الي اقباط مصر..ما ريكم في هذا المهرّج

[sammy]

ما بين اخونا حنا وعم جورج ضاعت حقوقنا
اخونا حنا زعلان قوى ان الكهنوت يتكلم فى السياسة والطب والفلك 0 طب ياعم حنا اذا هم ما تكلموش مين يعنى هايتكلم هو فيه حد يقدر يتكلم ويتسند على ايه ياترى ؟على حيطة مايلة؟ ولا على الاخوة الاقباط الحلويين اللى بيخافوا من خيالهم؟؟؟ ولا انت عاوز الناس تتكلم وتنتحر
وبعدين ياعمى حنا الحبيب انت هنا فى الطراوة قاعد لى فى نيوزيلندا ومش على بالك ملايين من اخواتك الاقباط. اللى اى كلمة تتحول الى نار تحرق مساكنهم ومحلاتهم وكنائسهم. ياعم حنا دول رهائن واى كلمة كده ولا كده هاتنصب عليهم نار لذلك تسلك الكنيسة مسلك الحيطة الواطية لان مافيش سند ولا حماية الا حماية ربنا ودى ما بتتشافش ولها طرق لا ندركها ولذلك لا تشفى غليلنا
وعم جورج غلبان عنوانه معروف للامن المصرى وان قال آآآه وصرخ زينا صرخة غضب ياعالم باللى هايجراله هو والشعب الغلبان اللى حواليه فهو معذور كمان
رأيى ياأخى الحبيب حنا هديها شوية واعذر اخواتك فى مصر وماتعمليش فيها شجيع السيما وانت قاعد تبرطع زيى فى بلاد الحرية
ولا أيه؟؟؟
وحضرتك ياأخى المحترم جورج خلاف ايه اللى بينى وبين زجتى ده احنا الزوجة الغلبانة اللى جوزها عما يضربها وحتى مش محصلين. لاننا مش قادرين نسيب له البيت ونروح عند اهلنا. وسيبك من حكاية اللى رفض حماية روسيا والله الروس كانوا هايبقوا ارحم علينا من اخواننا المصريين اللى عوزين ربنا ييتم اولادنا ويجعل اموالنا ونساؤنا غنيمة لهم ولا انت ما سمعتهاش فى خطب الجمعة؟
سلاماتى وحبى للجميع