[mariana282628]

المشاركة الأصلية بواسطة smile

دى الصور بتاعت 007

انا ليا اعتراض...بس هايكون على اللون..
انت طبعا بتعمل حاجة عاوز تجذب بيها الانتباة ويكون ليها شكل جمالى
وعلشان تجذب الانتباة ..لازم تستخدم مجموعات من الالوان تؤدى الغرض دة...المشكلة عندك ان الوانك كلها هادية...ودة مش بيكون مستحب..لانة بدون ماتدرى بيعمل ملل لعين المشاهد
عندك كذا طريقة
اولا يا تستخدم حاجة اسمها الالوان المتناقضة ودى عبارة عن 3 مجموعات
الازرق مع البرتقالى
الاحمر مع الاخضر
الاصفر او الذهبى مع البنفسجى

وخد بالك لو لون منهم هاتستخدم الدرجة الفاتحة بتاعتة...اللون التانى تغمقة...يعنى يمشوا عكس بعض...والالوان دى..لو حد فيكم درس دايرة الالوان وهو صغير هايعرف فايدتها انها بتقوى بعض وكل لون بيظهر المناقض لية فى كامل تشبعة...

ثانيا...تستخدم درجات اللون الواحد
يعنى تختار لون واحد وتحط منة الغامق والفاتح وتعمل كونتراست بينهم

ثالثا..تستخدم الالوان الباردة مع بعض...زى توفق بين درجات الازرق والكحلى والموف والبنفسجى والاخضر...ودة مش مستحب اوى لان الالوان الباردة معروف انها بتهدى الاعصاب..فكترها ممكن يدى ملل..حاول لو هاتستخدمها تكسرها بحتة سخنة كدة...زى احمر ذهبى برتقالى
وطبعا فى المقابل ممكن تخلى مجموعة الوانك كلها سخنة...احمر اصفر برتقالى ودة برضو مش مستحب اوى لان الالوان السخنة كتير بتزعج العين لان معروف ان ليها تأثير فى زيادة نبضات القلب..برضو حاول تقلل منها وتكسرها بالوان باردة

ملاحظة تانية تاخد بالك منها...وهى بلاش مساحات كبيرة من الالوان المحايدة...زى البيج والرصاصى...لان دة بيعمل ملل ورتابة فى المجموعة اللونية...وبيخلى العين تمل من الى شايفاة
يعنى استخدمهم بس قليل...
يا رت ما اكونش طولت عليكم والكلام دة يفيد..