مش عارف ...نفسى اختلف معكم فى الموضوع ده
هناك شباب منهم مغرر به ولاذنب لهم وليس لهم لا فى الطور ولا فى الطحين
جارى مثلا وانا فى مصر, ولد عنده 17 سنة (ساعة القبض عليه) , اسمه احمد.... طول عمرنا بنتعامل مع بعض اكثر من الاخوة....فجأة اتلم على ولاد ال...... الجماعات....بوظوا له دماغه.....ربى دقنه...انت كافر ياويكا.....صباح الخير يا احمد..... وعليكم السلام ورحمة الله يا ويكا... يعدى من امام الكنيسة تلاقيه يتف....ياابن اال..... ايه اللى حصل لك ياللا؟ مالك فيه ايه؟....... لو سمحت يا ويكا ...انت كافر.. وانا مستخسرك فيهم , ياريت يا اخى تتبع الحق , ده الاسلام ده حلو جدا والواحد شاعر بسعادة غامرة جوايا , حتى لو جيت عندى ها تلاقينى قطعت كل صور مديحة كامل اللى كنت يوما ما مالى اوضتى منها......
يخرب بيت مطنك؟ اايه ياد فوق من اللى انت فيه,,, عيب عليك , كافر ايه وبتاع ايه؟ انت ناسى اننا متربيين سوا واكتر من الاخوات؟
ربنا يخرب بيتهم اللى بوظوا لك دماغك
بعدها بفترة , اتقبض على احمد وقت الاحداث الارهابية , لم يفعل شيئا , ومازال قابعا خلف الاسوار الحديدية , انفطرت عين امه عليه.....طب هى ذنبها ايه؟
طب لو احمد راجع نفسه وعرف انه كان غلطان.... مش من حقه انه يخرج من السجن خاصة انه لم يرتكب اية جريمة؟ ولا توجه له تهمة؟
يا اخوة صدقونى ان العدد المعلن عنه (الف) المفرج عنهم لا يتعدو مثلا 5% من تعداد المعتقلين... هناك الالاف خلف القضبان
انا برضو , من سنتين كان موقفى زيكم كدة , لكن بعد تفكير فى الموضوع... اصبحت اميل الى رأى الحكومة فى الموضوع
مش السجن تهذيب واصلاح برضوا؟
