[أبرهة العصبي]

المشاركة الأصلية بواسطة the way of truth

أهلاً بيك أخ ابرهة ...

أنا ليا رأي في اللي بيحصل ده : أن اللي بيعمله الشعب المصري دلوقتي معناه ان الشعب قرر فعلاً انه ما يعودش للظلم والفساد مرة تانية لأن أخيراً مصر هترجع لاولادها بعد ما كانت قلة قليلة هي اللي بتتحكم في البلد وثرواته اللي كانت بتاخدها ليها لوحدها وسايبة الشعب غارق في الفقر والمرض والتطرف والجهل .

دلوقتي مصر فعلاً لازم تتطهر من كل رموز الظلم والفساد ، كفاية اللي شافه الشعب علي ايد نظام فاسد اللي حتي الاقباط منجوش من ايده الملوثة بدماء شهدائنا مش لازم ننسي ما كان يفعله المجرم حبيب العادلي والبلطجية التابعين له من قتل شبابنا ومساعدة الاسلاميين علي خطف البنات والتستر عليهم بل مساعدتهم في كثير من الاحيان ،والتعنت الشديد في بناء الكنائس وتأمين المسلمين في الهجوم عليها ، وحرق واتلاف بيوت الاقباط .

وأنا سعيد في ان الاقباط بيشارك في ده مع كل الشعب المصري ، حتي لا يذكر التاريخ في يوم من الايام ان الاقباط كانوا سلبيين ولم يشاركوا في تلك الثورة ، لأنهم كانوا خائفيين او متخاذليين .

يمكن البعض يكون متخوف فعلاً من سيطرة الاسلاميين علي البلد ، وانا استبعد ان يحدث ذلك لأن مصر لو وقفت علي رجليها ، ورجعت لاولادها فعلاً ، ورجع العدل والمساواة بين الجميع والكل اخد حقه ، فأن مصر ستتقدم خطوات عديدة للأمام ولن يكون هناك مكان للفقر والمرض ، وسينحصر الجهل والتطرف بشكل كبير .

خلينا نبقي متفائلين وايجابيين ونشارك فيما يحدث حتي لا نغيب عن المشهد وتزيد معانتنا يوماً بعد يوم ونكون قادرين أيضاً بالمطالبة بكل حقوقنا التي سلبنا اياها ذلك النظام الفاسد المستبد .

حاولت ابقى متفائل كتير بس مفيش حاجة مساعداني وكل حاجة بتثبت العكس
انا مش عارف اقوللكو انا حاسس بأية دلوقتي