تم صيانة المنتدي*** لا تغير فى سياسه من سياسات المنتدى اكتب ما تريد لان هذا حقك فى الكتابه عبر عن نفسك هذه ارائك الشخصيه ونحن هنا لاظهارها
جارى تحميل صندوق البحث لمنتدى الاقباط

العودة   منتدي منظمة أقباط الولايات المتحدة > المنتدى العربى > منتدى العلوم والتكنولوجيا
التّسجيل الأسئلة الشائعة التقويم جعل جميع المنتديات مقروءة

منتدى العلوم والتكنولوجيا يهتم هذا القسم بالانترنت و بالبرمجة والكمبيوتر و الموبايلات,معلومات عامة ..إستشارات ..كل ما هو جديد بالتكنولوجيا .....الخ

المشاركة في الموضوع
 
خيارات الموضوع طريقة العرض
  #31  
قديم 01-09-2007
samozin samozin غير متصل
Silver User
 
تاريخ التّسجيل: Dec 2004
المشاركات: 627
samozin is on a distinguished road
من مدة عشرة ايام مضت والشبكه تقريبا شبه متوقفه فى شركة لينك
يعنى مايديلكشى نت أكتر من 4 ساعات فى اليوم وبسرعه تعبانه قوى
أرجو ألا تكون خطوه مقصوده من الشركه للتخلص من ألمشتركين ألقدامى
__________________
samozin
الرد مع إقتباس
  #32  
قديم 01-09-2007
الصورة الرمزية لـ just_jo
just_jo just_jo غير متصل
Moderator
 
تاريخ التّسجيل: Oct 2003
الإقامة: الهرم الاكبر
المشاركات: 2,043
just_jo is on a distinguished road
متجبليش سيرة الشركة الحكومية سالفة الذكر "لنك دوت نت"

الشركة دى انا كنت مشترك فيها والنت كانت بتقطع باليومين ثم ترجع تقطع

و السرعة كانت شوية عالى و شوية واطى لما جبتلى الضغط

لذلك انا بنصح الناس ميشتركوش فيها ابداً

حتى خدمة العملاء عندهم زبالة كأى قطاع حكومى

وكمان كلمتين فى سرك انا اعرف صديق شغال فى خدمة العملاء
قالى ان العيب اللى بيخلى كفائة الخط زبالة هو ان الشركة بتركب اكتر من 4000 خط لكل سنترال ودة فوق المعدل العالمى 3000 خط فقط

المهم رداً على سؤالك مش ممكن يطفشوا الزبائن
بالطريقة دى هيخسرو كتير بالطريقة دى........ انت المشكلة عندك عيب فى السنترال اتصل بالشركة و هما المفروض يكشفوا على خطك فى السنترال زى ما عملوا معايا فى شركة IM
فى نفس اليوم كان الكشف شغال على خطى و بيتصلوا بيا يطمأنوا و لما ملؤش حل

غيرولى الدسلمات من عندى بواحد جديد سرعتى رجعت تانى زى الفل
الرد مع إقتباس
  #33  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
انا مشترك في شركة TEData وخدمة العملاء ممتاذه - هما بس احيانا ميردوش بسرعه على التليفون - ويديلك رساله مسجله وموسيقى لغاية ما انت تطفش وتقفل السكه - لكن لو طولت بالك شويه وفضلت مستني لغاية ما حد يرد عليك هتلاقي استجابه للحل.
وبعدين لو اي حد عايز يعرف الشركه اللى مشترك فيها بتضحك عليه ولا لأ - يعمل هذا الاختبار من محرك الدوس
C:\Documents and settings\steven\tracert www.yahoo.com

سيحصل على معلومات مرقمه
السطر الثاني سيكون هكذا 2 54ms 43ms 39ms GZAR001 مثلا
الرقم 54 لو زاد عن 60 يبقى الشركه لم تعطيك السرعه التي انت متفق عليها.... وفي هذه الحاله لا بد ان تتصل بالشركه المزوده للخدمة وتقول لهم انا عملت الامر tracert والرقم كان اكتر من 60 مللي ثانيه وبكدا هيعرفوا انك فاهم بتعمل ايه - طبعا هيفضل يقولك شوف يمكن السلك مقطوع او قديم ... قله لا كل حاجه جديده عندنا ... احيانا المهندس بيكون رخم يقولك افصل التليفونات اللي في البيت كلها وخللي خط الـ ADSL بس اللي شغال (وعلى فكرة دا رأي صح بالذات لو فيه تليفون خربان عندك او صناعه رديئة ممكن يشوشر على اشارة النت - لذلك لاختبار السرعة الحقيقيه لا بد من فصل جميع تليفونات البيت ثم ملاحظة سرعة النت - إذا كانت السرعه ممتازه بدون تليفونات ... يبقى سعادتك تبدأ تشغل تليفون وتشوف السرعه قلت ولا لأ إذا كان هناك بطئ ملحوظ او مفيش نت خالص يعني الاشارة بتاعت النت قطعت يبقى امامك حلين - 1 إما انك تجيب فلتر لتنقية ارسال هذا التليفون وهذا الفلتر يباع في راديو شاك بمبلغ 28 جنيه - 2 إذا لم يصلح الحل 1 يبقي لازم تستغني عن هذا التليفون) طبعا هتقوله أحنا جربنا النت بدون تليفونات خالص لكن السرعه لاي صفحه بطيئة - طبعا سلك التليفون لا يجب وصله بالطرق العاديه يعني لما توصله بشريط لحام ده بيأثر على سرعة ال DSL لكن يجب استخدام الوصلات الجاهزة - كمان انصح بأن يكون خط النت واخد من السلك اللي جاي من الشارع مباشرة - يفضل ان تركب على كل جهاز تليفون راكب عندك في الشقه يجب تركيب فلتر حتى يمنع بعض الشوشرة التي تصدر من التليفون وهو ما يسبب بطئ الانترنت.بخصوص الاشتراكات - شركة TEData عامله عرض الان اللي يدفع ثلاثة شهور 3 * 95 سوف ياخذ شهر ذياده يعني الشهر هيكون بـ 71 جنيه وربع ولك مطلق الحريه في ال دون لود
شئ مهم احب اقوله مثلا لو إنسان بيعمل دون لود من رابيد شير ... هذا الموقع بيطلب فترة انتظار بين تحميل وتحميل (طبعا للي ذي حلاتنا اللي بيستخدموا الـ free دون لود) للتغلب علي فترة الانتظار اعمل ريستارت للروتر وانتظر شوية ثوان قبل تشغيله مرة اخرى - في هذه الحاله ستأخذ IP جديد وهتحمل مرة اخرى بدون انتظار.
ملحوظه أخيره : سرعة الدون لود في احسن حالاتها لا تزيد عن 30 كيلوبايت في الثانيه بشرط ان تكون بتنزل من موقع محترم مثل ميكروسوفت مثلا - لكن لو الموقع اللي انت بتنزل منه ردئ سوف يؤثر ذلك على سرعة الدون لون وتصبح الشركه المزوده للخدمة بريئة في هذه الحالة.
تحياتي
الرد مع إقتباس
  #34  
قديم 01-09-2007
sky sky غير متصل
Gold User
 
تاريخ التّسجيل: Apr 2006
الإقامة: انهارده هنا وبكره مع يسوع
المشاركات: 988
sky is on a distinguished road
رائع يا ستيفن ... الف شكر ليك علي المعلومات الهايلة دي ... انا بجد معنديش فكرة عن اي حاجة في النت غير اني اقلب في صفحاته بس ... بس باين كده وعلي ايدين اعضاء المنتدي خير اللهم اجعله خير .. هابتدي افهم
الرد مع إقتباس
  #35  
قديم 01-09-2007
الصورة الرمزية لـ just_jo
just_jo just_jo غير متصل
Moderator
 
تاريخ التّسجيل: Oct 2003
الإقامة: الهرم الاكبر
المشاركات: 2,043
just_jo is on a distinguished road
بقولك اية يا ستيفن هو شركة TE Data
طبقت النظام الجديد و لا لسة

حاكم انا كنت هموت و اشترك معاهم بس لما كلمت خدمة العملاء
قالولى مش هتقدر تشترك بعد شهر بالنظام القديم
ابو 95 جنية؟

لذلك فضلت مع شركة IM التعبانة اللى اخر سرعتها 28 كيلو بس ثابتة 24 ساعة و بس عيبها مبتزودش عن كدة

فزى ما قلتلك فضلت مع عقد شركة IM
عشان اكدولى ان هما مش هيطبقوا اى حاجة من كلام الوزير

و كمان انا خفت اسبهم يخدوا وقت فى شيل الدسلمات من السنترال

و ملحقش اشترك بالنظام القديم مع اى شركة....مجبر اخاك لا بطل


++++++++فياريت تجاوبنى عن التالى+++++++++++

1-ما هى السرعة الثابتة لشركة TE DATA فى التحميل و ما هى السرعة القصوى فى الاوقات الرايقة مثل الليل مثلا و هل السرعة ثابتة ام فى طلوع و هبوط

2-هل لازم اطبق النظام الجديد اللى الجيجا ب8 جنية عشان اشترك من الان او بعد شهرين من الان عند انتهاء عقدى

3-هل فعلا عند دفع 3 شهور و هو ما افعلة مع شركتى الحالية بتاخد شهر مجاناً
دى تبقى مفاجأة و لازم اغير لشركتك بس بالنظام ابو 95 جنية و ليس النظام الحديث

4- هل تحجب الشركة مواقع معينة مثل مواقع الاقباط الامريكان

دمت فى سلام.....و مستنى اجابتك يا كنج
الرد مع إقتباس
  #36  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
الاخ Just Jo
1- سرعة التنزيل ثابته وهي تتأرجح بين 28 كيلوبايت/ثانيه و 30 كيلوبايت/ثانيه
2- الشركه لا تحجب مواقع وارجو أن تكتب لي عنوان محجوب عندك وانا اجربه عندي ...لكن إلى الان لا لم أشعر ان هناك مواقع محجوبه.
3- انا سألتهم من حوالي شهر عن كلام الوزير - قالوا لي ان شركة TEData سوف يكون فيها نظامان - النظام القديم يعن 95 جنيه في الشهر - والنظام الجديد الذي تتحدث عنه الصحف وللعميل الاختيار بين النظامين.
ايضا قال لي المسئول بالشركه انني إذا دفعت ثلاثة اشهر دفعة واحده سوف يعطوني شهر زياده ...لكن للاسف وقتها لم يكن معي فلوس ... لكنني سافعل هذه المره.
سألتي حضرتك في مره سابقه عن keygen الفيستا الذي وضعته انا في المنتدى ...وانتظرت انا تعقيبك - لكن يبدو أن حضرتك نسيت.
تحياتي
الرد مع إقتباس
  #37  
قديم 01-09-2007
الصورة الرمزية لـ just_jo
just_jo just_jo غير متصل
Moderator
 
تاريخ التّسجيل: Oct 2003
الإقامة: الهرم الاكبر
المشاركات: 2,043
just_jo is on a distinguished road
بص يا سيدى جرب المواقع دى كدة هل محجوبة؟؟؟
www.amcoptic.com
موقع اقباط امريكا
www.accessdiver.com
موقع لبرنامج ضرب المواقع الشهير "المفضل لدى"

و هل النت بتوصل ل30 كيلو على برنامج مستقر مش برنامج غير مستقر يعمل على HTTP
مثل Internet Download Manager

لا انا عاوز التجربة على برنامج مستقر زى MassDownloader
او Download Accelorator Plus
هل بتوصل لل30 فعلا و هل هى ثابتة عند 29 مثلا فى كثير من الاوقات؟؟؟

انا هرد على موضوع الkeygenerator
دلوقتى بس كنت محرج اكتب الاجابة :(

الرد مع إقتباس
  #38  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
إقتباس:
المشاركة الأصلية بواسطة just_jo مشاهدة مشاركة
بص يا سيدى جرب المواقع دى كدة هل محجوبة؟؟؟
www.amcoptic.com
موقع اقباط امريكا
www.accessdiver.com
موقع لبرنامج ضرب المواقع الشهير "المفضل لدى"

و هل النت بتوصل ل30 كيلو على برنامج مستقر مش برنامج غير مستقر يعمل على HTTP
مثل Internet Download Manager

لا انا عاوز التجربة على برنامج مستقر زى MassDownloader
او Download Accelorator Plus
هل بتوصل لل30 فعلا و هل هى ثابتة عند 29 مثلا فى كثير من الاوقات؟؟؟

انا هرد على موضوع الkeygenerator
دلوقتى بس كنت محرج اكتب الاجابة :(

دخلت علي الموقعين اللي حضرتك كتبتهم بسرعة شديده.
ارجو الا تحرج من كتابة أي تعليق لاني مش انا اللي عامل البرنامج أو الكراك - انا فرحت لما وجدته في أحد المواقع - وبسرعه احضرته هنا للفائده - بس خلاص LOL
الرد مع إقتباس
  #39  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
انا لا استخدم mass Downloader ولا استخدم Download acc
لكني استخدم
Internet DownLoad manager
تحياتي
الرد مع إقتباس
  #40  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
انا قلت ان السرعه ثابته في جميع الاوقات عند الارقام 27 او 28 او 29 او 30 واحيانا بتوصل 32 بس لفتره قليله.
الرد مع إقتباس
  #41  
قديم 01-09-2007
الصورة الرمزية لـ just_jo
just_jo just_jo غير متصل
Moderator
 
تاريخ التّسجيل: Oct 2003
الإقامة: الهرم الاكبر
المشاركات: 2,043
just_jo is on a distinguished road
يا استاذ ستيفن .......ما انا عارف اللى بيعملة Internet DownLoad manager

بيعلى و يوطى زى المجنون عشان كدة انا قلت علية مش مستقر!!!

يا ريت تجيب اى برنامج من اللى انا كاتبهم و بعدين تحمل ملف لمدة 3 دقائق فقط
و نشوف السرعة ثابتة على اية الحكاية دى مش هتكلفك وقت كتير

لان انا مبحددش السرعة ببرنامج غير مستقر زى Internet DownLoad manager
عشان البرنامج دة مزبزب حسب قوة الجهاز و الرامات يديك شغل و لو مشغل برنامج جمبة اى ان كان هذا البرنامج تلاقى الدونلود وطى و بعدين تدوس علية يعلى فلذلك انا لا اثق فى حكمة

آخر تعديل بواسطة just_jo ، 01-09-2007 الساعة 10:04 AM
الرد مع إقتباس
  #42  
قديم 01-09-2007
sky sky غير متصل
Gold User
 
تاريخ التّسجيل: Apr 2006
الإقامة: انهارده هنا وبكره مع يسوع
المشاركات: 988
sky is on a distinguished road
إقتباس:
شركة TEData عامله عرض الان اللي يدفع ثلاثة شهور 3 * 95 سوف ياخذ شهر ذياده يعني الشهر هيكون بـ 71 جنيه وربع ولك مطلق الحريه في ال دون لود
انا سألت انهاردة في TEDataوللأسف العرض ده خلص من خمسة ايام ... العرض الجاي بقي وعليكوا خير
الرد مع إقتباس
  #43  
قديم 01-09-2007
steven steven غير متصل
Gold User
 
تاريخ التّسجيل: Jan 2005
الإقامة: غريب انا في الارض فلا تخفي عني وصاياك
المشاركات: 1,037
steven is on a distinguished road
عشان خاطرك يا اخ Just Jo انا مسحت برنامج Internet Download Manager وثبت مكانه Mass Download ونزلت به برنامج الساعه عشرة ونصف مساء تقريبا وكانت السرعه 27.5 كيلوبايت/ثانية.
الرد مع إقتباس
  #44  
قديم 01-09-2007
الصورة الرمزية لـ just_jo
just_jo just_jo غير متصل
Moderator
 
تاريخ التّسجيل: Oct 2003
الإقامة: الهرم الاكبر
المشاركات: 2,043
just_jo is on a distinguished road
و مسحتوا لية بس .......انا مشغل الاتنين مع بعض لو حصل عكوسات بقفل واحد و شغل واحد

على العموم مشكور حبيبى على تعبك

الرد مع إقتباس
  #45  
قديم 02-09-2007
الصورة الرمزية لـ abomeret
abomeret abomeret غير متصل
Moderator
 
تاريخ التّسجيل: Dec 2004
المشاركات: 2,345
abomeret is on a distinguished road
معركة وزارة الاتصالات مع الوصلات غير الشرعية تتحول الي حرب «طواحين هواء»

كتب محمد مجاهد ٢/٩/٢٠٠٧
تحولت وصلات الإنترنت غير الشرعية إلي «طواحين هواء» انبرت وزارة الاتصالات وتكنولوجيا المعلومات في محاربتها علي مدي الشهرين الماضيين عبر إجراءات وقائية استهدفت خفض أسعار الخدمة طمعا في دخول عدد من المستخدمين «المتمردين» من ذوي الوصلات إلي حظيرة الاشتراك الشرعي.

ويسود السوق الآن حالة من الترقب انتظارا لما سيسفر عنه التطبيق العملي لمبادرة الإنترنت السريع ADSL بداية من سبتمبر الجاري، وعلي الرغم من أن الدكتور طارق كامل وزير الاتصالات يراهن علي أن عددا كبيرا من مشتركي الوصلات غير الشرعية سيتجهون نحو التعاقد مع الشركات المقدمة للخدمة وفق التخفيضات الاخيرة التي وصلت الي ٤٥ جنيها لسرعة ٢٥٦ كيلو بايت مقابل ٩٥ جنيها وفق معايير المبادرة القديمة، والتي ستعمل جنبا إلي جنب مع المبادرة الجديدة، فإن جميع المؤشرات ترجح صعوبة تحقق ذلك علي اعتبار أن أغلب مشتركي الوصلات لم يكونوا من مستخدمي سرعة ٢٥٦ لأنها سرعة محدودة للغاية،

حيث كان مد وصله منها يقتصر علي اثنين من المشتركين علي أقصي تقدير في الوقت الذي كان التركيز فيه علي سرعات ١ ميجا بايت أو ٢ ميجا بايت والمستخدمة في مقاهي الإنترنت مد «سلكة» منها إلي المناطق المجاورة لأكثر من ٢٠ مشتركا مثلما يشير المهندس طلعت عمر مدير عام شبكة المعلومات السابق بالشركة المصرية للاتصالات الذي أكد أن المبادرة الجديدة للإنترنت سوف تنشط عمليات مد الوصلات لا العكس،

وأنها ستتضاعف بالتزامن مع إطلاق المبادرة الجديدة بشكل عملي متوقعا ألا يتقدم عدد كبير من المستخدمين للتعاقد بالنظام الجديد، لأنه لا يتوافق مع رغبات الجمهور في مصر بسبب قصر حجم التحميل علي ٢ جيجا بايت شهريا مع سداد ١٠ جنيهات عن كل ١ جيجا بايت إضافية بجانب الغموض في النظام المحاسبي لان اي مستخدم لن يستطيع ان يتحكم في عمليات التحميل وسيكون من الصعب عليه حساب حجم التحميل وما إذا كان تجاوز ٢ جيجا من عدمه.

وقال إن الاختبار الحقيقي سوف يرتبط بانتشار "المودم" اللاسلكي الذي ينتشر الان بشكل كبير في المناطق الريفية مقابل ١٥ جنيها شهريا وهو ما يعني عدم وجود "سلكة" مرئية للجهات الرقابية إن وجدت.

يأتي هذا في الوقت الذي انطلقت حملات المقاطعة علي الانترنت تبناها بعض المستخدمين وشنوا هجوما ضاريا علي قيادات الوزارة منذ الاعلان عن المبادرة ومازالت مستمرة حتي الوقت الحالي ورفعت شعار «مش جايب» في إشارة الي مقاطعة الانترنت بالنظام الجديد، ودشن بعض المستخدمين مواقع إلكترونية لتنظيم عمليات المقاطعة والرفض للمبادرة الجديدة التي يبدو ان وزارة الاتصالات اختارت توقيتا غير مناسب للإعلان عنها فقد تسبب إشهارها مطلع يوليو الماضي في إصابة السوق بالشلل المؤقت، رغم أن الموسم الصيفي من أكثر الأوقات إقبالا علي استخدام الإنترنت بسبب الإجازات، وفق ما أوضح أحد المصادر الذي أكد أيضا أنه كان من الأفضل تأجيل تلك المبادرة إلي وقت آخر مناسب.

وفي ذات السياق فإن مقاهي الإنترنت التي تم تأجيل البت في موقفها إلي يوم الأربعاء الماضي أي قبل تفعيل المبادرة بساعات قليلة تنتظر إجراءات أكثر «سخاء» نحوها لتشجعها علي الكف عن مد الوصلات غير الشرعية، مثلما يؤكد أحد أصحاب المقاهي بجاردن سيتي، حيث أكد أن الموقف بالنسبة لهم بات غامضا، مشيرا إلي أنهم سيستمرون بالأنظمة الحالية، وقد يلجأون لأي نظام أفضل يتم طرحه من قبل الشركات يحقق لهم أرباحا تغنيهم عن مد الوصلات للمناطق المجاورة، والأمر الآن أصبح في يد الشركات بعد أن أطلق جهاز تنظيم الخدمات يدها في التعامل مع مقاهي الإنترنت بالشكل الذي تراه مناسبا.

ويشار هنا إلي أن شركات الإنترنت سوف تصطدم بأزمة أخري عند أي تعاقد بينها وبين أي من مقاهي الإنترنت بسبب عدم وجود أي مستند يثبت أن المتقدم للتعاقد معها من مالكي مقاهي الإنترنت أو مستخدم عادي، وهو ما سيدفع الشركات قطعا إلي تقديم عروض ترويجية تناسب المستخدم العادي وأصحاب المقاهي في ذات الوقت، مثلما أكد المهندس عماد الأزهري العضو المنتدب للشركة المصرية لنقل البيانات «تي إيه داتا» بما يعني أن المقاهي لن يكون لها أي مميزات إضافية عن المشترك العادي.

بينما يري الدكتور أحمد الشربيني عميد معهد الاتصالات أن ما توصلت إليه وزارة الاتصالات لمواجهة ظاهرة الوصلات العشوائية ليس أفضل الحلول، مشيراً إلي أن كل شيء قابل للتعديل وقد تظهر مستقبلا حلول أفضل للقضاء علي تلك الوصلات بشكل نهائي.

وقال إن المبادرة يمكن تعديلها إجمالا إذا ثبت عدم نجاحها مؤكدا أن جهاز تنظيم الاتصالات يمتلك حق الضبطية القضائية، لكنه آثر عدم استخدامها ضد مستخدمي الوصلات سوي بعد إقرار تخفيضات علي الأسعار تشجع الجميع علي الالتزام.

وتابع أن هناك فترة انتقالية سيمنحها جهاز تنظيم الاتصالات وفي حالة استمرار تلك الوصلات سيتم اللجوء للملاحقات الأمنية متوقعا أن تزيد هوامش أرباح شركات الإنترنت بعد تطبيق المبادرة الجديدة، لكن بشرط أن تنجح تلك الشركات في اجتذاب مزيد من العملاء تمكنها من تغطية تكلفتها الثابتة.

فيما اعتبر المهندس كريم بشارة رئيس مجلس إدارة شركة «لينك دوت نت» المبادرة خطوة علي الطريق الصحيح معترفا بوجود عائق كبير يتعلق بمقاهي الإنترنت، حيث لا يوجد ما يثبت ما إذا كانت تمارس نشاطها كـ «سايبر كافيه» أو كمشترك عادي، مشيرا إلي اعتقاده بأن وزارة الاتصالات مازالت تدرس هذا الموضوع.

وتوقع بشارة أن تنخفض هوامش أرباح شركات الإنترنت مع التخفيضات التي تم إقرارها خاصة أنه أكد أن المؤشرات التي لديه تقول إن عدد الأفراد من أصحاب الوصلات الذين قد ينضمون للإطار الشرعي لن يتجاوز ٢٥% من إجمالي مستخدمي الوصلات علي أقصي تقدير.

وأكد أن الوصلات غير الشرعية دمرت شركات الإنترنت، رغم أن هذا الأمر لو أنه يحدث في أوروبا أو الولايات المتحدة لكان هناك إجراءات رادعة مختلفة عما يحدث في مصر، مشيرا إلي أن إعادة هيكلة المبادرة ليست حلا قاطعا لمشاكل الوصلات والشركات، لكنها مجرد بداية نتمني أن تثبت نجاحها وأن يكون هناك مرونة كافية لتعديلها في حالة فشلها مبكرا.

وتجدر الإشارة هنا إلي عدم وجود أي إحصاءات دقيقة بشأن عدد مستخدمي الإنترنت الحقيقيين أو عدد مستخدمي الوصلات بشكل دقيق في مصر، رغم أن بعض الجهات الحكومية تؤكد أن أعداد جميع المستخدمين تتجاوز ٦ ملايين مشترك بمن فيهم مشتركو الوصلات غير الشرعية في حين أن هذا العدد لن يتجاوز ٥٠٠ ألف مشترك من دون مشتركي الوصلات مثلما قال الدكتور طارق كامل، حيث شدد علي أن تدني هذا الرقم تسبب في خفض ترتيب مصر في العديد من التقارير الدولية المعنية بقياس مدي نشر خدمات الاتصالات وتكنولوجيا المعلومات علي مستوي دول العالم.

http://www.almasry-alyoum.com/articl...rticleID=74660
الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح

الإنتقال السريع


جميع الأوقات بتوقيت امريكا. الساعة الآن » 09:24 AM.


Powered by: vBulletin Version 3.8.6
Copyright ©2000 - 2024, Jelsoft Enterprises Ltd.

تـعـريب » منتدي الاقباط