[Mena0064]

عزيزى المفدى، بصراحة غلباوى معاه حق فى نقطة مهمة جدا هى إن الأقباط ما بيضيعوش وقت فى التهجم على دين المسلمين.
أظن إن بعد 1400 سنة من صمت الأقباط و خطب المسلمبن اللى حصل إن الأقباط فقدوا القدرة على الكلام و المسلمين فقدوا الفدرة على السماع. الموضوع يمكن محتاج صبر و تمرين لكن أرجع و أقول لازم المسلمين يعترفوا بوجود الكيان القبطى أساسا و يعطوا الأقباط الفرصة على تكوين جبهة تمثلهم و تنوب عنهم فى نفس الوقت لازم الأقباط يجتهدوا لنفس الهدف، لما يبقى فية تمثيل واضح من الجانبين ساعتها نقدر نحل المشاكل و نبنى جسور. الفجوة النهاردة فى مصر بتتسع بين القبط و المسلمين خصوصا فى وجود الإخوان و المناخ الإقتصادى السئ و لو الأمور ما إتحسنتش أنا لا أستبعد دخول مصر فى دوامات هتقضى على ما بقى فيها من أمل.
أما الكلام فى الدين فده لية وقت لكن لا أظنة دلوقت، إحنا لسة فى أولى إبتدائى حوار فهل يعقل على طول كدة نتحاور فى الدين؟ أنا عارف إن الأقباط عندهم كلام كتير قوى نفسهم يقولوه بسبب الكبت فى مصر و التبشير للدين المسيحى شئ جميل لكن ليس بهذا الأسلوب، الأفضل فى الوقت الحالى إننا نتناقش فيما سهل الإتفاق علية و واحدة واحدة لما ينضج الحوار ييجى الدور فى المواضيع الصعبة.
عندك مثل الأخ غلباوى دخل هنا بقلب أبيض و هو مقتنع تماما بمشاكل و حقوق الأقباط لكن أظن إن أسلوب البعض قد يغير هذا، الكل عارف إن المسيحيين لا يؤمنون بالإسلام كما إن الكل عارف إن اليهود لا يؤمنون بأى من الدينين لكن ده مش معناة إننا لازم نعملها خناقة كل ما خيال واحد مسلم يعدى.
فى النهاية أحب أضيف نوع مهم من الإخوان المسلمين:
- ناس متعلمين مثقفين عايزن يعرفوا المزيد عن مشاكل الأقباط يدخلوا هنا و يلاقوا كارثة أغلبيتهم لا يشاركوا أساسا و يرحلوا واخدين فكرة سيئة عن الأقباط,