- شيفرة دافنشى - .. وسقوط الأقنعة !(من أفضل ما كتب عبد الكريم نبيل سليمان)

[Mary Malak]

مكتوب
"لا تجرب الرب الهك "
ومفيش حاجة اسمها اعرض نفسي لعثرة كبيرة جدا واشوف هاقدر عليها ولا لاء كنوع من التجربة وحرية الرأي ومناقشة الافكار

مفيش حد كبير علي الخطية ولا السقوط حتي اعتي القديسين اللي جوه الدير . بس السبب بيكون دايما " الكبرياء " اللي بسببه سقط رئيس الملائكة . برضه قال اجرب اكون مثل الله
مش دي برضه حرية ؟؟؟
ومكتوب ايضا " قاوموا ابليس فيهرب منكم "مش تحاوروا مع ابليس وشوفوا يمكن عنده افكار كويسة او تخليني اغير مبادئي وعقيدتي، هل لابليس لغة للتفاهم
هل هناك طريقة اقنع بها ابليس انه غلط وان افكاره مش صحيحة . في حالات مينفعش فيها الحوار اصلا او الرد
ايوه ربنا ادانا عقل وحرية وارادة بس ادانا العطية المذهلة "الروح القدس "
اللي يوجه للخير والحق ويقدس الاراده ويرجع عن الطريق الغلط ويخليني اميز بين اللي اشوفه بإرادتي الحرة وبين اللي امتنع بإرادتي ايضا دون ترهيب
مش دفن روؤس في الرمال انما تمييز ،
كل الاشياء تحل لي ولكن ليست كل الاشياء توافق
وزي ما قال ديديموس لو كان حرية رأي وابداع واختيار حر زي ما بتقول يا دكتور ابراهيم
كان زمان الهرطقات عاشت لحد اليوم
لكن ابطال الايمان وقفوا ، تصدوا ، منعوا ، حرموا ( دي حقيقة واقعة مش مبالغات )
مسوقين بالروح القدس .مش افكارهم الحرة ووجهة نظرهم
في حاجات مينفعش اصلا تتناقش فيها او نكنفي بأن نستنكرها ولكن يجب بترها زي المرض اللعين
وبالنسبة لابونا زكريا بطرس
الامر يختلف تماما لان ابونا في كل حلقة بيؤكد انه مش بيعرض وجهة نظره او ارائه الخاصة او بيستشهد بالمراجع المسيحية انما لو حضرتك يا دكتور متابع جيد لكل برامجه هتجد انها كلها مستندة اولا علي القرآن ووثائق ومراجع وكتب اسلامية واحاديث معترف بها وموثقة عند اخواتنا المسلمين وكأنك بالظبط قريت جريدة وطرحت موضوعها للمناقشة .
والامر هنا يختلف تماما لان الكاتب في هرطقاته يستند علي مراجع وكتب لا علاقة لها بالمسيحية او بالتقليد الكنسي او الكتاب المقدس
اذن فالفرق شاسع ولا مجال للمقارنة .
ولردي بقية اخري علي مسألة الايمان