الي احباب المسيح - مرة اخري
السلام علي اهل دين السلام
اولا انا متشكر جدا جدا لكل اللي رد علي رسالتي و حقيقي انا سعيد ان المحبة بدات تنشاء بينا
و بالنسبة للاخ زغلول.....يا سيدي انا مش هزعل منك بسبب الرد الجارح اللي انت رديت بيه....بس يا سيدي انا نفسي ان الحوار يكون بهدوء و عقلانية....انا مقدر ردك عليا و عارف ان البوليس و الجيش في مصر من الحرامية و النهابيين هما سبب الضيق اللي انتو فيه...زي ما احنا كمان فيه منهم.....
انا مش ممكن اقول كلام جارح لاي حد فيكم عشان انا ديني و رسولي >ص< منعني من كده
يا جماعه و الله و الله احنا كلنا مسلمين و مسيحيين في مصر اصحاب بلوه واحدة و اصحاب قضية واحدة.....لازم نخلص من اللي سارقين احلامنا و حريتنا من اكتر من خمسين سنة........
عشان كده انا نفسي كلنا نتحد و نبقي مسلميين و مسيحيين لنا نفس المطالب....و الاتحاد ده مش ممكن يتم الا لو بدانا بالمحبة و السلام....زي ما امرنا الاسلام و زي ما علمتنا المسيحية.......
يا رب رسالتي تلاقي اهتمام عندكم كلكم عشان نضم صوتنا لصوت بعض
و السلام ليكم يا اهل دين السلام
|
03-09-2003
النمط المتطور