رجاء من المشرفين ..تثبيت الموضوع..دفاع غلباوي

[sammy]

المشاركة الأصلية بواسطة fanous2102

*الموضوع مش هزار مطلوب منك الرد علي
1- تهديدك بالقتل للات
2- محاولاتك الدائمه للدخول للبرايفت و اصرارك علي معرفه الهويه الشخصيه لبعض الاشخاص
3- التجسس علي بعض الافراد عندما كانوا في زياره لمصر و مراققبتهم
و محاوله التدخل في حياتهم الشخصيه
4- التهديد المستمر المستتر للاعضاء

أنا مش فاهم يافانوس ياأخويا الحبيب إنت شاغلك موضوع غلباوى ليه؟
محاولة الدخول للبرايفت دى شىء مضحك لأن كل اللى بنكتبه تقريبا حتى لو أيميل خاص,ممكن يتعرف قبل ما نكليك على إرساله, ده لو كنا مهمين يعنى, وهذا أنا لا أصدقه ابدا لأننا حياالله غلابة وغلابة جدا كمان من ناحية التأثير على أى شىء لا داخل ولا خارج مصر.
أما عن التجسس على من زاروا مصر فيعنى هايتجسسوا على إيه؟ أنا كنت فى مصر لمدة خمسين يوم ولم أشعر ولم حتى آبه إن كان احد يتجسس عليا ام لا, بل كتبت عدة مواضيع ونشرت فى جرائد وانا فى مصر, واللى يقول مايخاف واللى يخاف مايقول. ويعنى هو احنا بنعمل ايه؟ هل بنتآمر على امن الدولة يعنى ولا بتنشكل مجموعات ارهابية؟؟؟ ياعم خليها على الله, أمال مؤمنين إيه, والرب يحرسنا إيه؟
شغلانة غلباوى مش انه يراقبنا وإلا ماكانش حتى شارك بأى كتابات أو آراء. أنا أظن أن شغلته أنه يستطلع دواخل نفوسنا ولذلك احيانا يستفزنا بأقصى ما يستطيع لكى يستخرج حتى اللى فى أعماقنا, وأحيانا شغلته أنه يوجه مشاعرنا ناحية معينة. وأظن من بعد أن يضع تقريره أن الأعضاء هنا غلابة على الآخر ولا يستحقوا حتى مجرد الإهتمام بما يقولونه وما يفكرون به, يمكن ينسحب من تلقاء نفسه, وفى الحالة دى متهيألى هايوحشنا.
سلام ومحبة للجميع.