|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
|
|
#1
01-08-2005
|
|||
|
|||
|
الله يسامحكم
برضه بتغلطوا وتسموا الوثيقة " قرار المجمع المقدس " هديكم تعريف على السريع لما تعنيه قرارات المجمع المقدس قرار المجمع المقدس : " هو أمر كنسي من مجمع أساقفة الكنيسة بارشاد روح الله القدوس ، لما فيه مصلحة الكنيسة والعقيدة الأرثوذكسية القويمة ، ويتوافق مع الكتاب المقدس وقوانين الأباء الرسل الأطهار ، ومن يخالفه اذا كان ذا رتبة يفرز ويقطع من شركة الكنيسة ، واذا كان من عامة الشعب يقطع من الكنيسة ، ويحرم من الشركة الكنسية " قولوا لي بقى دلوقتي ، هو اللي صدر ده ، كان للكنيسة ولا كان لمبارك؟؟ يعني لومبارك ما أطعش ورشح نفسه تاني ، هيتحرم من شركة الكنيسة؟؟!! ---- أخ أسيوطي ، كلامك سليم ، بس ده لو في حالة ان كان حد في الشعب أصلا بيحبنا مبارك معروف عنه انه هيكسب ، بالذوق بالعافية كسبان كسبان ، غصب عن الشعب كله فالكنيسة اللي طول عمرها ماشية جنب الحيط ، قالت نتحرك شوية ونقول له اتفضل لو سمحت رشح نفسك ، كنوع من أنواع المكسب السياسي ( في وسط سياسي قذر ) بس هنعمل ايه لو سكتنا كأننا قلنا له لأ ، وساعتها عينك ما تشوف الا النور وبعدين الموضوع أصلا بضغط من الحكومة ، والضغط الحكومي بيبقى من نوع ، اطلاق الجماعات الاسلامية وتحريضهم علينا بعد اعطائهم الآمان ، والحكومة ساعات بتعمل كده ، فبنضطر اضطرارا اننا نرضخ تحت الضغط ده ، غصب عننا صدقني يا أسيوطي آخر تعديل بواسطة saweres ، 01-08-2005 الساعة 07:41 PM 
|
|
#2
01-08-2005
|
|||
|
|||
|
إقتباس:
البابا بنفسه قال انه المسئول أولا وأخيرا عن هذا البيان وان عصر مبارك افضل عصر للأقباط ! وقال بالنص: " انا عاصرت الملكية وعبد الناصر والسادات ومبارك وأقولها بضمير مستريح ان عصر مبارك هو أفضل عصر للأقباط" واننا ندعم ترشيحه لفترة رئاسة قادمة. وعندما سئل عن مظاهر هذه الأفضلية خاصة ان عصر مبارك هو على عكس ما قال فهو عصر تهميش وإبعاد الأقباط عن كل المناصب القيادية والسيادية أجاب البابا أن مبارك أعطانا تصريح ببناء عدة كنائس فى الشهرين الماضيين !! ، حينها قال له احد الشباب : هل هان عليكم اقباطكم الى القدر الذى ترضون فيه بالفتات الساقط من المائدة؟ الا تعلمون ان من حقنا كبشر ان نتعبد بالطريقة التى تروق لنا وبحرية ودون الحاجة للتوسل الى هذا وذاك لكى يلقى لنا بكسرة خبز؟ لما لا تطالبون بحقوقنا المهضومة؟ هل اختزلتم حقوقنا فى بعض الاجراءات الشكلية التى يلمع بها النظام نفسه؟ ثم ذكر الشاب مثال صارخ لأحد الكنائس التى تم غلقها منذ 19 عاما بأحد محافظات صعيد مصر ومازالت مغلقة حتى الآن مع حرمان اهالى المنطقة من الصلاة فيها فأجاب البابا: إوعوا تفتكروا ان فيه حد فيكم هايدافع عن الكنيسة احسن منى ومن المجمع المقدس !
|
|
#3
01-08-2005
|
||||
|
||||
|
سلام المسيح معاكم
علشان يكون كلامنا علي نور يا ريت حد ينتقل لينا بيان المجمع المقدس لانه بيتقال ان المجمع المقدس قالي للاقباط انتخبوا مبارك وكلام تاني بيقول يدعوا مبارك لترشيح نفسه وعموما ما هو رايكم في مساندة الكنيسة للمقاومة ايام الانجليز مثلا هل بهذا تكون خرجت من دورها الديني الي الدور السياسي ؟؟؟؟؟؟؟؟ ان كانت لم تخرج عن دورها الديني بل كان لازما عليها مساندة ابنائها فهي الان يجب عليها مساندة ابنائها تعالوا نتكلم بصراحة مين اللي ينفع وواثقين فيه يكون بدلا من مبارك ؟؟؟؟ لغاية دلوقتي مش عارفين مين وراء ومن يساند حركة كفاية لانه بيتردد ان الاخوان متدخلين فيها وطبعا مينفعش نثق في الاخوان لانهم معندهمش ذمه ولا ضمير بل دائما كاذبون الاصلح الان مبارك وخلال الفترة القادمة هنتعرف اكتر علي المرشحين وبرامجهم وسياستهم ومصالحهم وافكارهم لاننا الان فرحون بالتعديل الدستوري لكن لا يجب ان نختار وخلاص اما السؤال الان : هل من حق المجمع المقدس ان يصدر بيان مثل هذا ؟؟؟ كما قلنا فوق انه عندما كان هناك مساندة من الكنيسة للمقاومة ايام الانجليز كان هناك رضي من الشارع المصري علي هذا الموقف ولم يقل احد لماذا تتدخل في السياسة يبقي للمجمع المقدس كمواطنين مصريين ان يصدروا بيان كما يشائون ولكن هذا البيان غير ملزم للمصريين الاقباط لكن خلي بالكم نحن في امس الحاجة لان نتحد في الراي ونكون قوة واحده ولا تكون اصواتنا مشتته حتي يعمل الجميع حسابا لاصواتنا عندما نقول هننتخب هذا يبقي هذا ولا نتشتت ابناء هذا الجيل (الاخوان ) احكم من ابناء النور (المسيحيين ) في جيلهم الاخوان عندهم راي واحد حتي لو كانوا غير موافقين عليه لكن طالما ان قياداته قررت هذا فكلهم ينفذون لذلك تراهم مستحوزين علي النقابات ومع انهم حزب محظور الا انهم متواجدون اكثر من اي حزب اخر . فلنتحد الان افضل وبعد ان تستقر الامور ويحس الجميع بثقلنا وتاثيرنا ننخلرط في الحياه السياسيه ونكون احزابا ونشترك في احزاب معارضه اما الان فلانها فترة متقلبة سياسيا وحتي لا يقفز الاخوان علي الحكم او يقفز من لا نعرف كنهه واتجاهه وافكاره ومين اللي وراه فلنتحد
__________________
(sml21) ((ليكن اسم الله مباركا من الازل و الى الابد لان له الحكمة والجبروت.و هو يغير الاوقات و الازمنة يعزل ملوكا و ينصب ملوكا )) دا 2 :21-22 (sml21)
|
|
#5
01-08-2005
|
||||
|
||||
|
يا جماعة اقرأوا البيان والاشكال هيتحل
البيان قال قداسة البابا ومطارنة واساقفة الكنيسة الارثوذكسية يسعدهم استمرار الرئيس محمد حسني مبارك خدوا بالكم من حته مهمه جدا وهي ان البيان لم يقل وشعب الكنيسة الارثوذكسية بل انه حتي لم يقل وكهنة الكنيسة الارثوذكسية مع ان هذا البيان يمكن ان يضم الشعب والكهنه لانه كما قلنا ليس قرارا يصدر عن الاساقفة فقط اذا من اراد ان يؤيد البابا في هذا البيان فليؤيده ومن لم يرد فهو حر لكن كما قلت اقول ثانية فلنتحد
__________________
(sml21) ((ليكن اسم الله مباركا من الازل و الى الابد لان له الحكمة والجبروت.و هو يغير الاوقات و الازمنة يعزل ملوكا و ينصب ملوكا )) دا 2 :21-22 (sml21)
|
|
#6
01-08-2005
|
|||
|
|||
|
إقتباس:
هو انت مش من الكنيسة القبطية برضوا؟ نيجى لموضوع الاتحاد: أديك وضعت ايدك على اول طرق النجاح السياسي للأقباط (لو عايزين ينجحوا) وهو التصويت الكمى Bulk Vote بمعنى انهم يعقدوا صفقات سياسية قبل الادلاء بآراءهم ويستطلعوا برامج كل مرشح ويبطلوا موضوع معاهم معاهم عليهم عليهم ، من يتحدث عن قضايانا ويطرحها للنقاش ندعمه اما من يعطينا الطرشة ويحولنا الى مواطنين درجة تانية ياخد استمارة 6 اما طريقة الوحدة (الصوتية الانتخابية) دى فعايزة منظمات وهيئات علمانية وشغل سنين
|
|
#7
03-08-2005
|
||||
|
||||
|
إقتباس:
حبيبي يا yaweeka العنوان ده اللي بالاحمر فوق من وضع اللي نقل الخبر اما البيان فلم يقل هذا [/SIZE]
وعلي فكره كلامك فوق يدل علي ان من يجب علينا ترشيحه هو مبارك لان الباقيين حتي الان لم يعرضوا لبرنامجهم الانتخابي ومين اللي عرفنا مش يمكن يكون حد فيهم مع الاخوان ؟؟؟؟؟ زي ما قلت بقول تاني مبارك ينجح المرة دي كمان لغاية مينكشف كل واحد علي حقيقته خلال الفترة القادمة هو مع مين ضد مين وافكاره ايه من جهه البلد ومن جهة الاقباط وبقولها تاني فلنتحد
__________________
(sml21) ((ليكن اسم الله مباركا من الازل و الى الابد لان له الحكمة والجبروت.و هو يغير الاوقات و الازمنة يعزل ملوكا و ينصب ملوكا )) دا 2 :21-22 (sml21)
|
|
#8
03-08-2005
|
||||
|
||||
|
إقتباس:
حبيبي يا yaweeka العنوان ده اللي بالاحمر فوق من وضع اللي نقل الخبر اما البيان فلم يقل هذا [/SIZE]وعلي فكره كلامك فوق يدل علي ان من يجب علينا ترشيحه هو مبارك لان الباقيين حتي الان لم يعرضوا لبرنامجهم الانتخابي ومين اللي عرفنا مش يمكن يكون حد فيهم مع الاخوان ؟؟؟؟؟ زي ما قلت بقول تاني مبارك ينجح المرة دي كمان لغاية مينكشف كل واحد علي حقيقته خلال الفترة القادمة هو مع مين ضد مين وافكاره ايه من جهه البلد ومن جهة الاقباط وبقولها تاني فلنتحد واحنا لغاية دلوقتي ارائنا متضاربه
احنا عاوزين ايه بالضبط عوزين قداسة البابا يتدخل ويكلم الدوله لحل مشاكلنا ولو متدخلش نقول قداسة البابا سايب ولاده ومبيدخلش ومبيخدش مواقف وبيكلمش الدوله ليه ولا عوزينه ملوش دعوه بالسياسه ويتركنا نتعامل مع الدوله كمواطنين مصريين ليس لجهه دينيه وصاية علينا في السياسه ؟؟؟؟؟؟؟؟؟؟؟؟؟؟؟؟؟؟ سؤال : لو كنا زعلانين قوي ان قداسة البابا انه بيعبر عن راي الاقباط سياسيا وبيتكلم مع الدوله باسمهم فلماذا نتظاهر في الكاتدرائية ؟؟؟؟لماذا لما بيحصل اي حاجه نجري علي الكاتدرائية ؟؟؟؟لماذا لا نتظاهر في الشارع كمواطنين مصريين ؟؟!!! وافرضوا كان قداسة البابا قال لنا محدش يتظاهر في الكاتدرائية الكنيسة ملهاش دعوه بالسياسه ؟ كنا هنعمل ايه ؟؟؟ كنا ساعتها هنقول قداسة البابا غير مهتم باولاده وسايبهم للدوله و و الخ يا ريت نحدد موقفنا احنا عوزين ايه بالضبط
__________________
(sml21) ((ليكن اسم الله مباركا من الازل و الى الابد لان له الحكمة والجبروت.و هو يغير الاوقات و الازمنة يعزل ملوكا و ينصب ملوكا )) دا 2 :21-22 (sml21)
|
|
#9
01-08-2005
|
|||
|
|||
|
عظيم
يعني اتفقنا انه ليس قرارا مجمعيا ملزما للاقباط بأن يخضعوا له بل هو مجرد وثيقة مناشدة لمحمد حسني مبارك لترشيح نفسه لفترة رئاسة خامسة وفي الكلام اللي انت قلته يا ياويكا أنا أعارض البابا فيه ، فأنا أرى أن عصر الملكية بغض النظر عن فساد الملك والاسرة المالكة كان افضل بكثير ، الانجليز خرجوا من مصر مديونين لمصر ... هذا رأي البابا الشخصي ، أحترمه لكن غير ملزم لي ، ويمكنني معارضته وعدم الاخذ به وبهذا يُحل الاشكال --- على فكرة ، انا سايب جمال أسعد ونبيل لوقا بباوي بيتشاكلوا على التلفزيون بصراحة جمال أسعد لبخ كتير قوي ونيل الدنيا وقال على قداسة البابا كلام ما حصلش حتى من ضمن كلامه ان راهب موضوع النبأ ما كانش مشلوح وان البابا بيتدخل في انتخابات النقابات لصالح مرشح ضد مرشح آخر ونبيل لوقا بباوي كان بيدافع زي الأسد عن البابا وعن الكنيسة ( يمكن لأول مرة )
|
|
#10
01-08-2005
|
|||
|
|||
|
إقتباس:
انا اعتراضى الوحيد هو ان هذا البيان صادر عن مجمع مقدس ، عارف يعنى ايه؟ يعنى مبادئ الكتاب المقدس يعنى: حامى عن اليتيم والأرملة والمظلوم ضد قضاة الظلم يعنى ينبغى ان يطاع الله اكثر من الناس يعنى بلاش نفاق سياسى والزج ببيانات تحوى عبارات كاذبة كهذا حتى يكون المجمع قدوة للآخرين يعنى كويس لما ييجى واحد مفعوص ويحرج البابا بأسئلته حول الموضوع قدام الناس ويقول له : المجمع الذى له تاريخ ناصع ومجيد فى نيقية وافسس وصل به الحال ان يصدر بيانات تدعم ديكتاتور ؟ مش كان اولى بهم ان يصمتوا؟ ما معروف ان الاقباط والمسلمين ها يرشحوا مبارك اساسا وحتى لو اعترض الجميع وقالوا لا ، معروفة انها مسرحية سخيفة من اولها لآخرها ومبارك سيفوز (طالما الست كونداليزا والحاج بوش أعطوه الضوء الأخضر) ، بس يعنى لازمتها ايه انهم ينافقوه بالطريقة دى؟ آخر تعديل بواسطة yaweeka ، 01-08-2005 الساعة 08:21 PM
|
|
#11
01-08-2005
|
|||
|
|||
|
إقتباس:
|
|
#12
01-08-2005
|
|||
|
|||
إقتباس:
NOTHING Haye3melo eh fel baba ya3ni? Ha7ottooh fel segn!? Sa7i7 el a2bat gobana, alla yer7am zaman el shohada!
|
|
#13
01-08-2005
|
|||
|
|||
|
يا جماعة أحنا مديين الموضوع أكثر من حقه أنا ارى ان هذا القرار خاص بأعضاء المجمع ا لمقدس يعنى بصفتهم الشخصية وهما أحرار يؤيدون من يؤيدون ولكن أحنا كاقباط كل واحد حر فى قراره يعنى اللى مش هاينتخب مبارك مش هايرتكب ذنب يعنى والسيد المسيح قال قولته المأثورة اعط مالقيصر لقيصر ومالله لله وبعدين خلونا صرحاء أين هو الشخص الذى يمكن ان تثق فبه وترشحه بديل لمبارك للأسف ان النظام المصرى الهش لم يعط الفرصة لديمقراطية حقيقيية ممكن ان تفرز شخصيات اخرى ممكن ان تتولى قيادة مصر فى هذه المرحلة الصعبة
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
النمط الشجري
