من يوافق على توريث مصر لجمال مبارك ؟

[BAVLY]

بعد كل الفشل الزريع فى السياسة الداخلية والخارجية التى أتحفنا به مبارك خلال خمسة وعشرون عاما تخلفنا فيهم عن ركب الحضارة إلا حضارة الفساد 0 وإزدادت حالات التعدى على الأقبا وممتلكاتهم وأعراضهم من خلال عمليات الأسلمة وإختطاف الفتيات والتى تتم بعلم وبمساعدة مباحث أمن مبارك . وبعد الأصفار التى حصلت عليها مصر فى كل شئ إلا فى تزوير الإنتخابات 0 وبعد الأمراض التى إستوردتها حكومة مبارك لقتل الشعب المصرى كسرطان يوسف والى الذى يخشى مبارك من محاكمته مما يؤكد أنه شريك متضامن ومتواطئ معه ولذلك يحميه من محاكمة عادلة خشية أن ينطق لسانه بإعتراف يؤكد أن مبارك ضالع فى مؤامرة هدفها إبادة الشعب المصرى سواء بالفقر أو الجهل أو المرض أو غرق العبارات المملوكة لمن يمنحهم مبارك شخصيا حصانة برلمانية بالتعيين فى مجلس الشورى وليس بالإنتخاب أو حرق المسارح كمسرح بنى سويف أو حريق القطارت والتى فى أغلبها يكون فيها كبش الفداء من صغار الموظفين الغلابة لحماية فاسدين كبار ضالعين فى الفساد0
بعد كل هذا هل تريد تمديد حكم مبارك من خلال إبنه جمال؟

[marimina]

طبعا لا
لكن ما البديل ........... الاخوان المسلمين

[BAVLY]

المشاركة الأصلية بواسطة marimina

طبعا لا
لكن ما البديل ........... الاخوان المسلمين

إن بدعة أنه لا بديل عن مبارك ونجله لحكم مصر سوى الإخوان هى وهم والذى بثه فى قلوب المسيحيين هو حسنى مبارك ودجالين الحزب الوطنى شخصيا وذلك 0 حتى يتمسك من يخاف من الإخوان بمبارك وإبنه وبالأخص المسيحيين 0 فهل مصر عجزت أن تنجب فلتة مثل مبارك أو نجله إن فى مصر من هم أشرف من مبارك بكثير 0 ثم لماذا يكتفى الأقباط فقط بالجلوس جوار الحائط دون مشاركة حقيقية وفعالة فى الواقع الساسى المصرى بدلا من أن يظلوا خائفين من هذا وذاك دون أن يتخذوا موقفا إيجابيا يعبر عن رأيهم ورغبتهم 0 إن عدد الأقباط فى مصر إذا توجهوا بأكملهم لأى إنتخابات جدير بأن يعدل نتيجتها 0 ثم من أوهمك أن مبارك هو من يحمى المسحيين من الإخوان هو شخص نصاب وسيادتك إذا سمحت لى دون زعل قليل الإيمان لأن من يحمينا هو من وعد أن أبواب الجحيم لن تقوى علينا
ثم ماذا لو مات جمال قبل أبيه وحدث أوأ ما تتوقعه وحكم الإخوان هل سيتركك من قال( من يمسكم يمس حدقة عينى؟)

[boulos]

لابد من وقفة حاسمة لانهاء تلك المهزلة. أيها الأفباط اتحدوا كما اتحدتم فى الرد على مزاعم ماكس ميشيل. وكما نجحت الحملة فى المصرى اليوم حتما ستنجح حملتنا للتمثيل السياسى

[BAVLY]

المشاركة الأصلية بواسطة boulos

لابد من وقفة حاسمة لانهاء تلك المهزلة. أيها الأفباط اتحدوا كما اتحدتم فى الرد على مزاعم ماكس ميشيل. وكما نجحت الحملة فى المصرى اليوم حتما ستنجح حملتنا للتمثيل السياسى

أؤيد هذا الرأى بشدة مع تقديرى لكل عقلية تفكر بهذا الشكل

التأييد أو الرفض لن يقدما شيئاً
بل لا بد من التحرك الإيجابي ونبذ السلبية

[الذهبيالفم]

مفيش فايدة ...... ولا اي حد من الموجودين ينفع ربنا يتصرف من عنده بقي ،والشعب يا يعني ماشي يكلم نفسه في الشارع من ارتفاع الأسعار وغلو المعيشة ، و المرتبات زادت 10% و المعاشات 7.5% وياعيني عليك ياشعب مصر ......... اكتر شعب بيتحمل الأسية .......

[الذهبيالفم]

من البديل ؟ هل هم الإخوان المسلمين ربنا يرحمنا ما اسخم من ستي اللي سيدي

[honeyweill]

انا موافق علي جيمي وايده بتحفظ اذا كان هيطلع عين الاخوان ويبيدهم من علي وجه مصر ويمنعهم من الدخول في السياسه
اكون اول من يقف معاه

انظر هذا الرابط لكى تعرف الاجابة :

سيناريو الأحداث بعد مبارك


http://www.copts.net/forum/showthrea...=14645&page=13

[nosha]

أعتقد أن الحل للخلاص من الإخوان ليس فى مبارك و ابنه و احنا شفنا بنفسنا تنامى الإخوان و نفوذهم فى عهد مبارك ، بل أن الوضع أصبح أسوأ منه فى عهد السادات ، لأنهم فى عهد السادات كانوا جماعات تخريبية إرهابية عنيفة فكانوا ظاهرين على حقيقتهم و منبوذين من الناس ،
لكن فى عهد مبارك الإخوان فهموا اللعبة كويس و غيروا جلدهم ، أصبح غزوهم فكرى ، و نكاد الآن نرى أن الشارع المصرى كله يتحول إلى إخوان مسلمين ، و إذا استمر الوضع بالشكل دة مش ها يبقى فيه مسلمين مستنيرين أبدا فى مصر و البلد حا تخرب .

و بالنسبة لمبارك أو ابنه ، همة مش خسرانين حاجة ، كل همهم إنهم ينهبوا البلد والشعب المطحون يتلهى فى حكاية الإسلام و الشرع و الدروشة و دخول الحمام بالرجل اليمين و الشمال و غيرها من التوافه و الدنيا تولع وهمة مش هاممهم .
و من ناحية تانية الإخوان يستغلوا سوء أحوال البلاد و يحسسوا الناس إنهم همة الخلاص الوحيد و يلعبوا على نغمة الدين و يوهموا الناس إن السبب الوحيد للبطالة و ضيق المعيشة و الأحوال السيئة دى كلها ، هو عدم تطبيق الإسلام و يحطوا فى دماغهم إن الإسلام هو الحل .

بيقى بعد كل دة ، إزاى ييجى بعضكم يقول إن جمال و أبوه بدلا من الإخوان ؟
صدقونى الإثنين وجهان لعملة واحدة .

[nosha]

أعتقد إن الحل الوحيد هو المعارضة ، و الحكومة عارفة كدة كويس عشان كدة بتحاول تقمع المعارضة و تضعفها ،

لكن الحقيقة اللى ساعد على كدة مش الحكومة بس ، لكن احنا كمان ساعدنا بسلبيتنا و ضعفنا ،

إحنا مش قليلين إحنا كتير جدا و نقدر نأثر ،

لازم نتفق على حزب معين و نسانده كلنا ، أنا ما عنديش فكرة جامدة عن الأحزاب لكن إيه رأيكم فى
حزب التجمع ؟ أعتقد إنه من أفضل الأحزاب اللى أسمع عنها لكن ما عنديش فكرة كاملة عن الحزب إلا من كلام د / رفعت السعيد فى التليفزيون و الصحف و الحاجات دى كلها .
يا ريت لو حد عنده معلومات عن موضوع الأحزاب دة يتكلم ، ممكن نختار حزب و نسانده إحنا الأقباط ، و معانا شوية المسلمين العقلاء ( لازم نلحقهم لأنهم فى تناقص ) و نكون قوة تالتة تظهر على الساحة بدل ما نبقى بين مطرقة الإخوان و سندان الحزب الوطنى .

إيه رأيكم ؟
يا ريت اللى عنده أى تعليق أو تصحيح لوجهة نظرى يقول ، أصل أنا ما عنديش فكرة جامدة عن السياسة .

تحياتى ،
نوشا

[MeGoO]

هنقعد نرغى نرغى نرغى كالعاده

و ستظل مصر جمهورية مهلبيه لصاحبها مبارك وولده جمال

[nosha]

المشاركة الأصلية بواسطة MeGoO

هنقعد نرغى نرغى نرغى كالعاده

و ستظل مصر جمهورية مهلبيه لصاحبها مبارك وولده جمال

ليه بس الإحباط دة ؟
اللى احنا فيه دة سببه التفكير السلبى و النظرة التشاؤمية دى
طول ما احنا بنفكر بالطريقة دى حالنا حا يفضل يتدهور من سيئ لأسوأ ،

مش انت مؤمن إن " إله السماء يعطينا النجاح و نحن عبيده نقوم و نبنى " ؟
و إنى " أستطيع كل شئ فى المسيح الذى يقوينى " ؟

يبقى لزومه إيه التشاؤم اللى ها يجيبنا ورا دة ؟

[MeGoO]

المشاركة الأصلية بواسطة nosha

ليه بس الإحباط دة ؟
اللى احنا فيه دة سببه التفكير السلبى و النظرة التشاؤمية دى
طول ما احنا بنفكر بالطريقة دى حالنا حا يفضل يتدهور من سيئ لأسوأ ،

مش انت مؤمن إن " إله السماء يعطينا النجاح و نحن عبيده نقوم و نبنى " ؟
و إنى " أستطيع كل شئ فى المسيح الذى يقوينى " ؟

يبقى لزومه إيه التشاؤم اللى ها يجيبنا ورا دة ؟

مش تشاؤم ولا حاجه,

لكنه واقع, و انا نفسى ان كل حاجه تتغير زى ما انتوا بتقولوا

لكن ياريت نعمل مقارنه و نشوف اذا كان الطريق اللى انتوا ماشيين عليه ده بيجيب نتايج فعلا ولا لأ؟ يعنى نعمل دراسه فعلية للواقع , و الماضى للمنظمه و الأقباط عموما, و نشوف ايه اللى حصل , و حصل فى وقت اد ايه, و ايه اللى ما حصلش

بالمقارنه باليهود اللى بنوا دولتهم فى 50 سنه, لانهم ما كانوش بيرغوا, كانوا بيعملوا, لووا دراع أمريكا, فباست رجلهم, و الأقباط مش هياخدوا حقهم أبدا علشان سواد عيونهم, لكن علشان هم لووا دراع حد, شوفوا طريقه إلووا بيها دراع أمريكا أو اى دول تانيه تقدر تساعد الوضع

الكل ناسى اليونان, مع انها بنت عم مصر فى كل حاجه, و اليونان عضو فى الإتحاد الأوروبى, يعنى مش قليله, و انا شخصيا أعرف يونانيين فى مصر متعاطفين, لكنهم من العامه زيينا, فى وجهة نظرى لازم الموضوع يتصعد اكتر
وكمان لازم رأى الشعب الامريكى كمان يبقى متعاطف معانا
الامريكان ما يعرفوش حاجه عن الاقباط, كان فيه واحده بكلمها بقوللها Copts افتكرتها Cops البوليس, و قاليتلى بعد ما عرفتها بيهم انها عاوزه تعرف امثله للإضطهاد اللى احنا بنقول عليه, فاديتلها لينك الموقع ده, دخلت لقيت حاجات مالهاش علاقه بالآقباط اساسا, ووشى جاب ألوان ساعتها

يبقى احنا محتاجين تنظيم تانى لحياتنا ولا لا؟؟؟

شكرا