|
|||||||
| المنتدى العام يهتم هذا القسم بالأخبار العامه |
 |
|
|
خيارات الموضوع | طريقة العرض |
|
#1
15-02-2005
|
||||
|
||||
الناى والعفريت والصياد
أحذر من اوجاعك ......وحاسب لها
أحذر على رأسك.....من حبلها راح تنتهى الاحزان......رأح تنتهى مش أنتهت ...أحزان ....من قبلها ********** يأسك ....وصبرك.....بين ضلوعك...وانت حر تيأس ما تيأس......الحياة راح تمر أنا الصياد ...أكلت من دة و دة ....عجبى لقيت الصبر مر.......وبرضك اليأس مر ********** طول الوقت بنصحك لما صوتى......اتنبح ماتخفش من جنى ولا حتى من .....شبح وأن طلع عليك عفريت قتيل اسألة مادفعش لية عن نفسة يوم ما اندبح ********** منين أجبها كلمة متألمة لعبية حايرة و مصممة منين اجيب كلمة بنت مصر تشفى اللى ما شفهوش كلام السما ********** عينى رأت من بعيد الامل روحت اجرى علية وقلبى اعتمل لقيت الامل كداب ... كان سراب رجعت ابحث عليها جايز ....محتمل ********** يا ميت ندامة ع القلوب ...الخلا لا محبة فيها ....ولاكرة....ولا حتى ياقلبى الحزن ماعدش فيك معلهش .....لك يوم برضة رأح ...تتملا ********** يا صاحبى كمل لعبك على الناى طلع اللحن الحزين من جواى صدقنى مش هبطل لعب صوت الناى عندى احلى من الشاى ********** الناس عايزة معجزة ...من عند الالة ميت يقوم...اعمى يفتح ...والعقل يفتح مداة صدقنى لو حتى نزل المسيح وشفى الاعمى والابرص....مافى فايدة فى قلب ...ميت الحياة ********** لو انضنيت ....وفنيت وعمرى انفرط مش عاوز الجأ للحلول .....الوسط وكمان شطط وجنون مانيش عاوز يامين يقول لى ....الصح فين والغلط؟ ********** أوصيكم يابتوع المنتدى بالقمر والزهور اوصيكم بليل القاهرة الجميل المسحور وان جيت فى بالكم ....اشتروا عقد فل لآى سمرا......وقبرى اوعاكم تزور ************* تحياتى صائد الذباب 
|
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
|
|
النمط الخطي
