الصيف والسيف

المشاركة الأصلية بواسطة signal_II

كل اللى قالة باور حقيقى جدا
الاسكندرية اصبحت مدينة للجميع ماعدا اهلها
شركة النظافة تحصل من جميع الشقق ولا يوجد باى شارع غير البحر وطريق ابوقير فى حتت قليلة جدا

الانفاق فى حتت ملهاش لزمة تخيلوا ان امام مكتبة الاسكندرية لايوجد نفق عبور الا واحد يبعد حوالى 400 متر


الاسكندرية صيفا مدينة لاتطاق من اهلها لان كل من هب ودب فرحان بالمصيف ويخقننا
المعمورة والمنتزة ملئية بشوية ناس مصراوية ملهاش لزمة فرحانة بشوية البرستيج وباباى ومامى
وشواطى الاسكندرية كلها مبلية بالفلاحين والصعايدة
انا عندى صورة للاسكندرية حجمها كبير ( لشاطى سيدى بشر سنة 45 او 46 ) كل الشاطى بكينى
دلوقتى كلها بينزل بالجلبية وبقت الشواطى زبالة


اسكندرية الحقيقية للاسكندرانين شهر 10 و 11 تنزل تاخد غطس فى البحر النظيف وتتمشى فى بحري والقلعة وتاكل سمك وجيلاتى فى جليم
ايووووووووووووووة ياجدعان

حبيب قلبى
والله العظيم شعر راسى وقف من كلامك والدم حاسس انه بيجرى بسرعه من كلامك
كلامك بيغظنى بجد ،ونفسى اشوف اسكندريه بتستحمى فى ليل الشتا ،
نفسى اطلع اتمشى واشم النسيم العليل الى كان بيشفينى
نفسى ابص فى الموج واشكيله بجد واقوله (مالنا ايه الى جرى لنا) ليه **** الامم بتتقدم واحنا مخنوقين
نفسى ونفسى احضن شطها وانظر لعمق البحر ،ومش عايز ترمس ولا دره ، ولا حتى جيلاتى
نفسى زى زمان ماحدش يعكر مزاجى
مش محتاج كتير ،اتنين متر مربع والناس تسيبهوملى اتبرطع فيهم
بجد انا متغاظ منك
لانى محروم منها شتاءا
مرة واحدة حضرت رأس السنة لمدة اسبوع ولم اغادر فيه ذلك الساحر العجيب المسمى شط اسكندريه
اه يا اسكندريه