|
|||||||
| المنتدى العام يهتم هذا القسم بالأخبار العامه |
|
|
خيارات الموضوع | طريقة العرض |
|
#1
26-01-2005
|
||||
|
||||
أنا المرشح لرئاسة الجمهورية
دة مش ضحكة ولا تريقة
أنا راح ارشح نفسى فى الانتخابات اللى جاية على رئاسة الجمهورية عمرى أكبر من المطلوب ...مش بردك 32 سنة أو حتى 34 ..أنا اكبر من كدة بشهور قليلة أهلى وجدود جدودى مصريين وشارب من مية النيل لحد ماجالى التهاب مزمن فى القولون ومتهيقلى مفيش قانون فى مصر يمنع القبطى المسيحى يرشح نفسة لرئاسة الجمهورية ناس هتقول دة شارب حاجة او اتجنن الصياد ياخسارة عقلة او هو نسى نفسة....الخ الخ من ناحية الجنون...فعلاً أنا مجنون وابن مجانين...لو سبت الفرصة دة تفوت من غير ما احرك الماء الراكد ...المية العكرة...المية العفشة كل مرة يعملو مؤتمرات وهاتك يا حب فى الزعيم منقذ مصر من التخلف والادمان والضياع وكمان الافلاس والبلهارسية...الخ الخ وعمرى ما لقيت راجل فى البلد دة ...راجل بجد...يقول للناس دة كفاية حرام...فوقوا ياولاد المفضوحة....فضحتونا فى كل حتة... صدقونى هى اكتر من جنيهات قليلة وارشح نفسى للرئاسة انا بتكلم جد....بس حد يقوللى الخطوات القانونية وامتى بقى ميعاد فتح باب الترشيح طبعاً انا عارف اننى عمرى ما هطول حتى ...اكون عسكرى درك عند الكبير الجعيص المجعوص على قلبنا ليوم الدين بس نفسى اعمل حاجة ...وصدقونى هعمل اللى انا ناوى علية وهنشوف هيحصل ايية....هى موتة واللا اكتر...او ترشيحة واللا اكتر هنشوف بقى هيسمحوا بواحد قبطى يخش يرشح نفسة للكرسى الكبير على راى عادل امام..؟؟؟؟ بس عايز اعرف كل المعلومات عن الترشيح....واللا مش عاجبة كلامى بلاش يقول حاجة علشان انا مش هسكت لاى حد هيهبط من عزمتى وطبعاً عارفين ممكن اضحك علية المنتتدى كلة فاللى مش عجبة كلامى...يحط سندوتش بج برجر فى خشمة ويسكت احسن انا معميعى خلاص اتهرت من الدنيا والناس النايمة من حولى انا الزعيم....المرشح الجديد لرئاسة الجمهورية صائد الذباب....رئيس جمهورية مصر القبطية 
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
مواضيع مشابهة
|
||||
| الموضوع | كاتب الموضوع | المنتدى | الردود | آخر مشاركة |
| انتخابات الرئاسة الأمريكية 2008......(مدموج) | HAMOUKAS | المنتدى العام | 403 | 04-05-2010 11:43 AM |
النمط المتطور