موضوع خطير جدا لكل الاقباط
 

انا قرات المقالة الخطيرة دى فى جريدة المصرى التى تصدر فى سيدنى باستراليا[url]www.elmassry.com/يوميات[/url] تفيدة

قلم: طنط تفيده المفيده

أحبائى القراء وحشتونى كثير بس لو تعرفوا مشاكلى ح تعذرونى .. سافرت مصر من شهرين وأنا فى منتهى السعادة انى راجعه بلدى ووطنى وأهلى .. وكنت فى منتهى السعادة لما الطياره نزلت مصر، وقلت أخيرا رجعت لك يا مصر ... بس بصراحه أول القصيده كفر. ظابط الجوازات قالنا فيه ما يثبت انكم مصريين؟ المحروس جوزى قاله مكتوب عندك فى الجوازات اننا مصريين .. قاله مش كفايه انا عايز بطاقه أو جواز سفر مصرى؟ بصراحه احنا بطاقاتنا فى مصر والجوازات المصريه منتهيه ومش معانا ؟ رد المحروس الضابط وقاله يبقى تدفعوا فيزا دخول .. المحروس جوزى قاله احنا مصريين ولكنتنا مصريه 100% .. يرد الظابط ادفع فيزا يا استاذ ما تضيعش وقت .. المحروس جوزى قالى خلاص فيزا فيزا جاتهم 60 فيزا ... دفعنا ودخلنا المهم روحنا على بيت اختى وحكينا لها الحكايه قالت ده حتى البطاقات اتغيرت ولازم تطلعوا بطاقات جديده قلنا مش مهم بس لما نيجى ندخل بلدنا ما ندفعش فيزا زى الأجانب دى بلدنا وبلد أجدادنا .. بعد اسبوع بدأنا رحله العذاب ، طبعا ح تسألوا ايه هى ؟ قررنا استخراج بطاقات .. قالوا لنا نروح العباسيه ( أحوال مدنيه) عشان نجيب ورقه من الكمبيوتر ودى فيها جميع البيانات عننا ... المصيبه ان الكمبيوتر الغبى قال انى انا والمحروس جوزى مسلمين قالوا لنا نروح القلعه نجيب مستخرج رسمى عن الأب والأم لإثبات اننا مسيحيين .. روحنا لقينا ان ابويا وامى مسلمين والمحروس جوزى ابوه وامه مسلمين ؟! المحروس جوزى بقى يضرب كف على كف ويقول لهم ازاى جرجس عبد المسيح يبقى مسلم يا ناس يقولوا له يمكن اسلم قبل ما تتولد؟ يقول لهم طب البطاقة بتاعتى بتقول انى مسيحى .. يردوا كل واحد بيحط البيانات اللى عايزها فى البطاقه مش شرط ... الموظف قاله روح هات شهادة من الكنيسه انك مسيحى .. روحنا البطرخانه جبنا شهادات تثبت اننا مسيحيين ومن اب وام مسيحيين ، قالوا لنا تبلوها وتشربوا ميتها .. وكل ده بندفع رسوم ودمغات وتكسات ... واحد قال لنا هاتوا نموذج 80 تصليح خطأ من البوسته عملناه والثانى قال هاتوا شهادات ميلاد الاخوات جبناهم ، بس المصيبه ان طلع لى اختين مسلمين من اب وام مسلمين واختين مسيحيين من اب وام مسيحيين؟ مين يحل المعادلة دى وله تذكرة طياره مع اقامه اسبوع فى اى مكان فى العالم ؟ شهادات ميلاد الأخوات من سجل مدنى العباسية واللى ما يشترى يتفرج، ده غير نموذج 76 ونسخ قيد ومكتب صحة ارض شريف والساحل لمستخرج شهادة ميلاد وسجل مدنى قيد عائله وغيره وغيره كعب داير .. كفرنا مش عايزه اطول عليكم فى الكلام كل واحد فينا بقى عنده دوسيه فى حجم عيل فى الأعدايه .. والطلب الأخير كان طلب مستحيل قالوا لى هاتى شهادات ميلاد الأم والأب .. قلت لهم اطلبوا لبن العصفور سهل شويه، الموظف قالى انتى ح تهزرى يا وليه .. روحت مفتوحه فيه، قلت له انت أهبل ولا حمار انا عندى سبعين سنه يعنى امى وابويا من عهد الهكسوس لا انت عندك سجلات ولا انا اعرف امتى اتولدوا ولا ماتوا .. جاتكم مصيبه الغلطه من عندكم واحنا اللى ندوخ انتم بنى أدمين؟ ربنا ياخدكم .. رجعنا ومعانا وسطه حولوا الورق على لجنه علشان تقرر احنا مسيحيين ولا مسلمين؟ قلت للمحروس جوزى خلاص اتحلت قالى اتلهى لو اللجنه قررت اننا مسلمين ح نعمل ايه؟! قلت له نقول لهم احنا بقينا مسيحيين .. يرد ويقولى ح يطبقوا عليك حد الرده ويقتلوكى ... قلت يا نهار اسود للدرجه دى التعصب .. هو الدين ايمان ولا بالكيلو .. قالى يا تفيده انا شفت ملايين المسيحيين بيعانوا من نفس المشكله مش احنا بس .. انا اكتشفت ان قبل ثورة يوليو لم يكن هناك خانه للدين والحكومه حطت كل الناس مسلمين علشان تزود عدد المسلمين بس خيبتهم ثقيله لأن عدد المسيحيين ح يزيد مره ثانيه ح يخبوه ازاى؟! بصراحه انا ماشفتش تخلف بالطريقه دى إلا فى مصر ، علشان كده بيقولوا دول عالم ثالث.. دى لو ناس بتفهم تعرف ان الإيمان بالفعل مش بالاسم، الموضوع مش عدد وكيلو ولا طن.

أعزائى القراء انا حليت لكم مشاكلكم على مدى سنين والنهارده محتاجه يحد يحل لى مشكلتى .. نعمل إيه فى المصيبه دى ؟؟؟ المحروس جوزى بيقولى ده ارهاب فكرى ودينى وحجر على الحريات قلت له ياخويا مش كل المسلمين ارهابيين ، قال لى بس الإرهابيين مسلمين ؟؟ قلت آه صحيح طب ليه؟! مش عارفه يا ناس حد يفهمنى ح أطق؟

تفيده المش مفيده

جريده المصرى ترحب بكل التعليقات وايضا من كان لهم مشاكل مثل مشكلة طنط تفيده والمحروس زوجها.

القصة دى لو إتعملت فيلم هتدخل التاريخ

دي حاجة عادية و اتكتب عنها في وطني
بنسبة حوالي 30% من البطاقات الجديدة يتم تغير الديانة فيها الي مسلم.

وعايزينها ليه؟
 

[SIZE=6]عايزين بطاقات مصرية تعملوا بيها ايه؟الاسهل انكم تطلبوا جنسية مصرية جديدة كأنكم جايين [/SIZE] [SIZE=6]أجانب وعجبتكم مصر وعايزين تعيشوا فيها وتشربوا من نيلها الخالد ووقتها كل الابواب تتفتح قدامكو وتطلع الجرايد بالخط العريض((الاستراليون يتمنون الجنسية المصرية بفضل القيادة الحكيمة للرئيس)) ويعاملوكم معاملة الV.I.P[/SIZE] (do:) (do:) (do:)

)danc:{ تحيا جمهورية مصر العربية
أنا مش فاهم اللى يسافر برة ويرجع تانى وعايز كما يطلع بطاقة تانى مع انه معاه جنسية ده عايز ايه من بلدنا الحلوة المحروسة . هو من محروسة ديه صح .
وزعلان انه البطاقة كان فيه مسلم بدل من مسيحى . ياعمى عديها و ايه يعنى .
أمال بقى تعمل ايه لما تتطلع البطاقة الجديدة وتكون فيها انت متجوز مع انه انك لسه ما تدخلتش دنيا ولو مؤخذاه . والمصيبة ايه انه مراتك تعيش أنت .. تكون مرحومة )CRZ:)
بقى انتا راجل مسيحى أرمل ولسه عندك 27 سنة . (sml15)
نموت نموت وتحيا مصر (sml22)

[B][SIZE=4]يالهو بالى على اللى بيحصل فى بلادى
أنا أصدق الكلام ده لآنه حصل لى - رحت أطلع البطاقة فلاقيتهم كاتبين فى خانة الديانة مسلم
فقلت للأمى اللى بيسجل البيانات أن البطاقة غلط فقاللى أدخل للظابط - كان فاكر هخاف وأمشى- دخلت للظابط (sml8) اللى كنت جايبلة كارت توصية أمبارح من واحد صاحب والدى فأبتسم ومسك القلم بتاعه وشلفط كلمة( مسلم) الى( مسلحى) وحط نقطتين تحت اللام وشد الميم عملها (ح) وشبك( ى) فيها - قلت فى عقل بالى ظابط بتاع تزوير صحيح
الفار لعب فى عبى وأولاد الحلال نبهونى أنه ممكن واحد غبى من أياهم يتربس معاى ويقوللى أنت مزور فى البطاقة - قعدت أفكر تعمل أيه تعمل أيه تعمل أيه يابو الدموع
جالى تفكير جهنمى رحت للواد عباس بتاع الطعمية وعملت بأشترى طعمية ودخلت فيه شمال وقلت له أزيك ياعبس أدينى وحيات أبوك بثلاته جنيه طعمية محشية - وعملت أنى بطلع الفلوس من جيب القميص (وكنت حاشره بورق والفلوس والبطاقة) ورحت شادد مرة واحدة طلعت البطاقة منطورة فى طاسة الزيت - عملت كدة علشان يكون شاهد من أهلها - ورحت مطلع بدل تالف - أينعم كلفتنى أستمارات وفلوس تانى بس كده ولا يالهو بالى يقولولى مزور البطاقة (sml8)
المهم ماأطولش عليكم رحت مخلص كل شيئ وثانى يوم أستلمت بطاقة جديدة وأنا فرحان ورحت دافس البطاقة فى جيب البنطلون لغاية ماأطلع على الباب وأبص فى البطاقة
ويالهو بالى ألاقى نفس التزوير فيها أرجع ثانى؟ فشر (sml18)
عملت بالعند ورحت مطلع أستمارات جواز سفر- فلوس فلوس بس مابقاش ****(sml8)
وقلت فى عقل بالى يمكن جواز السفر مايحطوش فيه كلام مزور -!!!
أخدت الجواز بعد عذاب -)Aa:)
وأنا نافش ريشى زى النسر اللى على النوته الخضرا
وأطلع جرى لحسن يرجعوا فى كلامهم تانى (sml15) )Aa:)
طلعت من الباب وأبص على خانة الديانة ملقاهاش حمدت ربنا
بأبص فى الأسم لاقيت حاطين حسنين بدل حنين(noo:))
قلت فى عقل بالى يالهو بالك ياأبو الدموع
أمرك لله الموظفين جهلة والمراجعين جهلة وحتى الجدع اللي بيبصم فى الآخر ويلطع النسر من الجهلة برضه - أعمل أيه عملت بحث ايه العامل المشترك بين الأغبياء وبعد دراسة وتحليل وجهد ومعاينة وجدت اكتشاف خطير خطير خطير - سببه أن هناك علامة مميزة للجميع وهو أن شكة الدبابيس وخبط الرأس على الزلطة لعمل علامة مميزة لها تأثير على المخ

أتذكر أن واحد سأل رجل دين مسؤل فى مرة عن هذه المواضيع
فقص القصة التالية
أنه مرة حضر له رجل دين مرسوم جديد - لكى يريه بطاقته العائلية
فوجد بها الوظيفة: قس الديانة : مسلم
أزاى تيجى دى مش عارف )dnc:(

ويالهو بالهم مزواراتية فاكرين الحكاية عدد وبس[/SIZE][/B]

انا لما فتحت هذا الموضوع عارف انه مش جديد بس اللى قلقنى منه ان حكاية دفع فيزا زى الاجانب دا مش حاجة بسيطة ياجماعة ياعنى هايجى وقت من الاوقات وان البربر هايعتبرونا اجانب وهايترتب على كدة مصايب كتيرة لما نزور بلادنا واحنا اصحابها الاصليين الموضوع مش بالسهولة اللى البعض واخدها اناباصص للموضوع من جوانب مختلفة ليست فقط دفع فيزا.