ياريت يا شباب الردود تبقي ردود موضوعية ونتكلم بصدق مع نفسنا اكتر .... اولا هو مش بيقولك تعالي خد ولا قال مرة انه هيدي لكل واحد فلوس من جيبة ولا مؤلفة قلوبهم ولا حاجة .. بيقولك وبيقولي وبيقول لكل الناس اتعاونوا في اية واعملوا اية عشان نبقي احسن ...

لو انت شغال على كمبيوتر وجه واحد بوذي او مجوسي حتى ونصحك نصيحة وقالك لما تسشتمعل الجهاز بطريقة كذا وكذا هيتحسن الاداء .. وانت عارف ان كلامة صح هتسمع كلامة ولا لا ؟؟؟

لما واحد بيقولك نعمل حملة نقاوم بيها التدخين مثلا او نلم فيها الهدوم القديمة ونوزعها على الفقرا .. او حتى كل واحد يزرع فوق السطح او حتى يعلم واحد صاحبة كمبيوتر ياتري كدة بيقولك اعمل حاجة وحشة ؟؟ عندكم في الكنايس مش فية مجموعات خدمة عامة ومستوصفات علاجية ؟؟ ولكفالة الايتام وكدة ..؟ لو برضة مجموعات من عندكم عملت الحاجات دي ياتري الحاجات دي تبقي وحشة ولا حلوة .... الراجل مقبش انها للمسلمين وبس ولو حسبتوها صح هتلاقوها تنفع لاي حد في اي زمان ومكان ....... الراجل مقالش نعمل ارهاب ولا نشتم ونسب في المسيحين ..... الراجل حاليا بيحاول معانا نحل مشكلة البطالة ... يعنى لو انت شغال شوف غيرك اللى مش شغال حالتة عالمة ازاي وحاول تساعدة او كدة .. ياتري الكلام دة غلط ولا عيب ولا اية ؟؟

بالمناسبة هو اتكلم عن الحقوق في الحلقة اللى فاتت واننا لازم نسعي وراء حقنا في اننا نلاقي وظائف ونشتغل وكدة ... من ضمن الكلام اللى قالة

( فاكرين قصة عمر بن الخطاب مع القبطي غير المسلم اللي ضرب ابن عمر بن العاص على دماغه ..تصدقوا الشاب مشي من مصر للمدينة علشان يأخد حقه ..مجرد ضربة على دماغه واحنا بنسمع الحكاية ديه وبنفتحر باللي عمله عمر بن الخطاب ..أنا عاوز النهاردة أفتخر باللي عمله القبطي اللي عنده كرامة وعنده إيجابية ، لم يسكت عن حقه ومشي المسافة ديه كلاها علشان يأخذ حقه في تاريخنا الإسلامي مع أن 80 مليون عاطل مش مجرد ضربة.. ديه 80 مليون ضربة ولذلك ..سنطرق كل الأبواب من أجل تخفيف حدة هذه المشكلة وتقليصها لأقل درجة ممكنة )
ياتري ممكن نحاول نساعد بعض رغم الخلافات اللى بينا ونقوم على رجلنا تانى .... واقسم بالله العظيم .. لو عندكم مشاريع تنفعنا هنفذها طالما انها في الاخر بتصب في مصلحتى ومصلحتك ولا تتعارض مع قيمنا ( يعنى محدش يقولي نفتح بيت ( توووووت ) ولا نفتح مصنع خمووور )


ودمتم