عرض مشاركة مفردة
  #1  
قديم 22-02-2011
mena tawfick mena tawfick غير متصل
Registered User
 
تاريخ التّسجيل: Feb 2011
الإقامة: EGYPT
المشاركات: 5
mena tawfick is on a distinguished road
صوت قبطى نفسه يطلع فى البلد دى _اول مشاركه ليا

Mena Tawfick

يا مصر
أنا دمى مسقى بخيرك
واكلى كله من أرضك
وبعشق واموت فى نيلك


يانيل شريان قلب مصر
يا شمس ساعه العصر
ويهدوء ساعه الفجـــــر


بس اه لو يحن عليا قلبك
هتلاقى بيموت فيكى شعبك
وبدل مألعنك هحبك

ولو تسألينى
وعايزه تعرفى مين اللى بيتكلم
انا واحد من شعبك المتألم
وبالأمان والحياه الكريمه بيحلم


متستغربيش يا مصر يا بلدى
ايوه انا مينا اسمى
ايوه متستغربيش انا القبطى

وعاوز اقول لمصر وأسمعها
مهما حصل منها مسامحها
ده انا كل كلامى عنها

يا مصر
انتى مولد مارجرجس والستر والهيصه
انتى ركعتين فى الحسين والسيده نفيسه
انتى مصر المحروسه العزيزه الجميله


افرحى يا مصر وعليا اتسندى
أنا ابنك المصرى القبطى
بس لو تراعى كنيستى

ومحسش انك عليا بتأسى
هيحبك ويحن عليكى قلبى
وبعلو الصوت هفتخر واقول مصرى


ومش بحبك أكمنك حضاره
والاهرام والمعابد دول شويه حجاره
ده انتى بلد البابا شنوده


ومن قبله البابا كيرلس
ومن قبل الاتنين مارمرقص
وبجد انا فى حبى مخلص

ولو التريخ لسانه شريف
يقلك مين اللى قدر على برليف
المسيحى الحكيم اللطيف


يا عدرا على بلدى تعالى
ما انا عارف لمصر بتشتاقى
زمان ايام الهروب جيتى تدارى


وفاكره يا عدرا بعد 67
وظهورات الزيتون والريس يقول امين
جيتى بعد نكسه كسرت المصريين


يامصر
ورغم كل اللى فيكى حصل
عندى فيكى كل امل
يا مصر يا مغرورها عمرها ما تنكسر
الرد مع إقتباس