الأخوان قادمون و الأقباط نائمون

[Mena0064]

المشاركة الأصلية بواسطة saweres

يا أخ para`o
محدش هينعتك بالكفر أو البروتستانتية أو بالتكثلك
هناك أخطاء ، ده شيء معروف ، لا يوجد أحد معصوم إلا الله وحده
لكن هل هذه الأخطاء عقيدية ، أو إدارية؟؟؟
دعنا نبتعد عن الأخطاء العقيدية ، وإذا وجدت منها ما يمكن تسميته أخطاء ، الرجاء عرضها
بالنسبة للإدارة والتصريحات السياسية ، سبق أن قمت بمهاجمتها بشدة ، ووصل الأمر بطلب محاكمة كنسية لقداسة البابا لأجل تلك التصريحات والزيارات للمؤتمرات الإسلامية.
لكن أن يصل الأمر لأن تقول أننا نعبد البابا؟؟؟
وأن البابا صنم؟؟؟
الصنم شيطان يا أخ para`o ، هل هذا معناه ان اختيار البابا اختيار شيطاني وأن الكنيسة القبطية مؤسسة شيطانية ؟؟!!
الرجاء التعقل
ربنا معاك

para`o كلامة واضح بلاش تاخد الكلام بحرفية.

و مادام إنت إنتقدت تصرفات قداسة البابا لهذا الحد لية مستكتر هذا الحق على غبرك و لية وثبت على و حذفت مشاركتى المرة اللى فاتت لما أنا إنتقدت أحد سياسات قداستة؟ ولا لك حلال و لينا حرام؟

أرجوا إن قيادات الأقباط ميكونوش بيفكروا بطريقة سموك لأننا أول واحد هيحارب مثل هذا التمييز الدكتاتورى و إنا لو كنت عايز حد يمشى ورايا بعصايا كنت قعدت فى بلدى ولا إتغربت فى بلاد الخلق. أرجوا إن إنتقاد تصرفك كمان ما يعتبرش هرطقة و يكون نصيبة الحذف.

المشاركة الأصلية بواسطة Mena0064

para`o كلامة واضح بلاش تاخد الكلام بحرفية.

و مادام إنت إنتقدت تصرفات قداسة البابا لهذا الحد لية مستكتر هذا الحق على غبرك و لية وثبت على و حذفت مشاركتى المرة اللى فاتت لما أنا إنتقدت أحد سياسات قداستة؟ ولا لك حلال و لينا حرام؟

أرجوا إن قيادات الأقباط ميكونوش بيفكروا بطريقة سموك لأننا أول واحد هيحارب مثل هذا التمييز الدكتاتورى و إنا لو كنت عايز حد يمشى ورايا بعصايا كنت قعدت فى بلدى ولا إتغربت فى بلاد الخلق. أرجوا إن إنتقاد تصرفك كمان ما يعتبرش هرطقة و يكون نصيبة الحذف.

أولا أنا معاك مش ضدك ، الرجاء بلاش سخرية وكلام جارح
ثانيا انا ما احذفش مداخلة ليك ضدي
ثالثا أنا لم انتقد البابا كشخص ، لكن انتقدت تصريحاته السياسية التي أرى انها خطيرة على الأقباط
رابعا كانت فين المشاركة بتاعتك اللي انا حذفتها؟؟!!

[Mena0064]

أولا أتأسف لتهجمى على شخصك، أرجوا تقبل إعتذارى.

الموضوع اللى بتكلم علية هنا
http://www.copts.net/forum/showthread.php?t=5941
الأخ Admn_XP هو اللى حذف رآيى مش إنت لذلك تقبل إعتذارى ثانية على الخلط. آسف للجميع أرجوا تجاهل مشاركتى السابقة.

معلش إستحملونى لكن أرجوا إن اللى تعب نفسة و قرأ لحد هنا يقرأ تشريح Admn_XP و ردة على مشاركتى الأخيرة فى الموضوع
http://www.copts.net/forum/showthread.php?t=5941

الأخ أدمن بيقوللى بأدب ما معناه إنى يا إما أفتح مخى الغبى و أقتنع بوجهة نظرة يا إما أوريلة عرض اكتافى. بدون تعليق منى علشان ما أرتكبش حماقة تانية بعد ما أخطأت فى حق ساويرس لكن يا ريت نسمع رأى الأدمن فى هذا الموضوع يتفضل و يشاركنا بوجهة نظرة.

مرة عاشرة آسف لساويرس و للجميع، الآسف مش عيب إنما قلتة هى اللى عيب فأرجوا تسامحنى يا ساويرس.

ولا يهمك يا مينا
احنا كلنا اليومين دول أعصابنا مشدودة لسبب أو لآخر
ربنا معاك ويباركك

[Mena0064]

بدون خروج عن الموضوع أنا و بعض الإخوة الأقباط فى المدينة الصغيرة اللى إحنا فيها بنحاول نحرك الأقباط و نعمل أى حاجة ربنا يقدرنا عليها لكن دايما بتقابلنا مشكلتين الأولى سلبية الأقباط لدرجة لا تحتمل و ثانيا تدخل القيادات الكنسية فى فيما لا يعنيهم و محاولة التحكم فى الأمور المدنية، أنا هسيب الكلام مبهم كدة منعا للإحراج لكنى أظن قريب هيفيض بى الكيل و هنشر الغسيل القذر. فلما ييجى واحد يدافع بإستماتة أو يدارى على تصرف خطـــــــــأ فقط لأنة صدر من شخصية كنسية و يتوقع إننا نقف ساكتين يبقى غلطان. الغلط غلط سواء صدر من ملك أو بطريرك و لو حد شايف غير كدة يقوللى و أنا موريكمش وشى هنا تانى.
قداسة البابا شخصية محبوبة و نشكر الله على حكمتة فى الأمور الروحية و نموت فداة لكن فى نفس الوقت نرجوا منة الا يجعل بعض تصريحاتة تروس فى الآلة التى تسحق هويتنا. عصر الشهداء ولا عصر الذل!

[yaweeka]

طيب الاول ها ارجع لاصل الموضوع وبعدين اعرج ( حلوة دى) على مشاركتك يا مينا
الاقباط نائمون : اى نعم وبالثلث ونومة اهل الكهف كمان
الاخوان قادمون؟
فى الحقيقة ان الفترة الاخيرة حدثت عدة تطورات
قام د. سعد الدين ابراهيم بالترويج للاخوان لدى الادارة الامريكية وبعض مراكز البحث الامريكية وقال ان الاخوان ممكن نحولهم الى نموذج حزب الفضيلة بتركيا فالناس اقتنعت بكلامه وبدأت تحاور الاخوان سواء مباشرة فى الدوحة بقطر او بطريقة غير مباشرة عن طريق بعد الوسطاء
فى الحقيقة ما فعله سعد الدين يعد كارثيا وقد كتب مجدى خليل ضد هذا المنحي
اخيرا بدأ الساسة وصناع القرار يقتنعون ان الرهان على الاخوان سيكون كارثيا فى المنطقة وستتحول المنطقة الى منطقة كارهة لامريكا واللى جابوا امريكا
بدأ البعض يعطى الاخوان بمبة ويلسعهم على قفاهم بل واعطاء مبارك الضوء الاخضر لتكسير ارجلهم
لكن مازال الآخرون مقتنعين ان الاخوان لو تبنوا النموذج التركي فلا مانع من وصولهم الى الحكم
هنا يكمن دور اقباط مصر ، ان لم تتحركوا فلن يعتد بكم احد ولا تعتمدوا الا على انفسكم يعنى سيبكم من اقباط المهجر ، لا تعولوا عليهم كثيرا

نيجى لمشاركة الاخ مينا
بص يا عم ، الاقباط اكثر ناس محبطة فى المجال السياسى لانهم ببساطة لم يتعودوا على هذا المسلك وليس لديهم الخبرة الكافية اضافة الى سيطرة الاكليروس عليهم والحرص على عدم الخروج عن الخط المرسوم لهم فى القاهرة
فما الحل؟
الحل هو انك تشتغل وانت فى دماغك ان مافيش حاجة تحبطك ، ومهما لاقيت من سلبيات ممن حولك فاعرف ان هذا طبيعى وحاول الا تصطدم بالكهنة فى العمل السياسى لانهم لو قالوا عنك شئ ستجد الشعب خلفهم سامعين طائعين ، لذا تجنب الصدام معهم بقدر الامكان

انها سياسة عرفها الغزاة العرب عن رجال الكنيسة منذ البدء لذا قام عمرو باعطاء البابا بنيامين الامان ، طالما اكرموا رجال الكنيسة صار سهلا لهم ان يفعلوا ما يشاءون بالشعب ، وطالما الكهنة مبسوطين فهو المطلوب لديهم
طبعا هناك استثناءات لكنها ليست كثيرة
لذا توكل على الله واعرف انك تنحت فى صخر وتحاول احياء الروح فى اجساد قتلوا فيها الاحساس بالمسئولية تجاه قوميتهم

[knowjesus_knowlove]

الاخوان ممكن نحولهم الى نموذج حزب الفضيلة بتركيا

أنا سأكون أول المؤيدين لذلك على شرط عمل دستور مصرى جديد مطابق تماما لدستور تركيا الحالى... وأنا سأكون أول من يشارك فى الإنتخابات بل وسأرشح نفسى فى أى دائرة حتى هنا فى موزمبيق