الى الاخ ساويرس . ايهما افضل
 

[SIZE=5]الى اخى الحبيب ساويرس ايهما افضل ان يبكى قداسة البابا ويبكينا معه ونجلس سويا لنندب حظنا العاسر
ام يقف كما وقف سيده وسيدنا يسوع المسيح ويقول تقووا ولا تخافوا لان من يمسكم يمس حدقة عينى ...الخ ويتقوى ونقوى معه بايماننا برب المجد الذى لايستطيع ان يتحداه احد

ارجـــــــــــــــــــــــــــــــــو الاجابه يا اخى ساويرس[/SIZE]

[B]" بكي يسوع " (sml21)

اعذرني لتدخلي ولكن انا شايف البكاء قوة وليس ضعف [/B]

[QUOTE=mena_hot][B]" بكي يسوع " (sml21)

اعذرني لتدخلي ولكن انا شايف البكاء قوة وليس ضعف


[/B][/QUOTE][SIZE=5]البكاء من الخوف قوه !!!!!![/SIZE]

[B]وهل بكي يسوع من الخوف ؟؟؟ [/B]

[SIZE=4]أولا : اشمعنى ساويرس؟؟ ده انا حتى مش باين اليومين دول في أي حتة
ثانيا : البكاء والحزن مشاعر انسانية ليس لها أي علاقة بالقوة والضعف والشجاعة والجبن
ثالثا : عايزك تقول الكلام ده لناس عندها عيال خايفة عليهم وعندهم عمل وعندهم أملاك
ممكن يكون ايمانك عظيم ، لكن مش كل الناس زيك ، ومش كل الناس بتستحمل الاضطهاد
لما نتكلم على النت حاجة ، ما الكلام سهل ، ولما تكون في قلب الحدث منتظر الموت في كل لحظة ده شيء تاني .
قليل جدا اللي يستحملوا الانتظار وأقل اللي ممكن يستحملوا التعذيب والشهادة
بالنسبة لبكاء البابا ، لما تقف قدام المسيح وتكلمه ، هل تستحي أن تبكي؟ هل يمنعك كبريائك أن تبكي أمام خالقك؟؟
وبعدين الموضوع مش شغل فتونة
يعني كلام البابا كان واضح
كله بمشيئة المسيح
ان شاء وحل الموضوع لتكن مشيئته
وان شاء واعطانا بركة صليب نحمله فلتكن مشيئته
يعني لو ربنا أراد واعطاك بركة صليب الاضطهاد تحمله ما تخبطش بيه الناس
تحمله كما حمله المسيح
يا جماعة قدوتنا الوحيدة هو المسيح اذا كنا مسيحيين فلنكن مثله ونسير كما سار
طبعا مش معنى كده ان حقوقنا تنسلب واحنا قاعدين نتفرج ، لأ ندافع عن نفسنا وعن أهلنا ومقداستنا بدون عداوة أو بغضة
بدون أن نحتقر الآخرين أو نصغرهم
وفيه قنوات شرعية كتير ، وربنا بيتصرف
فلنكن مسيحيين يا أخ اسيوطي وأهم حاجة للمسيحي أن يرى الناس أعماله فيمجدوا أبيه الذي في السموات [/SIZE]

[QUOTE=mena_hot][B]" بكي يسوع " (sml21)

اعذرني لتدخلي ولكن انا شايف البكاء قوة وليس ضعف [/B][/QUOTE]

البكاء قوه ليس ضعف -- حرام كبير و عيب خداع النفس ( كفايه خداع للنفس)

البكاء قوه للنساء حتي تحصل علي حقها لايهام الرجل بضعفها و لكن بالنسبه للرجال شيئ اخر

انا بكيت لبكاء البابا و لكن لاحساسي انه كان في اشد و اصعب و اضعف موقف في حياته

+++
 

[COLOR=Blue][SIZE=5][FONT=Times New Roman][I][B]اخوتى الاعزاء

انا معاكم ان البكاء مش معناه الضعف لكن ( البكاء+السلبيه) هو الضعف عينه ... الى متى سنظل سلبيين... و ايهام العالم كله بالسكينه و الامان الموجودين فى معيشة اقباط مصر ؟؟؟؟؟

الى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ (sml13) [/B] [/I] [/FONT] [/SIZE] [/COLOR]

[SIZE=2][B]البابا قال بالحرف" لو أراد الرب و أعطانا بركة صليب نحمله" و هنا بكى تماما مثلما بكى المسيح و قال للآب " إن أردت أن تعبر عنى هذه الكأس و لكن لتكن مشيتك " ..
و البابا لم يخرج ليبكى فى برنامج على التلفزيون ، و لكنه بكى فى بيت الرب أمام الرب و أمام شعبه " نفسى حزينة جدا حتى الموت"..
و أظن إنه من غير اللائق أن نصف البابا و هو رأس الكنيسة بالخوف بما يحمله هذا من معانى قد يفهمها البعض بطريقة خطأ ، البابا قد يخاف على خلاص شعبه و لكنه لا يخاف إنسان![/B][/SIZE]

[COLOR=Navy][B][SIZE=6]البكاء قوة إذا كان سببه الحزن ورب الاسرة حزين بسبب الالام التي يتحملها ابناءه وانا واثق ان العذراء بكت عندما كان إبنها مصلوب على خشبة الصليب.[/SIZE][/B][/COLOR]

لا يااسيوطي انا مش معاك
اولا قداسه البابا مش خايف لاسباب كتيره
اولا هو راهب و هو عارف من يوم ماتصلي عليه جنائزي في سيامته راهب
انه مات عن العالم و هو كان متوحد في قلايه بره الدير في الصحراء
لي عايز تعرف ازاي تنام في الصحراء لوحدك ارجع لاختبارات البابا كيرلس
وذكرياته عن اول يوم توحد في البريه
ثانيا بعد كل التجارب اللي مرت به تفتكر هايحصل ايه اكتر من اللي حصل
ثالثا البابا في سن الكهوله ومع القداسات اليوميه و شعوره بالمسؤليه و الابوه
بتكون المشاعر مرهفه جدا و آسآلوا اي حد عنده جد ازاي المشاعر بتكون مرهفه
و الدموع بتكون قريبه جدا في شجن
رابعا قداسه البابا ممكن يكون بيبكي حال شعبه اكتر مما يبكي حاله...

[B][COLOR=Sienna][SIZE=4][CENTER]
المسيح بكى مع مريم ومرثا تعاطف
بكى على اورشليم حزنا
بكى فى جثسيمانى الم
قال
تعالوا الى ياجميع المتعبين وثقلى الاحمـــــــــــــ(sml21)ـــــــــــــــال وانا اريحكم
(sml21) لانه فى ما هو تألم مجربا يقدر ان يعين المجربين (sml21)
[/CENTER] [/SIZE] [/COLOR][/B]

[SIZE=4]اسيوطى شكله كدة مش عاجبه اى حاجة يعملها البابا (NO}
عموما يا أسيوطى انا شخصيا ارى موقف البابا فى هذا الموقف بالذات اقوى من اى رد فعل آخر
كان بيضرب تحت الحزام ، بس للى عايز يفهم
[/SIZE]

[SIZE=4][QUOTE=yaweeka][SIZE=4]اسيوطى شكله كدة مش عاجبه اى حاجة يعملها البابا (NO}
عموما يا أسيوطى انا شخصيا ارى موقف البابا فى هذا الموقف بالذات اقوى من اى رد فعل آخر
كان بيضرب تحت الحزام ، بس للى عايز يفهم
[/SIZE][/QUOTE]

فاهمك و كنت حقول زيك بالظبط[/SIZE]

[B][SIZE=5][COLOR=Blue]
كان ممكن من قداسة البابا أن يبكى فى خلوته دون أن يراه أحد ثم يظهر أمام شعبه متماسك... لكن عندما يبكى قداسة البابا أمام شعبه هذه رسالة و شكوى المسيح و الى هذا الشعب النائم يخبرهم فيه ما لا يستطيع قوله بلسانه بحكم سلطته و حكمته ...
شكوى الى المسيح ... لأن الصليب كبير و تقيل و لأنه يتحمل لوحده مشاكل ملايين من أفراد شعبه ... و شعبه ينتظر منه حل مشاكلهم دون أن يفعلوا شيىء و دون الأستعداد الى التضحية ...
شكوى الى الشعب ... عندما يبكى أمامهم يخبرهم أنه جرب كل السبل و الحيل السلمية لرفع عنهم الظلم دون جدوى ... و لايستطيع أن يفعل أكثر من ذلك ...
و أعتقد بعد بكاء قداسة البابا أمام الملايين من شعبه ... فهو يخبرهم بشكل غير مباشر أنه جاء دوركم فى التحرك و الدفاع عن أنفسكم و عن مقدساتكم و كرامتكم و رموزكم و عنى ...
[/COLOR][/SIZE] [/B]

[SIZE=5][B][FONT=Arial]الإخوة الأحباء

سلام ونعمة للجميع

لمن يرى من إخوتى الأحباء أن دموع البابا خوف

1- لو كان البابا خائفا لإعتذر فى لحظة، ولديه من الأيات عن التسامح وإنكار الذات ما سيدعم موقفه فى الإعتذار
2- بعد قيام أول مظاهرة كانت مهلة إسبوع ليعتذر لهم البابا، ولم يعتذر، وبعدها قاموا بعملياتهم الوحشية وهددوا بالإسبوع الذى يليه، فلو كان البابا خائفا لإعتذر على الأقل حقنا لدماء أبنائه، ولكنه لم يعتذر
3- فى الأسئلة المقدمة لقداسة البابا فى نفس المحاضرة التى بكى فيها، قدمت أسئلة كثيرة بخصوص موضوع الإسكندرية، ورد عليها قداسنه برد واحد وفى جملة واحده
[CENTER]([COLOR=Red]نحن نصمت ليتحدث الله[/COLOR])[/CENTER]
فهل هذا خوف؟

سلام المسيح مع الجميع[/FONT][/B][/SIZE]