إقتباس:
|
المشاركة الأصلية بواسطة Zagal
والسؤال اللى مش عارف اجابته الان :
هل وصلوا الى بيت الرئيس مبارك ووضعوا فيه اجهزه تجسس زى ماعملوا مع غيره ولالسه ... 
وهل وصلوا الى الحرس الخاص بابن مبارك ؟؟؟
ربنا يستر
|
مبارك مش ماسك لجام البلد 24 سنة لأنة حمار، مبارك و شلتة فى منتهى الذكاء و البلد فى جيبهم. فى الواقع البلد فى يد الجيش، و الجيش فى يد قياداتة العليا المنتفعة من الوضع الحالى و يستحيل يقوم الإخوان بإنقلاب ناجح إلا لو أقنعوا اللواءات و أركان الحرب إن مناصبهم فى أمان و ده مش هيحصل. و عندك فى تركيا و الجزائر خير مثال إن الجيش فى البلاد الشرقية هو الحاكم الفعلى و إن المجموعة الكبيرة من المصالح المتقاطعة تضمن بقاء الوضع على ما هو علية.
الإخوان أملهم الوحيــــــــد هو فى ثورة شعبية عارمة مع توغل فى الجيش يكفى لأن يقف الجيش متفرج و دة برضة إحتمالة ضئيل جدا فى الزمن الحاضر. لكن فى المستقبل لو إستمر إنخفاض مستوى المعيشة و زادت نسبة الناس اللى عايشة تحت خط الفقر ساعتها إحتمال قيام ثورة من النوع دة تزداد، لكن فى وسط إعتماد مصر المتزايد على المعونة الخارجية و كون دخلها الأكبر هو السياحة اللى هى كمان مرتبطة بإستقرار الأمن القومى فرصة الإخوان فى المحافظة على الحكم قليلة.
الإخوان أيقنوا هذا و علشان كدة بيتلونوا بصبغة جديدة و بيحاولوا يندمجوا فى العملية السياسية و يتوغلوا فى كل مكان أملا فى الوصول للحكم بهدوء و بأقل إزعاج ممكن، لكن دة بيتطلب منهم تغيير سياستهم إلى حد يجعلهم مقبولين لعامة الشعب و أهم من كدة للدول الخارجية اللى مصر بتعتمد عليها فى أكل العيش.
فى رأيى الإخوان مع هيوصلوا للحكم أو على الأقل هيبقى لهم مشاركة فى الحكم لكن إلى هذا الحين هيكونوا مروا بمراحل عديدة من تغيير سياساتهم إلى سياسات أقل حدة علشان تفضل مصر جزء من المجتمع الدولى.
السؤال هو من سيحمى الأقباط من هذا السرطان اللى طبعا كلما ينموا و يتفرع هيورينا أشكال و الوان من الويلات و العذابات؟
الطريقة الوحيدة لإرجاع مارد الإخوان ثانية للقمقم هى الإصلاح الإقتصادى و السياسى، يا ترى الأقباط هتكون عندهم الحكمة للمساهمة الإيجابية فى المجالات دى؟ ولا هيقفوا يتفرجوا كالعادة؟
03-10-2005
النمط المتطور