشح و الزاوية الحمرا إلخ. أنا عايزك تاخد خطوة للوراء و تبص على الصورة من بعيد و تقوللى بصراحة هل فلحت سياسة الأقباط لحد الآن و لو فضلنا على ما نحن علية، إية مصير القبط فى حضن دولة ينخفض فيها مستوى المعيشة و يتفشى الفساد و الراديكالية الإسلامية بإستمرار؟
30-10-2005
النمط المتطور