فتوى تبيح للمرأة العاملة "إرضاع" زميلها منعا للخلوة المحرمة

[كشكش بيه]

من مدونة مراقب مصرى
عزيزتي الموظفة استني!! ما ترضعيش زميلك... الشيخ اعتذر!!ـ

إلى كل موظفة (قطاع عام أو قطاع خاص أو قطاع أعمال) ... احترسي!!!

انتظري!!!

لأ لأ لأ استني عندك... البسي تاني بسرعة!!!

الشيخ رجع في كلامه وقال ما ينفعش ترضعي زميلك عشان يتحرم عليكي!!!

معلش لخبطناكي معانا... ما بين ترضعي وما ترضعيش... بس لحين إشعار آخر، الكلام استقر على إنك ما ترضعيش!!!

طبعا حضرتك هتسأليني وتقولي لي سوؤال محرج إنه ماذا إذا كنتي عملتي بالفتوى من أول يوم والزملا رضعوا بالفعل!!
بس للأسف معنديش رد على سيادتك وإذا كنتي آثمة أم غير آثمة... بس شوفي يا أختي الكريمة هو الأكيد - بغض النظر عن تأثيمك من عدمه - إنه إذا كان الزملاء الأفاضل لم يرضعوا خمس رضعات مشبعات من ثدي حضرتك الكريم فهم لا يزالوا غير محرمين عليكي وبالتالي لا يجوز أن تكشفي أمامهم ما حرم الله كشفه!!!
ويعوض الله على الزملاء بقى في فرصة تانية... وعموما لو الشيخ رجع في كلامه تاني وحلل الرضاع من تاني فمتخافيش... الرضعات اللي فاتت هتتعد ومش هتروح

عليكي!!! والله أعلم طبعا