محمد عبد المجيد
رئيس تحرير طائر الشمال
عضو اتحاد الصحفيين النرويجيين


هل انت ضمن هؤلاء؟


صحافه المهجر على قهوه بعجر

ما اكثرصحف المهجر و ما اكثر الساده صحافييى المهجر عفواً كبار صحافييى المهجر
والكل قاعد يشرب الشاىو الشيشه على قهوه بعجر

ومن امثالهم هذا صاحب الفوز العظيم وهذا الذى لا يعرف للنضال الا المزايده وهذا الذى بارك الله لنا فى عمره وقلمه وهذا اللى اشهر من النار عا العلم واخيراً بتاع الكشرى(اسمه كاسم بتاع كشرى مشهور فى القاهره ابو؟؟؟؟؟؟) وعلى فكره صاحبنا بيحب الصور جدا تاره مع السفير وتاره مع الغفير ولكل مناسبه هو مو جود فيها وبذلك بيضرب عصفورين بحجر يتعشى ببلاش وياخد له صورتين مع كبار القوم ويقولك ايه وكانت الدعوه وجهت الى جريده كذا هناك يمثلها فلان

آل ايه الحكايه ناقصه ولسه كما نقول فى مصر ياما فى الجراب يا حاوى والكل بياكل عيش
ومن خلال قراتنا على لهذه الصحف نجد ان لهم جميعا مكاتب فى جميع انحاء العالم ولا مكاتب ال واشنجتون بوست. إشي فى عمان وإشي القاهره وإشي الدار البيضاء وإشي لندن حتى ولايه كالكتا فى الهند يا جدع لهم مكاتب هناك ويقولك ايه افاد مراسلنا فى غينيا بيساو (هى فين غينيا بيساو دى)
وكلهم رؤساء تحرير ورؤساء لمجالس ادارات صحفهم وعندهم بطاقات عضويه لنقابه الصحافيين فى البلاد المقيمين فيه
وطبعا ترخيص نقابه فى الغرب اسهل من بيع الترمس على كورنيش النيل كل ما عليك انك تجيب توقيعين تلاته من الاصدقاء وتتقدم بهم للبلديه وحوالى 50 دولار مصاريف اصدار وتعمل انتخابات بينكم وتكون انت الريس بكده اصبحت نقابتكم قانونيه واللى عاوز ينضم اهلا وسهلا بس ادفع اشتراك العضويه وتبقى صحفى قد الدنيا

والمصيبه الأعظم بانهم يلقبون كبار الكتاب بالزميل
وعلى سبيل المثال فهناك الزملاء هيكل /ابرهيم نافع / أحمد بهجت/ محمود السعدنى/ احمد الجار الله/ جهاد الخازن/ المرحوم سعيد فريحه/ عبد الرحمن الراشد/ عبد الله باجبير/ خالد القشطيني/ جمال الغيطانى وطبعا الزميل الكبير نجيب محفوظ رحمه الله وماتنساش كمان القومجى الكبير مصطفى البقرى
وإذا كانت الحكايه زماله فى زماله فإن العبد لله له الحق بان يقول الزميل حسنى مبارك الزميل بوش الزميل شيراك الزميل عمر البشير الزميل زين العابدين الزميل معمر القذافى الخ الخ ......... حتى مامون عبد القيوم بتاع جزر القمر زميلى كمان
ماتخفوش قوى كده راح اقدم لكم الدليل القاطع على احقيتى بمناداتهم بالزملاء
بما ان العبد لله لديه شركه مسجله وانا رئيسها خلاص ابقى انا كمان ريس اشمعنى انا ؟ فبناء عليه لى كل الحق بان اوصفهم كلهم بالزملاء
وتييجى يجدع تكلم الواحد منه تلاقيه فاكر نفسه المعلم روبرت مردوخ او على الاقل الاخوان على و مصطفى امين ويقعد يحكيلك عن معاناته ايام كان فى البلاد وكم من مره قامت السلطات باعتقاله واستجوابه عشان الواد ثورجى وقومجى اما جريدته الغراء

فهى تنطق بلسان حال العرب المغلوبين على امرهم والمظلومين من قبل امريكا والمجتمع الامريكى والمطهدين لكونهم عرب وهم دائماً ابرياء برائه الذئب من دم ابن يعقوب.
ايه يعنى لما يحرقوا محلاتهم وبيوتهم وتمثيل حوادث السيارات الوهميه وآه يا ضهري وآه يا رقبتى والنصب على شركات التأمين والبنوك واشهار افلاسهم مره او اتنين فى السنه ماهى شركات التأمين عماله تاخد فلوسهم والبنوك تفرض عليهم الفوائد الباهظه ولا تنسوا مما يخالفون قوانين الاقامه شفتوا ازاى احنا ابرياء يا جدعان

اذكر فى احدى المرت ذكر لى احدهم
بانه مشهور فى مصر كشهره التابعى بتاع الفول والخواجه شيكوريل فى زمانه ولكن فى مجال الصحافه ومنزله بالقاهره دايما عامر بالزملاء صحافييي مصر لعقد ندواتهم وامسياتهم الثقافيه ولغايه كده كلام زى الالماظ بس كشف نفسه وقالى انه يمتلك شقه فى بالزمالك وبلكونته تطل على حديقه المريلاند فى حى الزمالك بالقاهره ولسوء حظه ان لا حديقه الميلاند ولا شارع النيل فى حى الزمالك

تيجى بقى تشوف ازاى تبقى صحفى وعندك جورنال
كل الحكايه انك تشوفلك وكاله اعلانات تتفق معاها هما يأتوا لك بالاعلان وما عليك الا ان تنشرها فى جريتك الموقره او بطريقه اخري انك تلف على محلات البقاله مثلا وتاخد لك علبتين فول على علبه حمص ورغيفين عيش والامر مايسلمش من منقوشتين بالزعتر وحته جبنه حلوم مقابل الاعلان وهكذا للانشطه الاخرى كبايه شاى وشيشه فى القهوه الفلانيه وعشوه فى المطعم الفلانى وكاس فى المرقص العلانى والدليل على صدق كلامى هذا لاحظ ان جميع الاعلانات مكرره فى جميع الصحف هما هما نفس المعلنين وأهو الكل بياكل عيش. اما عن المقالات فما عليه الا ان تلعن سلسفيل ابو حاكم والا اتنين من الحكام العرب وتكتب لك كده كلمتين رثاء فى حال فلسطين والامر مايمنعنش من دمعتين على شهدائنا وضحايا الانتفاضه والاحتلال الامريكى للعراق
وأهى الثوره قايمه والنضال شغال (على رأى ام كلثوم) هذه للمقالات الساخنه اما بالنسبه للموضوعات الاخري زى اخبار الفن وهز الوسط يا سيدى البركه فى الانترنت والقص واللزق
COPY & PEAST

وقبضنى يا جدع