تهنئة قلبية بالعام الجديد 2006

[elmafdy]

العزيز Jesus_4 _ us

أخونا غلاباوى لسه طالع من المستشفى و زى ما قال لسه تعبان و فى نقاهه , و ما عملش حاجه اكتر من انه بعت لنا يهنينا بالسنه الجديده , و اعتقد ان الرد المناسب عليه اننا نشكره على التهنئه اللطيفه دى , و نهنيه احنا من ناحيتنا بشفائه و عودته بالسلامه و نتمنى له تمام الشفاء و انه يبقى فى اتم صحه .

لكن انت دخلت فيه ناشف قوى و كلام كبير و مستنى منه يرد علينا , انا ها ارد عن غلاباوى بعد اذنه , انا متوقع انه لواتخير انه يحشر - مع انى مش عارف يحشر دى يعنى ايه , معناها اللى أعرفه حاجه كده جو اتوبيسات و زحمه و حاجات من دى - المهم ان غلاباوى لو اتخير انه يحشر مع اقباط زى اغلبنا اللى بعتوا يتمنوا له كل خير و شفاء أيام ما كان تعبان , و بعتوا له تانى يهنئوه بأنه قام بالسلامه , و بين انه يحشر مع الاخ الضايع المغيب اللى انت ناقل فتواه ده , اللى بيقول ان الكريسماس هو الاحتفال بقيامة المسيح و ان بابا نويل هو الله الاب , انا متأكد ان غلاباوى ها يختار انه يحشر معانا احنا عن انه يحشر مع هذا ال. . . . , اللى عاوز اقوله ان واحد بالجهل و الضحاله و الحموريه دى - ولا مؤاخذه يعنى - ما يشرفش حد انه ينتمى له و لا انه يدافع عنه , و لا غلاباوى و لا أى انسان صاحب عقل ها يقتنع بالكلام ده او ها يدافع عنه أو عن صاحبه بأى كلمه , و عموما ربنا هو الشافى للمرضى جسديا امثال صديقى غلاباوى و عقليا امثال صاحب هذه الفتوى .

أخى العزيز غلاباوى

ألف حمد الله على السلامه يا عزيزى , معلش ما لحقتش اسلم عليك لأنى حبيت الاول ادافع عنك و اجاوب نيابة عنك على اخى Jesus_4_us , و ميرسى جدا على التهنئه بالعام الجديد , و ان شاء الله 2006 ها تكون سنة خير عليك و على أولادك و على كل اخوتى فى المنتدى و ربنا يحقق لنا جميعا كل امانينا .

كمان عاوزك تطمنى اكتر على صحتك , اوعى يكون الدكاتره غلطوا و عملوا لك العمليه اياها اللى قلت لك عليها

و الرب يبارك و يهدى الجميع

المفدى

[freeman]

[B][I] الاخ العزبز .......غلاباوى
الف حمدالله على السلامة .....وكل عام بصحة و عافية وخير أنت وجميع الأخوة المصرين
مسلمين+مسيحين
(عيد ميلاد+اضحى)=سعــــــــــــــــــــــــــــــيد
اخيك freeman

[مار مينا]

المشاركة الأصلية بواسطة elmafdy

كمان عاوزك تطمنى اكتر على صحتك , اوعى يكون الدكاتره غلطوا و عملوا لك العمليه اياها اللى قلت لك عليها

المفدى

اوعي كان قصدك علي العملية اللي عادل امام خلي الدكاترة يعملوها للجواهرجي في فيلم حمادة وتوتو ..هههههههههههههه

وانت طيب يا غلاباوي .......... علي فكرة للاسف مش كتير اللي بيعيدوا علينا في راس السنة .. مع انهم بيجولنا في العيد ... غريبه الحكاية دي ..
تعرف .. لما اجي اقول لواحد كل سنة وانت طيب يقولي واحنا مالنا . لقوله دي سنة جديدة ... بتغير فيها النتيجة وبتجيب اجندة جديدة وبلوك مكتب جديد .. يعني سنة جديده يقولي لا دي مش بتاعتنا ............
بقولك ايه ابقي هات اللمبي يدبحلك الخروف هههههههههههههههه
وكل سنة وانت طيب