يا حارق دمهم و مكبب فى وشهم ...

انا متفق مع الاخ يوساب في كلامة .... وان العملية مش مجرد اقتصاديات وتكنولوجيا وبس لا في خلفيات تانية كتير وهو ذكر بعضها اللى ليها تأثير فعال في الموضوع دة ...

لكن ارجع واقول المسألة مش كراهية امريكا .... احنا مش بنكره امريكا .. بس بنكره سياستها ... ومش عايزين امريكا تخرب .. بس عايزين رئيس امريكي صح ,,, مش هقول يكون عربي ولا يكون بدقن واخواني عشان يعجبنا ... بس على الاقل يكون شخص عاقل مش مجرد شخشيخة في ايد اللوبي الصهيوني وينفذ اللى عايزينة وبس ويوم ما يعترض او يتمرد تنشق الارض وتطلع له مونيكا جديدة تجيب مناخيرة الارض .. وتعدلة تانى ... ويكون شخص بيكيل بمكيال واحد ... مش عايز يكسر الدنيا على دماغ ايران وكوريا و العراق عشان اشتباه في وجود اسلحة دمار شامل .. وعندة ست الكل اسرائيل هانم عندها ما لذ وطاب من البلاوي دي .... ولا اية ؟
مش رئيس عندة موهبة لا تقارن ان يخلي اكتر من نص شعوب الارض تكرهه وتكره الامريكان وتخليهم هدف ليها ودة مش كلامي دي كلام الامريكان نفسهم .....
عايزين اية من واحد بيرمي كل يوم في العراق من ولاد بلدة بالعشرة والعشرين بين قتيل وجريح والسبب اية .؟.؟ القضاء على الارهاب والسيطرة على البدنجان ,,,,
تخيل الامهات في امريكا لما ابنها يرجع من غير رجل او ايد ولا يرجع في صندوق كئيب في حرب ملهمش فيها لا ناقة ولا جمل والسبب محاربة الارهاب .....
طب لحد دلوقت بقالهم اد اية واخدين اللعراق .. قدروا على الارهاب هناك ؟؟؟

فضلوا يضربوا في طالبان بصواريخ في افغانستان ... وصاروخ كروز بحوالي نص مليون ينزل يدمر لمؤاخذة زريبة بهايم او يهد عشة فراخ ويموت معزتين ....
وبعد كل الضرب دة والميزانيات دي كلها ... لا طالبان انتهت ولا القاعدة انتهت ؟!!!!
وكلة في سبيل القضاء على الارهاب ....... معلش الحقيقة مؤملة واللى ينكرها يبقي اغبي من انه يكون انسان اساسا

انا مش بنكر فضل امريكا ولا معوناتها واللى ينكر الكلام دة يبقي جاحد وناكر للجميل وغبي ... بس عايزنى ازاي اقول كدة وانا شايف انها بتدينى سندوتش برجر بايد وبتضربنى بعصاية بالايد التانية .... ولا فضيحة القمح اياة المشع ,,, ولا ولا ولا .... وعلى راي المثل
( افتكر لك اية يا بصلة وانتى كل عضة بدمعة )
الي جانب في دول بتموت في العلم الاخمر المقلم ابو نجوم بيضا ... زي الكويت ...
طبعا ومش تحب امريكا ازاي اذا كانت هي اللي حررتها من بطش النظام الصدامي ورجعت الكويت تانى ليها .. وكأن امريكا بس اللي حاربت وانتصرت ... ومش هستبعد من الكويت مثلا انها تسمي الكويت دولة امريكا الشقيقة ولا ممكن استبعد ان يجي اليوم واسمع عبارة الرئيس المؤمن جورج بوش صلي الله علية وسلم .. من افواه الكويتين ....
وحتى لو استبعدنا خراب امريكا بالطريقة المتوقعة ...

لو تعرفوا قصة اصحاب الجنتين ,,,, ولما اغتر وقال ان جنتى دي معتدقش انها تفنى ابدا واحس بغرور في نفسة وربنا دمرها ... او قارون لما اغتر بكنوزة وفلوسة وربنا خسف بية وبدارة الارض ..

لية مش متخيلين ان ممكن يحصل شيء في قوة تسونامي 10 مرات ويمحي القارة من الوجود ... ياتري الكلام دة مستبعد علميا ؟؟ .. اشك ,,,
حتى مع اقوي اجهزة رصد البراكين والزلازل والجيويلويجا عموما .. في اشياء اقوي من الكلام دو ... وحتى لو الاجهزة رصدتها ... ياتري الانسان البشري الضئيل دة .. يقدر يقف قدام شيء زي دة ....... اشك برضة .. ولا اية ؟


ودمتم