+++ الحث على الانجاب +++ للاقباط خاصه وللمسيحيين عامه +++

[Gregory]

اذا كان الزوج و الزوجة عندهم القدرة المادية و البدنية و العقلية و النفسية على تربية عدد كبير من الأطفال ساعتها مظنش فيه مشكلة
و لازم يكون عندهم كمان احساس بالمسئولية عن النفوس دى

لكن لو الزوجين على قدهم يبقوا يربوا واحد أو أتنين كفاية
تربية مسيحية كويسة
ممكن الولد الواحد ده أربيه و أخليه زى أثناسيوس الرسولى أو أبونا بيشوى كامل
رغم أنه ولد واحد لكن عن طريقه ربنا يجذب نفوس كتير للمسيح

أخى الحبيب أنا حر
البركة من عند ربنا
و لازم يكون عندنا ايمان بكده
+ اؤمن يا سيد فأعن عدم ايماني (مرقس 9 : 24)
لكن أسأل سؤال ردا على سؤالك
رب المجد لما أشبع الجموع بفيض بركته ... عمل ايه فى الفضل الزائد ؟
التلاميذ جمعوه
طب ما هو بركة ربنا موجودة ... ليه نهتم بقى ؟
بركة ربنا موجودة لكن لازم أستخدم عقلى اللى ربنا بنفسه اداهونى
لكن هل أجيب أولاد كتير ( أكتر من طاقتى ) مبررا ذلك بعدم التدخل فى ارادة ربنا ؟

حالات الأرتداد موجودة فى قرى كثيرة فى الصعيد هذه الفترة
بسبب كثرة الأطفال ( بدون تخطيط ) فتؤدى الى تدهور الحالة المادية
و كنتيجة لعدم قدرة الكنائس هناك لحل مشاكلهم ( لأنها كنائس فقيرة جدا ) ساعتها بييجى الناس بتوع جماعات الدعوة و يدوهم أكل و لبس و يرتدوا و ينكروا المسيح
و الحكاية دى كترت قوى الفترة الأخيرة


هل يتعارض تنظيم الأسرة مع الايمان ؟ ؟ ؟
هل فى تنظيم الأسرة تدخل فى مشيئة الله ؟ ؟ ؟
هل فى تنظيم الأسرة رفض لعطية الله ؟ ؟ ؟
هل فى تنظيم الأسرة شك فى سخاء الله ؟ ؟ ؟
هل تنظيم الأسرة يتعارض مع قول الرب لأدم " أثمروا و أكثروا و أملأوا الأرض " ؟ ؟ ؟
كل هذه التساؤلات و غيرها فى الملف المرفق لنيافة الآنبا موسى الأسقف العام
أو من اللنك ده
http://www.youthbishopric.com/librar...tebya_b_bm.zip