اخر الاوضاع بكنيسة ماري جرجس بالفيوم

[kiko]

سامحنى يا سيدى الفاضل afanous انا عندى عليك بعض النقاط ارجو ان يتسع صدرك وصدر باقى القراء المحترمين لقراءتها:
مارجرجس وكل الشهداء والقديسين اللى كانوا فى الجيش الرومانى كانوا يقومون بدفاع وطنى لانهم لهم ولاء لوطنهم وقيادة وطنهم بالضبط مثل ابى وعمى وجدى اللذين حاربوا فى حرب اكتوبر و67 من اجل الدفاع الوطنى والولاء والانتماء و ليس بدافع الارهاب والفتونه
مارجرجس لما اختلف مع قيادتة فى الجيش الرومانى حول عبادة الاوثان وقف بصمود امام الحاكم ووقف وقتها بقوة الله القادرة على هدم حصون وليس بسلاحة(((اللى بيزغزغ بية الناس زى ما حضرتك اشرت))) تجرد من اى سلاح بشرة ووقف باسلحة الله القوية ...لسانة الصبط وارادتة القوية وضميرة وعقلة ومحبتى لله وظهر مستضعفا هذيلا ولكن ضعفة اقنع ملايين الناس اللى شافو صمودة للعذاب بقوة الهة ""لان قوتى فى الضعف تكمل.......""- انا لا ادعو الى الضعف ولا الخنوع ولكن الى التعقل والفهم المسيحى الصحيح للامور --لا يصح ان تعطى مارجرجس مثلا على الارهاب والقتل والا يكون لا فرق بن مارجرجس وبين الارهابيين فى العراق زززحاشا طبعا وكلا

ثانياً : ارجو منك يا عزيزى الفهم الصحيح للايات وتفسيرها تفسيراً صحيحا - الميطانيات والركوع والصلوات والاصوام نقلت جبل المقطم يا صديقى وهذا هو ايماننا الذى ترجمة الانبا ابرام ابن زرعة وشعب مصرالى اعمال وصاموا وصلوا (((هذه هى الاعمال)) لنقل جبل المقطم
اوعى تفتكر ان البنتين اللى خرجوا وتسلمتهم الكنيسة خرجوا لان كان فى مظاهرات واعتصام فقط ....لا تنسى ايضا انه كان شعب يصلى ويبكى ويتضرع لله ان يسمع المسؤلين صراخ المعتصمين وان يتحنن الله على هؤلاء المضحيين بامنهم وسلامتهم وبكل قوتهم يصرخون لفك الحصار عن الفتاتين

رايت بعينى كهنة يبكون ويتضرعون فى كنيسة مارجرجس امام الله فى المذبح اثناء المظاهرات
من فضلكم لا تنسوا قوة الصلاة وتعقلوا ...ان عصر الاضطهاد فى زمن الدولة الرومانية هو اقوى عصور المسيحية ... ليتنا نجعل صوت الحق والديموقراطية وحقوق الانسان ايضاً من اقوى عصورنا المسيحية دون حروب وارهاب لان القتل والعنف ليس من صفاتنا نحن اولاد المسيح

[afanous]

اهلا يا كوكي وشكرا على ردك،
لو رجعت وقرأت اللي انا كتبته هتشوف اني ما قلتش نقتل حد. انما لو وصلت لان العالم ديه تتهجم علينا، انا اول واحد هيمسك سلاح علشان ادافع عن شعبي.
انا اعطيت امثلة مارجرجس ومارمينا وغيرهم علشان اثبت للبعض، ومنهم حضرتك، ان حمل السلاح ليس ضد تعاليم المسيحية وطالما الغرض منه هو الدفاع.
الصلاة والصوم نقلوا جبل المقطم. لكن الصلاة والصوم ما خرجوش العرب المحتلين من بلدي. في حين ان المقاومة خرجت العرب من مالطا واسبانيا، وبريطانيا من الهند ومصر، واسرائيل من جنوب لبنان، وما اعتقدش ان حد من دول كان بيضرب ميتانيات علشان ربنا يجيب له حقه. ولما تمسك سلاح وتدافع عن اهلك وشعبك، اعتقد ان عيب اوي انك تسمي ديه فتونة وبلطجة وارهاب. البلطجة هي انهم يخطفوا اختك ويجبروها على الاسلام!
مارجرجس والشهداء لما وقفوا قدام الولاة كانوا بيتهانوا في حقهم الشخصي وبيقدموا نفسهم ذبيحة للمسيح. انما اللي يتهاون في حق غيره ولا يقوم يدافع عن اخواته في وقت الشدة يبقى جباان وستين جباان.
يا ريت لو عند حضرتك رد، يا ريت ما تقوليش الكتاب المقدس او الكنيسة. اعتبرني ملحد او لا ديني في النقطة ديه بالذات. انا هنا بتكلم كوطني مصري خايف على بلده من الشوارعية بتوع امن الدولة اللي عاملنها عزبة ليهم وللي جايبهم. انا مصري قبل ما اكون مسيحي. قد تختلف معي في النقطة ديه، لكن انا لي مطلق الحرية في اعتقادي.
وشخصيا انا ضد تدخل الكنيسة المصرية بايديولوجيتها الخانعة في السياسة. اقرا التاريخ هتلاقي انه لولا تدخل الكنيسة ضد كفاح الاقباط اكتر من مرة، كان الحال بقى غير الحال.
اتمنى ان ما يكونش فيه داعي في المستقبل لمظاهرات قبطية تانيه. انما لو ربنا سمح وطلعت مظاهرات ومواجهات، ياريييييييييت تبقى بره اي كنيسة وكفاية بقى جبن يا اقباط يا احفاد الشهداء!
"ما نيل المطالب بالتمني، كله بالدراع اليومين دول"

[Mena0064]

المشاركة الأصلية بواسطة afanous

اهلا يا كوكي وشكرا على ردك،
لو رجعت وقرأت اللي انا كتبته هتشوف اني ما قلتش نقتل حد. انما لو وصلت لان العالم ديه تتهجم علينا، انا اول واحد هيمسك سلاح علشان ادافع عن شعبي.
انا اعطيت امثلة مارجرجس ومارمينا وغيرهم علشان اثبت للبعض، ومنهم حضرتك، ان حمل السلاح ليس ضد تعاليم المسيحية وطالما الغرض منه هو الدفاع.
الصلاة والصوم نقلوا جبل المقطم. لكن الصلاة والصوم ما خرجوش العرب المحتلين من بلدي. في حين ان المقاومة خرجت العرب من مالطا واسبانيا، وبريطانيا من الهند ومصر، واسرائيل من جنوب لبنان، وما اعتقدش ان حد من دول كان بيضرب ميتانيات علشان ربنا يجيب له حقه. ولما تمسك سلاح وتدافع عن اهلك وشعبك، اعتقد ان عيب اوي انك تسمي ديه فتونة وبلطجة وارهاب. البلطجة هي انهم يخطفوا اختك ويجبروها على الاسلام!
مارجرجس والشهداء لما وقفوا قدام الولاة كانوا بيتهانوا في حقهم الشخصي وبيقدموا نفسهم ذبيحة للمسيح. انما اللي يتهاون في حق غيره ولا يقوم يدافع عن اخواته في وقت الشدة يبقى جباان وستين جباان.
يا ريت لو عند حضرتك رد، يا ريت ما تقوليش الكتاب المقدس او الكنيسة. اعتبرني ملحد او لا ديني في النقطة ديه بالذات. انا هنا بتكلم كوطني مصري خايف على بلده من الشوارعية بتوع امن الدولة اللي عاملنها عزبة ليهم وللي جايبهم. انا مصري قبل ما اكون مسيحي. قد تختلف معي في النقطة ديه، لكن انا لي مطلق الحرية في اعتقادي.
وشخصيا انا ضد تدخل الكنيسة المصرية بايديولوجيتها الخانعة في السياسة. اقرا التاريخ هتلاقي انه لولا تدخل الكنيسة ضد كفاح الاقباط اكتر من مرة، كان الحال بقى غير الحال.
اتمنى ان ما يكونش فيه داعي في المستقبل لمظاهرات قبطية تانيه. انما لو ربنا سمح وطلعت مظاهرات ومواجهات، ياريييييييييت تبقى بره اي كنيسة وكفاية بقى جبن يا اقباط يا احفاد الشهداء!
"ما نيل المطالب بالتمني، كله بالدراع اليومين دول"

أندروا، أنا متفق معاك تماما لكن أظن فى عدة طرق لازم الأول نستنفذها قبل ما حتى نفكر فى حمل السلاح و أذى إخواتنا الغير مسيحيين منها مثلا العصيان المدنى.

أنتهز الفرصة و أكرر إننى أيضا مصرى قبل ما أكون مسيحى و للإخوة اللى مايتفقوش على هذا أحب ألفت نظرهم لنقطتين، كل مصرى هو مصرى من أول نفس لكن الطفل الأورثوذوكسى مثلا لا يصبح مسيحى إلا بعد أربعين يوم غانى عن الذكر إن واقعيا الإنسان لا يفهم دينة إلا بعد العديد من السنين، دة ياخدنى للنقطة الثانية و هى إن الدين يكتسبة الإنسان و قد يبدلة الإنسان أو حتى يستغنى عنة و يعيش بدونة أما الإنتماء الوراثى فهو أنت و أنت هو و لا يكون لأحدهم معنى بدون الآخر، فيبقى مين أولا؟

أنا مصرى أولا إخترت المسيحية دينا، و من يقول العكس كمن يقول إنة رأى زوجتة قبل أمة، مع الإحترام للرأى الأخر.

[kiko]

الاخ العزيز afanous
اسف لانى تاخرت عليك فى الرد لكن هى دى الفترة اللى ببقى فيها online
طبعاً انت ليك مطلق مطلق الحرية فى رايك الشخصى ..ولكن من فضلك دون الاستشهاد بايات من الانجيل وتفسيرها تفسير شخصى بطريقة ترضى فكرتك الشخصية وايضاً دون الزج باسماء شهداء وقديسين وفهم سيرتهم وحياتهم بصورة ايضاً ترضى فكرتك فقط ... لان بكدة ممكن ودون ان تشعر ونتيجة لحماسك الزائد - اللى انا مقدرة جداً واسمح لى ان احيك عليه- تسيء لبعض المفاهيم المسيحية الموجودة فى دستورنا اللى هو الانجيل وده ليس فى صالحنا على الاطلاق . فانت لك حماس سميته وطنى و اشعر انك مهموم بمشاكل الاقباط فى مصر لكن من فضلك خلى حماسك ياخذ ايضاً المنطق المتزن دون اندفاع

انت حضرتك بتقول انك اعطيت مثلا لمارجرجس والشهداء لتثبت للبعض ومنهم حضرتى ان حمل السلاح ليس ضد تعاليم المسيحية......... وانا شرحت لحضرتك ان ابائنا حاربوا فى اكتوبر و67 كواجب وطنى زى مارجرجس بالظبط والكنيسة خرجت بكهنتها فى الثورة وباركتها .... انا فاهم كويس يا اندرو ان حمل السلاح ليس ضد تعاليم المسيحية .... لكن للاسف اللى مش قادر اوصلة لحضرتك علشان تفهمه .. معنى الواجب الوطنى والدفاع الوطنى المنظم .... حضرتك عايزها حرب اهليه مش دفاع وطنى .... حضرتك برايك الثورجى و الشخصي عايزها تولع نار .... من فضلك اقرا عن الحرب الاهلية فى لبنان ... علما بانى وان كنت غير مقتنع تماااااااااااما بفكرة السلاح لكن خلينى افكر معاك بمنطقق العقلانى البحت ... انت عارف فى كام مسيحى فى مصر ؟؟؟؟ 10 مليون ودة اقصى تقدير عددى لدى الكنيسة والدولة بتقول انهم 6 مليون فقط ... عارف تعداد مصر كام ؟؟؟؟؟ 70 مليون !!!!!!! ياراجل حرام عليك حرب ايه بس امال لو كنت من مواليد الصعيد الجوانى اللى بيحاربوا فيه فكرة المتخلفة اللى اسمها الطار كنت تقول ايه تانى.... دانت اسكندرانى ..... وبعدين ياسيدى انت شكلك اساسا قاعد فى امريكا بقالك زمن عمال تدرس وتدرس وتذاكر ... عايز لما تيجى مصر تلاقيها مولعة نار وبقت خرابه .... مافيش أحسن من السلم ... وبعدين ايه حكاية انك مش عايزنى ارد عليك من الانجيل واعتبرك ملحد او لا دينى !!!!؟؟؟؟؟؟ ازاى يعنى هو انت مش برضو مسيحى متعمد وفيك الروح القدس اللى مش ممكن هايسيبك ابدا ..... يا سيدى بلاش كدة خالص لحسن تزعل انى بكلمك كلام تانى من الكتاب المقدس دستور المسيحيين ..... هو انت مش برضو مهموم بمشاكل الاقباط المسيحيين وبتكتب فى منتدى فى موقع مهتم باقباط مصر المسيحيين .... يبقى ماينفعشى ابداً اعتبرك ملحد او لا دينى .... انت شاب ناضج واخ فاضل عزيز على قلبى مصرى اصيل قبطى مسيحى وكمان من اسكندرية وبنحبوووووووك .. مش ممكن اعتبرك غير كدة

وبعدين تعالى هنا .... ايه حكاية انك شخصيا ضد تدخل الكنيسة المصرية بايديولوجيتها الخانعة في السياسة. يا راجل عيب عليك تصف هذا الوصف لتدخل الكنيسة العقلانى المتزن لكل مشاكل الاقباط وبعدين سياسة ايه ياعم بس ... اعتقد ان هذا الكلام انت كتبته فى تسرع ولا تقصدة ولا يوافق عليه اي شخص له انتماء حى وقوى بالكنيسة وقيادتها المحترمة والمحترمة جدا
سامحنى للاطاله وارجو انت تقبل كلامى كاخ ..
ومرة تانيه انت اسكندرانى جدع وبنحبوووووووووك