مدينة النور .. أسيوط .. و يتجدد الظهور 2007

[para`o]

ليست دعابة ثقيلة و لا مزحة و لا حتى تهويل
نعم بدأ موسم الظهورات النورانية من جديد فى أسيوط
و فى نفس المكان و الزمان و الحدث
المكان : كاتدرائية رئيس الملاءكة ميخائيل- مقر المطارن فى شارع النميس مدينة أسيوط
الزمان : شهر برمهات / مارس فترة الصوم المقدس
الحدث : انوار سمائية تشرق فى أثناء قداسات التاسعة فى الكنيسة الأرضية
----
أيوة تمام زى ما حصل السنة اللى فاتت بس الظهورات بدرت شوية السنة اللى فاتت بدات يوم 29 مارس 2006 و صاحبها ظهورات ليلية " بسيطة " على المنارات مصحوبة بظهور السيدة العذراء على المنارة و أستمرت لبضعة أيام
أنتهت بمنع الظهورات من قبل نيافة الانبا ميخائيل المطران السائح بعد أن أدت الظهورات إلى سد الشارع " فى وسط البلد" و تجمهر ألاف المسيحيين حول الكنيسة كل ليلة بصياح و ترتيل شديد و الكنيسة ملاصقة لجامع ناصر أكبر جوامع أسيوط "اللى بيصلى فيه المحافظ" و ملحقاته من مقر منطقة الوعظ و الأرشاد التابعة للازهر

[para`o]

اهالى أسيوط و قد اعتادوا الامر يتعاملون مع الموقف بنوع من البرود فالامر لم يعد غريبا بالنسبة لهم و رغم ازدحام الكنيسة محل الظهورات اثناء القداس إلا أن الشعب لا يتهافت على الامر كما كان عام 2000 عند بداية الظهورات مع أسيوط
و البعض يمزح قائلا " اللى مش هيشوف الظهور السنة دى ممكن يشوفها السنة اللى جاية"
و لكن كنيسة أسيوط تتبع سياسة التكتم نوعا ما على الأمر حتى لا يحدث الأزدحام مثل العام الماضى خاصة و انها فترة أنتخابات فى أسيوط و الامن شادد

[makakola]

الحبيب para`o

هل من تأكيد لهذا الأمر؟

أرجو أن نحذ من بعض الشائعات التى ربما تضر أكثر مما تنفع ولا ننجرف بسرعة خلف أى أمر

[para`o]

زى ما قلت لكم الموضوع فى تكتيم عليه من قبل الكنيسة
انا مثلا فى اتنين قرايبى كانوا حاضرين فى الكنيسة أثناء الظهورات و لما أتصلت باحد الخدام الكبار أسأله عن الموضوع قال لى أنه ميعرفش حاجة عن الموضوع ده و كل واحد على حسب أيمانه و ان العدرا و المسيح معانا كل يوم مش بس فى الظهورات و لما طلبت منه تأكيد بالنفى " يعنى ان الموضوع كدب فى كدب" رفض و اعتذر
و كمان زى ماقلتلكم الناس فى أسيوط أتعودت على الموضوع لدرجة انه بقى عادى مش محتاج لزيطة و تهليل زى كل مرة
خاصة بعد تعليمات الانبا ميخائيل السنة اللى فاتت و اللى منع فيها الظهور " بطلباته لام النور شخصيا " و فعلا الظهورات بطلت اول ما الانبا ميخائيل منعها

[عمانؤيل]

بركه أم النور معنا ومع جميع الاحباء بالموقع وكل سنه وانتم بخير بمناسبه الايام المباركه 0 وعلى فكره أنا الخاطى ظهرت لى أم النور وشفتها وعملت معى معجزه لانى كان عندى شلل كلى 0 ونشكر ربنا على تحننه علينا 0
الرب يبارك أيا حياتكم 0

[وطنى مخلص]

المشاركة الأصلية بواسطة عمانؤيل

بركه أم النور معنا ومع جميع الاحباء بالموقع وكل سنه وانتم بخير بمناسبه الايام المباركه 0 وعلى فكره أنا الخاطى ظهرت لى أم النور وشفتها وعملت معى معجزه لانى كان عندى شلل كلى 0 ونشكر ربنا على تحننه علينا 0
الرب يبارك أيا حياتكم 0

هللوياه
فليتمجد اسم الرب و لنتغنى جميعا بمراحمه

[para`o]

المجد لإلهنا .. كل المجد
بركات أمنا و ملكتنا تكون معنا فى كل مكان

[Kyrillos]

المشاركة الأصلية بواسطة عمانؤيل

بركه أم النور معنا ومع جميع الاحباء بالموقع وكل سنه وانتم بخير بمناسبه الايام المباركه 0 وعلى فكره أنا الخاطى ظهرت لى أم النور وشفتها وعملت معى معجزه لانى كان عندى شلل كلى 0 ونشكر ربنا على تحننه علينا 0
الرب يبارك أيا حياتكم 0

تعال يا عم .. إنت رايح فين

احكــــى .. احكـــــى ، بالتفصيل الممل

أشكر وأحب أن أدعو الجميع من مختلف ايبارشيات مصر لحضور مؤتمربعنوان :
" العذراء فوق قباب الزيتون "
تحت رعاية قداسة البابا شنودة الثالث وشركاءه فى الخدمة الرسولية سيعقد بكنيسة العذراء مريم بالزيتون
يوم الأحد 29 ابريل 2007 خاص بالشعب
يوم الأثنين 30 ابريل 2007 خاص بالاباء الكهنة وامناء الخدمة وخدام التربية الكنسية
يوم الثلاثاء 1 مايو 2007 خاص بالشباب
وتبدأ اللقاءات من الساعة 5.30م والى الساعة 9 م يتخلله عرض أفلام تسجيلية ووثائقية عن الكنيسة والحدث مع الاستمتاع بفرق الترانيم المختلفة
وذلك للإعلان عن بداية الاحتفال بالعام الأربعينى لتجلى العذراء بالزيتون والذى سيأخذ شكل عالمى وسيكون لعدة ايام
وكل عام وانت بخير

[الذهبيالفم]

نعمة عظيمة وبركة روحية كبيرة ، نشكر الله الذي يساعد اولاده و يظهر لهم مجده ، حتي يؤمنوا ويصدقوا .

[يسرى قلته]

السلام للست العدرا ربنا ينفعنا بصلواتها
المجدلله الى الابد امين