البنك القبطي الدولي

[yaweeka]

الموضوع ده تم طرحه من حوالى 5 سنوات من خلال احد المليونيرات الأقباط فى أمريكا
كل ما اقابله اقول له ايه حكاية البنك يقول لى لسه شغال فيه
الرجل عنده دراسة مستفيضة عن البنك ، بل عن كيفية اصدار العملة القبطية فى المستقبل ( عندا فى الغفير غلباوى بطيخة)
((((((وده طبعا بعد إعلان حكومة قبطية فى المهجر ، ياللا يا غفير بطيخة روح قول لهم يا حق الأقباط يا دولة مستقلة فى موزمبيق غصبا عن اللواء شمام بن أبى نفخه))))
===
آخر ما زهقت منه قلت له يا عم لو عايز دهب مستعد اجيب لك الحلقان بتاعة الحريم بتاعنا يا بوى بس خلصنا ونفذ فكرتك دى اللى دوشتنا بيها.
طبعا بنك كهذا لابد ان يكون خارج سيطرة حكومات الإسلام فى المنطقة ، بمعنى ان مركزه الرئيسى لازم يكون خارج مصر
ويمكن عمل اتحاد بينه وبين اى بنك مصرى موجود بالفعل كبديل وكحماية لاستهدافه بواسطة الارهاب الحكومى او الاسلامى ، وعشان ما يتنهبش بالأساليب الملتوية من عماله اللى بيؤمنوا ان اموال ال***** غنيمة

يعنى الفكرة جيدة جدا ، يبقى فقط تنفيذها

=====

عموما انا عندى خطة بديلة ، وهى بما ان الأقباط لا يتحركون الا خلف الكنيسة فأنا قررت اتمسكن لغاية ما يرشحونى أسقف عام على كل امريكا ، يعنى أخترق الكنيسة من الداخل بدل ما هى مخترقة من مباحث أمن الدولة والمخابرات المصرية

بعدها ها أجمع الاقتصاديين الأقباط وأقول لهم عايز خطة ما تخرش الميه لبنك قبطى تكون عندى بعد شهر
وأجمع الأطباء واقول لهم : عايز مشروعات لمستشفيات تستثمروا فيها اموالكم اللى زى الرز اللى شايلينها فى البنوك
وأجمع مليونيرات الأقباط وأخليهم ينشأوا مدارس قبطية فى أمريكا تنافس أفضل المدارس الكاثوليكية وستكون بمثابة مشروعات استثمارية تدر عليهم بدخل كبير

...... الخ
مجرد أحلام ، بس اصبروا على لما ابقى أسقف وانا ها اشد بتوع المسكنة كلهم من ودانهم أو أنفيهم للصحرا