جيتوهات الطلبة الأقباط في الجامعات المصرية

[el3omda85]

ليهم حق عشان مابقاش ينفع الاندماج في ظل الحجاب و الدقون و نظرات الاحتقار و الاستغراب من كل ما هو مسيحي
بيبقوا خايفين انهم يسمعوا كلام يضايق بس ده مايمنعش ان في تعامل مع الاخرين لكن في اطار محدود
واحنا كان لينا رصيف في كليتنا في اسكندريه اسمه رصيف القبط بس الغلطه مش غلطه المسحيين ده رد فعل للتفرقه السائده في المجتمع في الوقت الحالي
وربنا يصلح الحال

[para`o]

مفيش حاجة زى كده أبدا فى جامعة أسيوط " تعداد الطلاب حوالى 70 ألف نسمة "
كل الحكاية ان فى كليات ذات اغلبية مسيحية زى طب و صيدلة و طب بيطرى و تربية و تجارة و زراعة و كليات ذات أغلبية مسلمة زى هندسة و حقوق و علوم
الكافتيريات هتلاقى فيها مسيحيين قاعدين لوحدهم فى اى مكان و مسلمين قاعدين لوحدهم فى اى مكان صحيح مفيش كتير مسلمين و مسيحيين قاعدين مع بعض على نفس الترابيزة
فكرة حوارى ال***** فى الكليات دى أكبر غلط مشاركتنا فى كل مكان و كل نشاط فى الكلية ضرورى جدا و لازم يكون عندنل كاريزما قيادية .... فكرتونى باللذى مضى

[Gregory]

أنا كنت فى كلية مشهورة بالتعصب ...
و كثير من الكلام هنا صحيح
لكن الكنيسة ليست السبب لأنها عمرها ما شجعت على الإنعزال
ربما الفترة الأخيرة تطلب زيادة الحرص خصوصا بالنسبة للفتيات لكثرة الذئاب
لكن مجتمع الكلية هو السبب فى الأساس

أنا فى كليتى كنت أمد أيدى أسلم على واحد مسلم يروح مدور وشه الناحية التانية ... أصل الحاج متوضى
يمكن تكون كليتى كانت متعصبة زيادة لكن ده اللى كان بيحصل و مش معايا بس ... مع كل المسيحيين
عشان كده الأقباط فعلا أنعزلوا لأنهم صاروا مرفوضين ...
و مش بره المحاضرة بس لأ و جوه المحاضرة كمان

يعنى لما تلاقى جماعة من إياهم " أبو دقون و جلابيب بيضا و شباشب " داخلين المحاضرة قبل الدكتور و قاعدين يقروا قرآن
و بعد كده يلقوا خطبة إسلامية عن الحجاب و الإسلام و مش عارف ايه
يعنى المسيحيين هيقعدوا يعملوا إيه يعنى ؟
و لما تلاقى أخينا الخطيب قاعد يتكلم عن الحجاب و يقول " بلاش تبقوا زى الناس التانية اللى ما عندهاش أخلاق و لا حجاب "
يبقى ده يقصد اليهود يعنى ؟ ؟ ؟

عشان كده كان كل ما الجماعة دى تدخل المدرج تلاقى المسيحيين علطول طالعين بره لغاية ما الدكتور ييجى و يبدأ المحاضرة
لأ و الأغرب أنهم لما يقروا قرآن ... يبقى لازم المدرج كله ســـــكــــــوت
و لو واحد تجرأ و تكلم مع حد حتى لو بصوت واطى تلاقى علطول العيون كلها بتبصله كأنه غلط غلطة لا تغتفر
رغم أن الوقت بين المحاضرات هو وقت مخصص للطلبة أنهم يتكلموا و مش فرض أنهم يتكتموا لغاية القرآن ما يخلص

ده أنا فاكر حتى أننا كنا عملنا جروب للدفعة على النت من أجل الدراسة و العلم
الجروب بقدرة قادر تحولت الى جروب إسلامى لا تنشر فيه الا المواضيع التى تشكك فى المسيحية
و عايزين المسيحيين يفضلوا مع ناس زى دى أزاى ؟ ؟ ؟

منكرش أنه كان فيه مسلمين معتدلين ... لكنهم صاروا فى تناقص مستمر نتيجة الخطب إياها اللى كانت محورها الأساسى
... لا تبدأوا اليهود و النــصــارى بالسلام و أضطروهم لأضيق الطريق ...
بعد ما كان ليا أصدقاء مسلمين ... و أول واحد تعرفت عليه فى الجامعة كان مسلم ...
تدريجيا صارت هناك هوة بين الطرفين

بالنسبة للمسيحيية فنحن نحب حتى الأعداء
لكن مادام الأخوة المسلمين شايفين أننا كفرة سنقوم بتنجيسهم بمجرد السلام باليد ... يبقى لا حل الا الــ سى أتش
لغاية ما الجهل يروح من عند الأخوة المسلمين الذين للأسف يطبقون تعاليم دينهم

شئ غريب فعلا ... أنه يكون ليك صديق مسلم معتدل و أقرب اليك من أخوك
و عندما يقترب هذا المسلم من الجامع و يقرا قرآن كتير ... تلاقيه علطول أبتعد عنك
و يقولوا بعد كده ان الاسلام دين محبة و تعارف و سلام

[elnemr]

سلام الرب يسوع المسيح يكون مع مع الكل .
علي فكره انا لما كنت في الجامعه كان عندنا ( السي اتش ) برضه بس مكنش بنفس مكان ( دقه ) وكان في شئ غريب الاوهو انه اغليته مسيحين ووكان بيتواجد معانا بض الأصدقاء المسلمين والمسلمات وانا نفسي كان عندي ومازال اصدقاء مسلمين ومسلمات حتي الأن وبعد تخرجنا من الجامعه نود بعضنا البعض في الأعياد والمناسبات وكنا نجلس بجوار بعضنا البعض في المحاضرات والبنشات وفي مشرع التخرج الخاص بي كان يشركني بعض اصدقائي المسيحين والمسلمين .
ولن انكر إن كان يوجد من لا يحبنا بل كانو يكرهونا كره العما وكانو يمسكون اصدقائنا المسلمين ويحزروهم وهددوهم بالوقوف معنا منهم من تركنا ومنهم من ظل معنا حتي النهايه ومنهم من لا تركنا ولا ظل معنا اي بمثل ( صباح الخير يا جاري انت في حالك وانا في حالي ) ولكن سيظل موضوع ( الس اتش ) متواجد طول ما في قلوب وعقول متحجره وصلبه في مصـر والدول العربيه