تم صيانة المنتدي*** لا تغير فى سياسه من سياسات المنتدى اكتب ما تريد لان هذا حقك فى الكتابه عبر عن نفسك هذه ارائك الشخصيه ونحن هنا لاظهارها
جارى تحميل صندوق البحث لمنتدى الاقباط

العودة   منتدي منظمة أقباط الولايات المتحدة > المنتدى العربى > المنتدى العام
التّسجيل الأسئلة الشائعة التقويم جعل جميع المنتديات مقروءة

المنتدى العام يهتم هذا القسم بالأخبار العامه

 
 
خيارات الموضوع طريقة العرض
Prev المشاركة السابقة   المشاركة التالية Next
  #1  
قديم 12-05-2008
مصر وردة الروح مصر وردة الروح غير متصل
Registered User
 
تاريخ التّسجيل: May 2008
المشاركات: 6
مصر وردة الروح is on a distinguished road
حرام عليكم ما تولعوش فيها

لله يا مصر

لله يا مصر يا وردة الروح
نحلم نيجي يوم عطر الحب يفوح

شوارع و حكايات تضحك في العينين
و ندفا ساعات في قلبك الحنين
و انتي خمسة عليك من الحسد محروسة
و احنا بين ايديكي نحلم بيكي عروسة

تنام بيوت الناس مفتوحة البيبان
و على ايه الحراس على القلب المطمان
و نقدر من غير حشمة نقول رأينا في عينيك
من غير ما نخاف منك و لا نخاف عليك

و تتجمع القلوب لا غربة و لا فرقة
و لا دخان حروب تحت سمانا الزرقة
و اللي عنده حمامة بحبة قمح و ترضى
و اللي عنده منامة يحققها في اليقظة

و نصرخ بالمدى بالكلمة الهدارة
دم الشهداء ما راحش خسارة
مهما عشنا و شوفنا
خفنا و اتخالفنا
بحبك بعد غياب رجعنا احباب

و نشوف على بابك الغيمة تتجلى
و من حبة ترابك نلبس احلى حلة

انا قلت ابدأ كلامي بالقصيدة الجزائرية دي اللي انا اقتبستها و خليتها على مصر لانها الصراحة عجبتني اوي .
انا كنت عايز اعرف الناس حاجة من غير ما يعرفوا انا مسيحي و لا مسلم كل واحد مريحاه دماغه المسيحي في اعتقاده ان المسيح اتصلب عشان يخلص الناس من ذنب الخطية الاولى و كمان معتقدين ان الذبيح هو اسحق و عندهم ادلتهم على كده من كتابهم المقدس و كمان من المنطق و العقل و عرضوا الكلام دا لعل ان فيه حد من ديانة تانية ربنا يهديه الى الحق كما يعتقد المسيحيين و هو دا الصح اللي عايز يصدق يصدق و اللي مش عايز هو حر و المسلمين سواء في المنتدى دا او غيره من المنتديات الاسلامية معتقدين عكس المسيحيين تماما من ناحية ان المسيح ما اتصلبش و انه نبي مش ابن الرب و كمان تكاد تكون شخصية عيسى اللي بيتكلم عليها المسلمين لا يؤمن بها العقل المسيحي حسب معتقداته و كمان معتقدين ان الذبيح هو اسماعيل جد نبيهم محمد اللي هم بيقولوا انه خاتم النبيين و مافيش نبي هاييجي بعده و كمان معتقدين ان القران هو كتاب ربنا و فيه معجزات تدل على كده و عندهم ما يثبت ذلك من كتابهم و من العقل و المنطق و كمان عرضوا الكلام دا لعل حد ربنا يهديه للحق حسب معتقدهم و دا لا غبار عليه
لكن ايه المشكلة بقى اللي هاتولع في مصر و المصريين المشكلة هي المتشددين من الجانبين زي مثلا المسيحي المتشدد اللي بيقول ان مصر لازم يجرى ليها زي ما جرى في اسبانيا من تنصير للمسلمين قهرا و رجوع مصر مسيحية تاني و كمان المتشدد المسلم زي الحويني و امثاله اللي ممكن يكره المسلم في نفسه و اهله و صحابه اللي بيقول ان المسيحيين لازم يعيشوا في مصر اذلاء الصراحة الاتنين مجانين لان حالة مصر تختلف عن حالة اسبانيا و مش دا المجال اللي نقول فيه الاختلاف ايه و كمان الاهبل التاني المسلم اللي عايز يعيش المسيحيين اذلاء ازاي و هم السلالة النقية المصرية الباقية حتى الان؟ و هم اصحاب الارض ان جاز التعبير رغم ان مصر ارض الكل مسلم كان او مسيحي لكن انا اقصد ان المسيحيين موجودين قبل المسلمين فيها حتى و ان اعتقد المسلمين ان مسيحيو مصر اسلموا و لم تتم اسلمتهم حسب معتقد المسيحيين لكن الاهم من كده ان المسيحيين فاكرين ان المسلمين لما احتلوا مصر كانوا بيخلوا الناس تسلم بالعافية و عيشوا المسيحيين اذلاء و نهبوا خيرات مصر برضه هم حرين في رأيهم و المسلمين فاكرين ان لما المسلمين فتحوا مصر كانوا رحماء بالمصريين و خلصوهم من ذل الرومان و لما المسيحيين لقوا الرحمة في كده و في الدين دا تركوا دينهم و دخلوا الاسلام و اصبح عدد المسلمين اكتر من المسيحيين في وقتنا دا و كمان هم حرين في رأيهم
و انا هنا احب اقول للمسيحيين حاجة: انتم اكيد بتحبوا مصر اكتر من المسلمين حسب اعتقادكم و نفسكم تاخدوا حريتكم كاملة في مصر صح؟ و بتقولوا ان المسلمين احتلوا مصر و لازم يخرجوا طيب انا هاسألكم سؤال ايه ذنب المسلمين الحاليين في مصر من ذنب اجدادهم اللي احتلوا مصر حسب اعتقادكم؟
و كمان احب اوجه سؤال للمسلمين ايه ذنب المسيحي اللي مش عايز يسلم؟ ياخي هو حر هو اللي هايتحاسب مش انت و كمان هو ادامه كل حاجة يختار اللي هو عايزه و اظن هو ليه عقل زيك تمام
انا بس احب اوضح شوية نقط في كلامي و هي دي الخلاصة
طول عمرنا عايشين مع بعض سواء اجداد المسلمين غلطوا او لا حسب رأي المسيحيين او حسب رأي المسلمين انهم مصريين اجدادهم الفراعنة المهم اننا دلوقت بنحب بعض حتى لو بالظاهر مش انتم يا مسلمين بتقولوا انكم ليكم الظاهر و ان كان نبيكم محمد كان بيعامل المنافقين على انهم مسلمين لان دا هو الظاهر منهم و كمان اظن من المسيحيين انهم عمرهم ما يبادلوا حد بيعاملهم حلو بغير كده و انا متأكد من الكلام دا كويس و طبعا الكلام دا بعيد عن رأي المتشددين من الجانبين
تالت حاجة بقى و دي هي اللي هاتولع فعلا في مصر و هي الاساءة للرموز الدينية و احب اوضح حاجة هنا للمسيحيين ان لما مثلا المسلمين بيقولوا المسيح ابن مريم كده مش بيشتموه و لا حاجه دا بالنسبة ليهم تعظيم ليه و مش دا مجال الشرح ليه لكن لما المسيحيين بيقولوا محمد ابن امنة دي اساءة للمسلمين انا بس عايز اوصل حاجة للاتنين ان الواحد يعرف ان دي اساءة لما يعرف قصد و نية التاني بيقولها ليه ؟و كمان عايز الناس تاخد الموضوع ببساطة المسيحيين ما يزعلوش من المسيح ابن مريم لانهم بيقولوا و معتقدين ان شخصية المسيح الاسلامية مش هي المسيحية حسب الاعتقاد و كمان المسلمين ما يزعلوش لما المسيحيين يقولوا محمد ابن امنة لانه فعلا ابن امنة و لا دا غلط و لا امنة كانت ست مش كويسة في نظر المسلمين؟ دا قصدي اننا ما نقفش لبعض على الواحدة لاننا بنحب بعض و دا رأيي الخاص
اخر حاجة بقى خلينا نتحد تاني زي ما اتحدنا في الازمات ايام الثورة و حرب اكتوبر لان احنا دلوقت في محن اشد من الاحتلال الانجليزي و نكسة 67 احنا الشعب المصري الناس مش لاقية تاكل و دا مش مبالغة دا حقيقة الاول الناس ما كانتش لاقية وظايف و بعدين مش لاقية جواز و قلنا ماشي لكن دلوقت و الله العظيم ما حنا لاقيين ناكل و خلينا كل الناس تتحكم فينا امريكا من ناحية بسبب المعونة و الدول الخليجية اللي بيكرهونا اكتر من اسرائيل فعلا و انا عشت هناك و شوفت من ناحية تانية
احنا المصريين بناة الاهرام قاهري الهكسوس و الرومان قاهري اسرائيل دايما ان شاء الله لازم نقهر الجهل و الفقر و المرض و ييجي اليوم اللي الناس تقول فيه مشكلة في ارتفاع سعر الايس كريم مش ماحناش لاقيين العيش
عندنا موارد و عقول و ناس محترمة كتير و زي ما واحد مسيحي قالي قبل كده لو بس الناس تشيل موضوع الدين دا من دماغهم و يخلوه في قلبهم بس مصر تبقى جنة
ادعوا معايا مسلمين و مسيحيين كل حسب طريقته يا رب ادحض المتشددين حتى لو كانوا على ديانتي يا رب رجع خير مصر لولادها مش للي خانوها و لما ندعي بقلب صافي انا متأكد ان ربنا هايستجيب
عشتي يا مصر جميلة و حرة و ان شاء الله لازم ييجي يوم عطر الحب يفوح
A TOT ALLIEUR MES FRERES CHRISTIANS ET MUSLIMS
الرد مع إقتباس
 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح

الإنتقال السريع


جميع الأوقات بتوقيت امريكا. الساعة الآن » 03:23 PM.


Powered by: vBulletin Version 3.8.6
Copyright ©2000 - 2024, Jelsoft Enterprises Ltd.

تـعـريب » منتدي الاقباط