الموضوع: البلد مش بلدنا
عرض مشاركة مفردة
  #1  
قديم 19-04-2011
Michael.Designer Michael.Designer غير متصل
Registered User
 
تاريخ التّسجيل: Feb 2011
المشاركات: 2
Michael.Designer is on a distinguished road
flower البلد مش بلدنا

[B]البلد مش بلدنا

فى شعار سمعتة عجبنى جدا بصراحة ( البلد بلدنا ) اول ما سمعتة قولت ياااه اخيرا البلد بقت بلدنا ... وتخيلت البلد وهى نظيفة وجميلة وكل حاجة بنتمناها فى البلد موجودة واكتر وكل واحد واخد حقة والقانون ماشى على الكل ومافيش خيار وفاقوس ولا فى ابيض واسود
ولكن ياعينى عليا مالحقتش اتخيل وافرح .. لقيت نفسى بقول لنفسى : ياعم دى بلدهم هما ... اه هما .. المسلمين طبعا ... فلقيت نفسى بتقولى : يا ابنى دى بلدنا من زماااااااااان من قبل المسلمين ما يفتحوا مصر ... فا انا قولتلى : بلدنا بالاسم ...
هو يعنى اية بلدنا واحنا بناتنا فيها مخطوفين وعيالنا مضروبين ومتجرحين وكنايسنا وبيوتنا يامحروقين يا مهدودين ... تبقى مش بلدنا .

انا بقول كل واحد بقى ياخد صندوق هدومة ويروح يسافر .. عندنا كندا وامريكا ... مع السلااااااااااامة ... مش هيا دى بلدنا بردوا ؟؟

طبعا فى متناقضات كتير فى البلد اليومين دول ... والغريب ان الظلم فيها بين ومافيش اى حد بيحاول يقف ضده ... وطبعا فى ابيض وفى اسود
والامثلة كتير ومنها

الشرطة فى خدمة المسلمين .
(( ابيض ))
- لما نيجى نشوف موضوع خطف البنات فى مصر هنلاقى تناقض فى ردود الافعال كبير جدا
لما نيجى نشوف خبر اختطاف حفيدة السادات (15سنة) اثناء ذهابها للمدرسة فى السابعة صباحا ولكن البوليس المصرى الشجاع الهمام القوى اعاد الفتاة لأسرتها فى ساعات قليلة الى اهلها سالمة امنة فلة شمعة منورة .
(( اسود ))
- اختطاف فتاة قبطية تدعى" يوستينا تادرس عزيز" البالغة من العمر 16 عاماً .... رجعوها لاسرتها متجوزة شاب مسلم كان طلب 5 الاف جنية علشان يرجعهالهم ... البنت قاصر على فكرة .................. لكن الشرطة اقرت زواجهم .
- اختطاف تريزا ثروت ذكى 25 سنة شارع أحمد عرابى رقم 33 رايحة تحضر فرح ومارجعتش .................. بس خلاص مافيش اى حاجة حصلت
- إختطاف نرمين خيري موسي طانيوس (15) سنة عزبة الاقباط بالجبل الاصفر بابو زعبل .................. راحت ومرجعتش
- إختطاف مريم صالح عبد المسيح جرجس ( 19 ) سنة منذ يوم 3- 3- 2011 اثناء خروجها من كنيسة الانبا شنودة مدينة السلام ..................ومرجعتش
- إختطاف هبة عادل اسكندر (30) سنة خرجت يوم الاربعاء 6/4/2011 ... وصلت ابنها الحضانة .................. ومارجعتش
علشان ما يبقاش المقال طويل ففى اكتر من 40 حالة تعدى على الاقباط منذ قيام الثورة فقط من خطف وتعدى وقتل وجروح واصابات .

محاربة الفتنة واجب على المسيحين بس
(( ابيض ))
- طبعا كلنا شوفنا الاقباط فى ميدان التحرير وهما واقفين ماسكين ايد بعض ومحوطين حولين المسلمين وهما بيصلوا


(( اسود ))
- و كلنا شوفنا المسلمين وهما بيهدوا كنيسة صول بكل همة وعزم .. والجيش واقف يتفرج عليهم لغاية ما خلصوا ... الجيش مش متأثر صدقونى ... بيدعم حرية الهدم لكل مواطن


حق التظاهر للسلفيين بس
(( ابيض ))
- طبعا كلنا شوفنا وقفة السلفيين علشان كاميليا شحاتة ... ومظاهرتهم علشان يحيى الجمل لمجرد انة قال رأية ... ومحصلهمش حاجة



(( اسود ))
- و كلنا شوفنا مظاهرة الاقباط فى حى الزبالين بالمقطم اعتراضا على هدم كنيسة صول ... وكانت النتيجة قتل 7 اقباط واصابة اكثر من 45 فى اطلاق نارى على المتظاهرين .




طبعا الخيار والفاقوس فى قضية قبطى ومسلم دى موجودة من زمااان فى كل الدول العربية والاسلامية ورغم محاولة المسلمون فى كل مكان نفى حدوث اى اضطهاد ضد الاقباط او بمعنى اخر ضد كل من هو مختلف عنهم فهذا لا يعنى عدم وجود اضطهاد صريح ضد الاقليات فى الدول العربية والاسلامية والتمييز الواضح بين المسلم العربى واى مختلف عنة فى اى شىء .

ولكن هناك ايضا تمييز اخر بين اصحاب الاموال واصحاب النفوذ وبين المفلسيين
الفاسدين والحرمية بنى ادمين والبلطجية حيوانات
(( ابيض ))
- طبعا كلنا شفنا الحراسة اللى على سجن طرة .. والموبايلات واللاب توب والحياة المرفهه جوا السجن لخدمة الحرمية والفاسدين .. حسحس وعيالة والعصابة بتاعتة .. هما اللى فى الاخر بياكلوا من كنتاكى

(( اسود ))
- الجيش قبض على بلطجية من كام يوم كدا مسكوهم هما والناس اللى فى المنطقة نزلوا فيهم ضرب والعيال سنهم ما يوصلش 25 سنة كلوا ضرب وشتيمة واتسحبوا فى الشارع ووهما بيتوسلوا انهم يشربوا نقطة مية .

طبعا الابيض والاسود كتير والخيار والفاقوس فى كل حتة فى مصر .. لان التعصب والتطرف مسيطر على العقول ... لو اخويا اللى غلط يبقى على صواب وادافع عنة .. لكن لو حد غلط فى اخويا ... يبقى عدوى ولازم انتقم منة وامسح بكرامتة الارض من غير ما افهم ومن غير ما افكر ولا اعرف اية اللى حصل .. المهم انصر اخويا اذا كان ظالم او مظلوم .
التعصب أعمى ... ومصر كلها عميان ساحبين بعض ... والاعمى لما بيسحب اعمى اية اللى بيحصل ؟؟.. اية؟؟ ... قولتوا اية اللى بيحصل ؟؟

اكيد كل متعصب اعمى ها يحصلة اللى انت قولتة بالظبط .

ودلوقت ها اسيبكم مع فيديو ... واحد ابيض وواحد اسود بس لوز لوز لوز
[

آخر تعديل بواسطة abomeret ، 19-04-2011 الساعة 06:01 PM السبب: تصحيح إملائى
الرد مع إقتباس