|
[COLOR=Blue][SIZE=5][QUOTE=2ana 7or][B]
أسئلة عديدة الى قداسة البابا شنودة الثالث
الحقيقه بعد قراءه متأنيه للاسئله الصعبه والمحرجه وجدت ان هناك نوع من تحميل كل الاخطاء والمشاكل على عاتق السلطه الكنسيه كما لو انهم هم محور لكل الحلول ايضا وهنا اختلف مع محور الاسئله ....(وليس اعتراض عليها لان كلها صحيحه ومنطقيه)
ولنغير المحور قليلا علينا نحن كشعب قبطى ونحمل الكثير على عاتقنا من تردى لحالنا وضياع معظم حقوقنا ... لان للاسف من الاول قبلنا ان يكون كل اتكالنا على السلطه الكنسيه ورمينا الحمل كله عليهم وقلنا شيلوه وحدكم احنا غلابه مش قد المواجهه ووضعنا الكنيسه فى وش المدفع وبقت هى المسئوله عن كل شيئ من حياة روحيه وخدميه وسياسيه لنا وده اكبر غلط وشويه شويه اتعودت السلطه الكنسيه على كده وبقى اى شيئ يخصنا لازم يطلع من تحت عبائتها حتى الصغير من الامور بدا من اخص خصوصيات الزوج والزوجه لحد انا حدى صوتى فى الانتخابات لمين وبقت مشكله بجد واللى فى ايده سلطه صغب يقبل تروح منه بسهوله
زماااان قبل الثورة كنا نسمع عن كتير من الزعماء الاقباط وكانت اسمائهم لها شنه ورنه يا ترى مين موجود اليوم على الساحه؟؟ محدش... طب ليه؟؟ لان اتعودنا ان الكنيسه وبس هى اللى تكون لها القياده حتى فى السياسه وده اكبر غلط وبكده لازم يزيد دور الشرفاء من العلمانيين الاقباط اللى لازم لازم يبداوا يتولوا مهام المطالبه بحقوقنا كاقباط من حقوق سياسيه واجتماعيه على حد سواء ((مع ضرورة التاكد من انهم شرفاء عن حق وليس ابواق للسلطه او ابواق ضددها بس وعند الضرورة يهربوا مع استعداد للتضحيه بدون مقابل مادى مثلا))
وعن مقوله ان السياسه غير نظيفه politic is dirty فهى مقوله صحيحه الف بالميه ومن هنا كان اكبر غلط ان الكنيسه تدخل اللعبه دى وبدا تضارب المصالح والاتجاهات ووقعت السلطه الكنسيه فى كثيرر من الاخطاء وكل ده واحنا قاعدين نتفرج ونقول انهم غلط وبس طب منبدا نصلح ونقول للكنيسه كفايه انتى شلتى عنا كتير قوى وجه دورنا فى ظل عصر الحريات وانتى حتكونى قادتنا فى الحياه الروحيه وبس وسيبى المطالبه بالحقوق علينا ولعبه السياسه علينا ووقتها لا الكنيسه حيصدر منها شيئ يكون ضد النظام العام للدوله وبالتالى محدش حيقدر يغلطها بنص كلمه ومن ناحيه تانيه احنا نكون اكتر فاعليه وناخد دورنا فى الحياه السياسيه بطريقه صح ونرجع اللى كان فى ايدنا ورميناه على كتف الكنيسه ومنرجعش نقول البابا غلط والبابا مالوش حق .....
بس طريق الفطام من الاتكاليه على الكنيسه مش سهل وطويل وعاوز نفس بس فين اللى يقدر ... هنا يكون السؤال
|