أطلق الفنان شعبان عبد الرحيم أغنية جديدة تحمل اسم "25 ميدان التحرير" انتقد فيها الأحداث الدامية التي شهدتها مصر منذ اندلاع "يوم الغضب 25 يناير"، وهى الأغنية التي تعاون فيها مع الشاعر الغنائي إسلام خليل.
جاءت أغنية "شعبولا" لتعبر عن وجهة نظر كاتبها للمظاهرات التي تشهدها مصر حالياً، والتي تحذر من ظهور أطماع العديد من الدول في مصر، وترويج بعض الأنظمة والفضائيات العربية لأخبار مغلوطة عما يجرى في الوطن.
وتقول كلمات الأغنية: 25 ميدان التحرير/ من اليوم هانعيش نفتكره كتير/ عايزين بقى نفتكره بخير/ ونعيش ونفرح بالتغيير، يا برادعى ياللى مولعها/ كبّر دماغك وسّعها/ كفاية العراق واللى عملتوه/ دي مصر مش هاتوقعها/ شبابنا ده عاقل وكبير/ ياللى فى ميدان التحرير العالم متربّص بينا/ وشعبنا بقى وضعه خطير/ عملتوا ثورة جميلة بجد/ بشكل حضارى معملوش حد/ بس فى ناس بتقيد فى النار/ وعايزه اللى عملتوه يتهد مشاكلكم هاتتحل قوام.
مفيش تانى مسئول هاينام ارحموا مصر/ ده ربنا نفسه خلق الدنيا فى 6 أيام/ وقفتكم فى ميدان التحرير خلّت ناس تشمت وكتير/ وناس ليها مصالح خاصة نطقت بعد ما كانوا صراصير/ ثورتكم أهداف قوية/ عايزين عدالة وحرية/ لما دخل بينكم الأحزاب/ قلبت بفوضى وهمجية/ أهالينا كلها مخنوقة/ فرحتنا صبحت مسروقة/ متسمعوش من حد غريب.
دى ناس دخيلة ومزقوقة/ دي خطه قعدوا رسموها/ علشان بلدنا يهدوها شوفوا "الجزيرة" بتعمل ايه/ بتساعد اللى بيدوها/ قاعدين بيكبّروا فى الحكايات/ وكل يوم فتنة واشاعات/ متدهومش الفرصة كفاية/ ده الميدان مليان كاميرات/ ثورتكم كانت ضوء أخضر/ أشرف من العملاء وأطهر/ بلاش تمشوا ورا الكداب/ اسمعوا لشيخ الأزهر.